Kûguû 13:10 - ÎVUKU RÎA ÛVORO MWARO

¹⁰ Mûndû wa wonthe ûrîa ûtuîrîtwe kwovwa njeera, nwa nginya ovwe. Mûndû wa wonthe ûtuîrîrîtwe kûûragwa na rûviû, nwa nginya aûragwe na rûviû. Ûguo nîkuga andû a Ngai magîrîrwe nî kûmîrîria na kûgîa na wîtîkio.”

Kûguû 13:10 ပူးပေါင်းရင်းမြစ်များ

Isaia 14:2

Andû a mavûrûri nîmagaatethereria andû a Isiraeli gûcoka vûrûrirî ûrîa maaverwe nî Ngai-Mûnene. Nao andû acio a mavûrûri nîmagaatungatagîra Aisiraeli marî ngombo. Arîa maatavîte Aisiraeli nîmagaatavwa nî Aisiraeli, na andû a Isiraeli nîmakaatha arîa maamavinyagîrîria.

Isaia 26:21

Nîûndû Ngai-Mûnene nîagaaûka kuuma îgûrû kûrîa ekaraga aûke averithie andû nîûndû wa mavîtia mao. Nayo nthî nîkaaumbûra arîa maaûragirwe na ndîkaathitha rîngî arîa maaûragirwe.

Isaia 33:1

Kaî we mûcûkangia ûyû, wî thînarî-î! Ûcûkangagia na ndûcûkangagua, we wîkaga maûndû macûku, na gûtirî mûndû ûgwîkaga maûndû macûku! Rîrîa ûkaathiria gûcûkangia, wanawe nîûgaacûkangua! Rîrîa ûkaathiria gwîka andû maûndû macûku, wanawe nîûgekwa maûndû macûku.

Jeremia 15:2

Na mangîkûûria, ‘Nîtûthiî kû?’ Ûkaamera, ‘Nie Ngai-Mûnene mbugîte atî: Arîa matuîrîrîtwe kûûragwa nî mîrimû makaaûragwa nî mîrimû, arîa matuîrîrîtwe kûûragîrwa mbaararî makaaûragîrwa mbaararî, arîa matuîrîrîtwe makaûragwa nî yûra makaaûragwa nî yûra, arîa matuîrîrîtwe gûtavwa mavirwe îthamîriorî nîmagaatavwa mavirwe kuo.’ ”

Jeremia 43:11

Nîagaaûka na acûkangie vûrûri wa Misiri. Arîa maavangîrîtwe kûûragwa na mîrimû nîmakaaûragwa nayo, arîa maavangîrîtwe gûtavwa mavirwe îthamîriorî nîmagaatavwa, arîa maavangîrîtwe kûragîrwa mbaararî nîmakaaûragîrwa kuo.

Maca 3:26

Nî waro mûndû gwîkara akirîrîrîtie, etererete ûvonokio wa Ngai-Mûnene.

Habakuku 2:3

Kîoneki gîkî gîetererete vîndî îrîa mbagîrîru yakîo; nî kîoneki Kîam ma kîonanagia maûndû ma mûthiia. Ethîrwa nîmaronekana magîcererwa, meterere; nama nîmagûkinya na tîmacererwa.

Mathaayo 26:52

Nake Jesû nîwamwîrire atîrî, “Cokia rûviû rwaku njûrarî, nîûndû arîa onthe marûaga na rûviû makaûragwa na rûviû.

Mathaayo 7:2

Nîûndû Ngai akaamûtuîra wata ûrîa mûtucagîra andû arîa engî, na kîthimi kîrîa mûthimagîra arîa engî nakîo nwa kîo mûkaathimîrwa nakîo.

Luka 21:19

Ûmîrîriani na nîmûkaavonokia mîoyo yenyu.

Akol 1:11

Ngai aromûvotithia kûgîa na vinya îrîa yumanaga na ûvoti wa riiri wake, nîguo mûvote kûmîrîria maûndû monthe mûkirîrîtie na mûrî na gîkeno.

