Kûguû 13:13 - ÎVUKU RÎA ÛVORO MWARO

¹³ Nyamû îo ya kaîrî nîyaringire ciama nene. Nîyatûmire mwaki ûnyûrûrûka kuuma îgûrû gûka nthî andû onthe maroretie.

Kûguû 13:13 ပူးပေါင်းရင်းမြစ်များ

1Atha 18:38

Vîndî wa îo mwaki wa Ngai-Mûnene nîwaumire îgûrû na ûkîvîvia matega, ngû, mathiga, mûthetu na ûkînyarithia manjî marîa maarî mûtarorî.

Ntha 7:22

Nao andû arîa maarî na ûûgî wa kûringa ciama a mûthamaki nîmaaringire ciama wanao. Nake mûthamaki nîwaûmirie ngoro wata mbere. Mûthamaki nîwaregire kûthikîrîria Musa na Aroni.

Ntha 8:7

Nwatî andû arîa maringaga ciama nîmaaringire ciama wa nao na magîtûma ciûra igîe kûu vûrûrirî wa Misiri.

Ntha 9:11

Nao andû arîa maarî na ûûgî wa kûringa ciama a Misiri matianavota kûrûngama mbere ya Musa nîûndû maarî na mavûva, wata andû acio engî a Misiri.

Ndari 16:35

Naguo mwaki nîwaumire îgûrû na ûgîûka ûkîvîvia andû magana maîrî ma mîrongo îtano (250) arîa maategagîra Ngai-Mûnene ûbani.

Mathaayo 16:1

Afarisai amwe na Asadukai nîmaathiîre kûrî Jesû makîenda kûmûgeria. Kwoguo nîmeerire Jesû amaringîre Kîamma kuuma îgûrû nîguo mamenye atî vinya wake umîte kûrî Ngai.

Mathaayo 24:24

Nîûndû Mesaya a maveeni na arathi a maveeni nîmakeyumîria. Nîmakoonania ciama na morirû nîguo mangîvota mavîtithie andû arîa Ngai ethuurîrîte.

Maariko 13:22

Nîûndû andû arîa metucaga Mesaya na arîa metucaga arathi nîmakeyumîria na monanie ciama na morirû nîguo kûngîvoteka mavîtithie andû arîa Ngai ethuurîrîte.

2Tim 3:8

Wata ûrîa Jane na Jambare maakararirie Musa, ûguo nwaguo andû acio maakararirie ûvoro wa ma. Andû acio methagîrwa na meciria macûku na nîagwîu ûvororî wa wîtîkio.

Kûguû 11:5

Mûndû wa wonthe angîgeria kûmacûkangia, mwaki nî uumaga tûnyuarî twao na ûkavîvia nthû icio. Na njîra wata îo mûndû wa wonthe ûngîgeria kûmacûkangia nî akaaûragwa.

Kûguû 16:14

Ngoma icio nî ndaimono irîa irî na vinya wa kûringa ciama. Nacio ngoma icio nîciathiîcaga kûrî athamaki onthe a nthî, ikamareta vamwe nîûndû wa mbaara ya mûthenya ûrîa mûnene wa Ngai mwene vinya wonthe.

Kûguû 19:20

Nayo nyamû nîyanyitirwe wa vamwe na mûrathi wa maveeni ûrîa waringaga ciama îrî vo. (Na njîra ya ciama icio, mûrathi ûcio wa maveeni nîwavîtithirie arîa maarî na rûûri rwa nyamû na maagoocete mûvuanano wayo.) Nyamû îo na mûrathi ûcio wa maveeni nîmaaikirue marî mwoyo îriarî rîa mwaki ûrîa wakanaga na ûviriti.

Kûguû 20:9

Nao nîmaathiîre nthî yonthe na makîrigicîria îtûûra rînene rîrîa Ngai eendeete, kûrîa andû ake matûûraga. Nwatî mwaki nîwanyûrûrûkire kuuma îgûrû ûkîmacûkangia.