Kûguû 13:2 - ÎVUKU RÎA ÛVORO MWARO

² Nyamû îo yonekaga îkariî ta gîtang'a. Nacio ithu ciayo ciekariî ta cia ngatûnyi, na kanyua ka yo gekariî ta ka mûnyambû. Nayo njûnamatu nîyavecanire vinya wayo, gîtî Kîamyo Kîam ûnene, na wathani mûnene wayo kûrî nyamû îo.

Kûguû 13:2 ပူးပေါင်းရင်းမြစ်များ

2Atha 2:24

Elisha nîwevûgûrire. Na rîrîa oonire tûvîcî tûu, nîwatûrumire na rîîtwa rîa Ngai-Mûnene. Ngatûnyi igîrî cia nga nîciaumire na kûu kîthakarî na ikîûraga tûvîcî mîrongo îna na twîrî gatagatî ga tûvîcî tûu.

Thaburi 22:21

Mvonokia kuuma tûnyuarî twa mînyambû, ndingîvota gwîtethia mbere ya mbogo ino.

Nthi 17:12

Nîkava gûcemania na ngatûnyi ya nga îcuunîtwe twana twayo, kûrî gûcemania na mûndû kîrimû akiuruga ûrimû wake.

Nthi 28:15

Mûthamaki mwaganu akîatha athîni, nîta mûnyambû ûkîrarama kana ngatûnyi îkîtharîkîra kîndû.

Isaia 5:29

Athigari ao mararamaga ta mînyambû, mararamaga ta mînyambû mîthî, înyitîte kîndû na îgakîvira kûndû kûraca, na gûtirî mûndû ûngîmîcuna.

Jeremia 13:23

Mûndû nwa agarûre rangi wa ngoothi yake, kana ngarî îcenjie maroro mayo? Ethîrwa nwa magarûre, wana mue mûmenyerete gwîka naaî, nwa mwîke maûndû marîa magîrîrîte.

Jeremia 5:6

Kwoguo mûnyambû kuuma werûrî nîûkamaûraga; Kîamthi kuuma werûrî nîgîkamacûkangia. Ngarî nîîtegete îtharîkîre matûûra mao, mûndû wonthe ûkauma kûu matûûrarî agaatarûrangwa icunjî, nîûndû mevia mao nî meengî, na mekaraga magîtiganagîria Ngai.

Hosea 11:10

Nîmakaanjaria nie Ngai-Mûnene, ûrîa ûrurumaga ta mûnyambû, rîrîa ngaruruma ciana ciakwa ikauma îthûîro igîtetemaga.

Amosi 3:12

Ngai-Mûnene arauga atîrî, “Wata ûrîa mûrîthi atethûraga magûrû maîrî, kana kînuku Kîam gûtû kwa ng'ondu kuuma kanyuarî ka mûnyambû, nwa guo andû a Isiraeli arîa matûûraga Samaria magatethûrwa, arîa rîu mamamagîra itanda mbaro na nguo cia goro.”

Amosi 5:19

Nîta mûndû akîûra nî mûnyambû agacoka agatûngwa nî ngatûnyi, kana atonyete nyomba na agetira rûthingorî na njara îkarûmwa nî njoka.

Habakuku 1:8

“Mbarathi ciao irî îvenya gûkîra itang'a; nînyûmîrîru gûkîra ciathi irî mvûtu. Itwîte mbarathi ciumîte kûndû kûraca; andû ao arîa mathiîcaga maumaga kûndû kûraca, igûrûkaga na îvenya ta nderi îkînyita gîa kûrîa.

2Tim 4:17

Nwatî Mwathani aarî vamwe nanie na nîwamûvere vinya wa kûvecana ûvoro mwaro kûrî andû onthe a ndûrîrî, kwoguo nînarutirwe magegorî ma simba.

1Pet 5:8

Îkaragani mwîîguîte na mwîvarîrîtie! Nthû yenyu, na nîke Ngoma, araûrûra akîraramaga ta mûnyambû agîcaragia mûndû wa gûcûkangia.

Kûguû 12:13

Rîrîa njûnamatu îo yamenyire atî yo nîyaikîtue nthî, nîyambîrîrie kûrûmîrîria mûndûmûka ûrîa waciarîte kaana ga kamwanake.

Kûguû 12:15

Nayo njûnamatu nîyaminjire manjî maarî meengî ta ma rûnjî kuuma kanyuarî ka yo yamaminjire nîguo makinyîre mûndûmûka ûcio mamûtware.

Kûguû 12:9

Nayo njûnamatu îo nene na araika a yo nîmaaikirue nthî kuuma îgûrû - îo nîyo njoka ya tene, îrîa îtagwa Ngoma, kana Caitani ûrîa ûveenagia andû onthe a nthî.

Kûguû 13:12

Nyamû îo nîyavûthagîra wathani wonthe ûrîa waumaga kûrî nyamû îo ya mbere. Yekaga ûguo methorî ma nyamû îo ya mbere. Nîyatûmaga nthî na arîa matûûraga kuo magooce nyamû îo ya mbere, îrîa kîronda Kîamyo Kîamrî kîvonu.

Kûguû 13:4

Nao andû onthe nîmaagoocire njûnamatu îo nîûndû nîyavete nyamû îo wathani. O nîmaagoocire nyamû îo wa nayo makiugaga atîrî, “Nû wîkariî ta nyamû, na nû ûngîvota kûrûa nayo?”

Kûguû 16:10

Nake mûraika wa gatano nîwetûrûrire kîrîa Kîamrî mbakûrirî yake îgûrû rîa gîtî Kîam ûnene Kîam nyamû îo. Nakuo kûrîa kuonthe nyamû îo yathanaga nîkwagîre nduma, na andû makîîrûma nîmî ciao nîûndû wa ûrûrû.

Kûguû 17:12

“Nacio mvîa îkûmi irîa wonire nî athamaki îkûmi arîa matarî marambîrîria kwathana. Na rîrîa makaambîrîria kwathana, magetîkîrua mathane kavinda ka îthaa rîmwe marî vamwe na nyamû îo.

Kûguû 19:20

Nayo nyamû nîyanyitirwe wa vamwe na mûrathi wa maveeni ûrîa waringaga ciama îrî vo. (Na njîra ya ciama icio, mûrathi ûcio wa maveeni nîwavîtithirie arîa maarî na rûûri rwa nyamû na maagoocete mûvuanano wayo.) Nyamû îo na mûrathi ûcio wa maveeni nîmaaikirue marî mwoyo îriarî rîa mwaki ûrîa wakanaga na ûviriti.

Kûguû 2:13

Nie nîmbîcî we ûtûûraga kûrîa Caitani arî na gîtî gîake Kîam ûthamaki. We ûrî mwîvokeku kûrî nie, na ndwatiganîria wîtîkio waku kûrî nie wa na vîndî îrîa Anitipa aaûragirwe. Anitipa aarî mûira wakwa ûrîa waûragirwe arî îtûûrarî rîu rîenyu kûrîa Caitani atûûraga.

Kûguû 20:2

Nake nîwanyitire njûnamatu, njoka îrîa ya tene, na nîyo îtagwa Ngoma kana Caitani. Nîwocire nyororo na akîova njûnamatu îo kavinda ka mîaka ngiri îmwe.