Ahib 6:12

Tûtingîenda mûtuîke igûta. Nwatî tûngîenda mwîgerekanie na andû arîa magaaga ciîranîro cia Ngai na njîra ya wîtîkio na gûkirîrîria.

Kûguû 1:9

Nie nînie Johana mûrû wa îthe wenyu. Nî mbîtîkîtie Jesû na nîrî ûmwe wenyu. Nîtûgwatanagîra namue ngirîrîtie ngîûmagîrîria kûthînua kûrîa gûkaga kûrî arîa marî a Ûthamaki wake. Nie naigirwe gîcîgîrîrarî gîtagwa Patimo nîûndû nînaanîrîre Ûvoro wa Ngai na Ûma ûrîa Jesû aaguûririe.

Kûguû 11:18

Andû a ndûrîrî nîmaang'ûrîkire nîûndû îvinda nîrîkinyu rîa kwonania marakara maku, na îvinda rîa gûtuîra arîa akuû. Îvinda nîrîkinyu rîa kûva ndungata ciaku iveo na nîo arathi, andû arîa atheru, arîa onthe magwîtigagîra anene wa na arîa anini. Îvinda nîrîkinyu rîa kûûraga arîa macûkangagia nthî!”

Kûguû 14:12

Ava varenda ûmîrîru wa andû a Ngai arîa mavingagia maathani make na mevokete Jesû.

Kûguû 16:6

Nîûndû andû acûku nîmetûrûrire nthakame ya andû a Ngai na ya arathi. Kwoguo nîwamava nthakame manyue, nîûndû ûguo nîguo magîrîrwe!”

Kûguû 17:11

Nayo nyamû îrîa yarî mwoyo nwatî rîu ndîrî mwoyo, nî mûthamaki wa kanana. Ke nî ûmwe wa arîa mûgwanja, nake nîakaathiî kûaragwa.

Kûguû 17:8

Nyamû îo vîndî îmwe yarî mwoyo, nwatî rîu ndîrî mwoyo. Nyamû îo nî îkunûkia yume îrimarî rîrîa rîtarî mûthiia îthiî îgacûkangue. Nîkûrî andû marî mwoyo na marîîtwa mao mataanandîkwa kuuma rîrîa nthî yambîrîrie kûmbwa. Andû acio onthe nîmakaamaka rîrîa makoona nyamû îo, nîûndû vîndî îmwe yarî mwoyo, na rîu ndîrî mwoyo, nwatî nîgaacoka yûke rîngî.

Kûguû 2:19

Nie nîmbîcî ciîko cienyu. Nie nîmbîcî wendani wenyu, wîtîkio wenyu, ûtungatîri wenyu, na kûmîrîria kwenyu mûkirîrîrîtie. Nie nîmbîcî atî ciîko cienyu irîa mwîkaga rîu nî nyîngî gûkîra irîa mwekaga mbere.

Kûguû 2:2

Nie nîmbicî ciîko cienyu, nîmenyete ûrîa mûrutîte wîra na vinya na mûkaûmîrîria mûkirîrîtie. Nie nîmbicî atî mue nîmûreganaga na andû arîa acûku. Mue nîmûtuîrîtie arîa maugaga atî o nî atûmwa na tî o, na nîmwonete ûguo maugaga nî kûveenania maveenanagia.

Kûguû 3:10

Mue nîmûrûmîrîrîte kîthomo gîakwa gîa kûmîrîria mûkirîrîrîtie na kwoguo nie nîngaamûgitîra kuuma kûrî îvinda rîa mathîna rîrîa rîgaûka kûgeria andû onthe arîa matûûraga gûkû nthî.

Kûguû 3:3

Ta ririkanani maûndû marîa mwathomithirue na marîa mwegwire. Marûmagîrîreni na mwîrire. Ethîrwa mue tî mûkîra, nie ngaûka kûrî mue ta mwîi na mûtikaamenya îthaa rîrîa ngaûka.