Kûguû 13:1 - ÎVUKU RÎA ÛVORO MWARO

¹ Nînaacokire ngîona nyamû îkiumîra îriarî. Nayo yarî na mvîa îkûmi na ciongo mûgwanja. Na wa rûvîarî rwayo kwarî na nthûmbî. Na wa kîongorî Kîamyo nîkwarî na rîîtwa rîa kûruma Ngai.

Kûguû 13:1 ပူးပေါင်းရင်းမြစ်များ

Jeremia 5:22

Ngai-Mûnene araûria atîrî, Nîndûî kîgiragia mûnîîtigîra? Nîndûî kîgiragia mwinaine mûrî mbere yakwa? Nînaigîre mûthanga ûtuîke mûvaka wa îria, mûvaka wa gûtûûra ûrîa rîtangîkîra. Wana ethîrwa makûmbî nîmaikanagia ava na vaarîa mwatî matingîûvîtûka, wana ethîrwa nîmarurumaga, matingîûkîra.

Danieli 11:36

“Mûthamaki wa Sîria nîageka kwenda gwake. Ke nîakenenevia gûkîra ngai cionthe na arume Ngai Ûrîa Mûnene gûkîra Ngai cionthe. Ageka ûguo nginya rîrîa Ngai akaamûverithia; nîûndû ûrîa Ngai avangîte gwîka nwanginya ûkaavinga.

Danieli 2:41

We nîwonire atî itende na ciara; kûmwe kwarî kwa yûmba na kûu kwîngî gwa cuuma. Ûguo nîkwonania atî ûthamaki ûcio ûkethîrwa ûrî mûgaûkanu. Gîcunjî kîmwe Kîam ûthamaki gîkethîrwa na vinya ta cuuma nîûndû kûmwe kwarî gwa cuuma na kûmwe kwa yûmba.

Kûguû 11:7

Na marîkia kûvecana ûira wao, nyamû îrîa yumaga îrimarî îrikîru rîtarî mûthiia nîîkarûa nao îmavoote na îmaûrage.

Kûguû 12:3

Naguo ûrirû wîngî na wa magegania nîwaumîrire kûu îgûrû. Nî kwarî na njûnamatu nene ya rangi ndune na yarî na ciongo mûgwanja na wa kîongo Kîamyo Kîamrî na nthûmbî. Wana nîyarî na mvîa îkûmi.

Kûguû 13:11

Nînacokire ngîona nyamû îngî yaumire nthî. Nyamû îo yarî na mvîa igîrî ta kagondu na yaragia ta njûnamatu.

Kûguû 13:14

Nayo nîyavenirie andû onthe na njîra ya ciama irîa yaringire îrî mbere ya nyamû îrîa ya mbere. Nyamû îo ya kaîrî nîyathanire andû matume mûviano wa nyamû îrîa ya mbere îrî njîra ya kûmîva gîtîîo. Nyamû îo nî yagurarîtue na rûviû, nwatî yarî mwoyo.

Kûguû 13:15

Nyamû ya kaîrî nîyetîkîrîtue îveverere mûviano wa nyamû ya mbere mîvevû ya gûtûma ûgîe mwoyo. Yekire ûguo nîguo mûvuanano ûcio warie, na mûndû wa wonthe ûtakaaûgooca aûragwe.

Kûguû 15:2

Na nînoonire kîndû kîonekaga gîkariî ta îria rîa gîcicio rîtukanîtue na mwaki. Wana nînonire arîa maavootete nyamû, mûvuanano wayo, na makavoota ûrîa namba yarûngamagîrîra rîîtwa rîake. Andû acio maarûngamîte mwenarî wa îria rîu rîa gîcicio manyitîte ngita irîa Ngai aamaveere,

Kûguû 16:13

Nanie nînoonire ngoma ithatû ciekariî ta ciûra. Ngoma icio ciaumaga kanyuarî ka njûnamatu, kanyuarî ka nyamû na kanyuarî ka mûrathi wa maveeni.

Kûguû 17:16

Mvîa irîa îkûmi wonire, na nyamû nîikaathûûra mûmaraa ûcio na nîigooca indo ciake cionthe irîa arî nacio na imûtige arî njaga. Nîikaarîa nyama cia mwîrî wake na imûvîvie na mwaki athire.

Kûguû 17:3

Nînecûrirwe nî Roho Mûtheru, nake mûraika nîwanguire akîmvira werûrî. Kûu nînoonire mûndûmûka ekarîrîte nyamû ya rangi ndune. Nyamû îo yarî na marîîtwa mwîrîrî wonthe marîa maarumaga Ngai. Yarî na ciongo mûgwanja na mvîa îkûmi.

Kûguû 17:5

Ûthiûrî wake nîvaandîkîtwe rîîtwa, na ûrîa rîîtwa rîu riugîte warî nthithorî. Rîîtwa rîu rîandîkîtwe atîrî: “Babuloni îrîa nene, ng'ina wa maraa monthe na kiumo Kîam maûndû marîa macûku mekagwa nthî.”

Kûguû 19:19

Nînacokire ngîona nyamû na athamaki a nthî na mbûtû ciao cia athigari a mbaara. Nao maagomanîte nîguo marûe na ûrîa wathiîte ekarîrîte mbarathi ya rangi njerû na mbûtû yake ya athigari a mbaara.