Kûguû 12:12 - ÎVUKU RÎA ÛVORO MWARO

¹² Kwoguo kenani mue muonthe arîa mûtûûraga îgûrû! Nwatî kaî arîa matûûraga gûkû nthî na îriarî nîmakethîrwa na thîna-î! Nîûndû Ngoma nîanyûrûrûkîte kûrî mue. Ke nî mwîcûre nî marakara, nîûndû nîaicî atî kavinda gake karîa gatigarîte nî kanini.”

Kûguû 12:12 ပူးပေါင်းရင်းမြစ်များ

Isaia 44:23

Kenani mue arîa onthe mûtûûraga îgûrû, nîûndû Ngai-Mûnene nîekîte ûguo! Anîrîrani mue nthî kûrîa kûriku! Inani mûkenete mue irîma, mîtitû na mîtî yonthe îrîa îrî kuo! Nîûndû Ngai-Mûnene nîakûûrîte Jakovu, na nîatûûra akumagua vûrûrirî wa Isiraeli.

Isaia 49:13

Mue îgûrû inani mûkenete! Wanamue nthî kenani! Mue irîma ambîrîriani kwina! Nîûndû Ngai-Mûnene nîaûmîrîrîtie andû ake, na nîakeguîra ntha andû ake arîa marathînîka.

Luka 15:10

Nîramwîra atî, ûguo nwa guo araika a Ngai makenagîra mwîvia ûmwe ûrîa wîrirîte mevia make.”

Luka 2:14

“Ngai ûrîa ûrî Îgûrû Mûno arokumua, na thayû ûrogîa gûkû nthî, kûrî andû arîa mamûkenagia!”

Ahib 10:37

Nîûndû Mandîko Matheru maugîte atîrî, “Nî kavinda kanini gatigarîte, nake ûrîa ûraûka nîagûkinya, tî ekara kavinda karaca ataûkîte.

2Pet 3:8

Nwatî arata akwa ende, mûtikariganîrwe nî ûndû ûyû ûmwe! Varî Mwathani mûthenya ûmwe nî ta mîaka ngiri îmwe, na mîaka ngiri îmwe nî ta mûthenya ûmwe.

Kûguû 10:6

na akîîvîta na rîîtwa rîa Ngai ûrîa ûtûûraga tene na tene, na waûmbire îgûrû, nthî, îria na indo cionthe irîa irî kuo. Nake nîwaugire atîrî, “Gûtirî na kavinda kengî ka gweterera!

Kûguû 11:10

Andû arîa matûûraga gûkû nthî nîmagaakena na macanjamûke nîûndû wa gûkua kwa aira acio aîrî. Nao nîmakaavecana iveo nîûndû arathi acio aîrî nîmatûmîte andû arîa matûûraga gûkû nthî mathînîke mûno.

Kûguû 11:14

Thîna wa kaîrî nîwathira, nwatî thîna wa kathatû nîûgûka vuva wa kavinda kanini!

Kûguû 12:9

Nayo njûnamatu îo nene na araika a yo nîmaaikirue nthî kuuma îgûrû - îo nîyo njoka ya tene, îrîa îtagwa Ngoma, kana Caitani ûrîa ûveenagia andû onthe a nthî.

Kûguû 13:6

Nyamû îo nîyambîrîrie kûruma Ngai, rîîtwa rîake, kûrîa atûûraga na arîa onthe matûûraga îgûrû.

Kûguû 18:20

Mue arîa onthe mûtûûraga îgûrû, kenani! Andû a Ngai, atûmwa na arathi Kenani! Nîûndû Ngai nîarîtuîrîrîte nîûndû wa maûndû marîa rîekire kûrî mue.

Kûguû 8:13

Nînacokire ngîroria na ngîgua nderi îrîa yagûrûkîte îgûrû rîerarî îkiugîrîria na mûgambo mûnene atîrî, “Uuui! Uuui! Uuui! Na kaî andû arîa matûûraga nthî nîmakeethîrwa na thîna rîrîa araika acio engî athatû makaavuva tûrumbeta-î!”

Kûguû 9:12

Thîna wa mbere nî mûthiru, nwatî nîkûrî na mathîna meengî maîrî magûka.