Kûguû 11:9 - ÎVUKU RÎA ÛVORO MWARO

⁹ Nao andû a kuuma mavûrûrirî monthe, mîvîrîgarî yonthe, nthiomirî cionthe na irukarî cionthe nîmakaaroria ciimba cia aira acio vandû va mîthenya îthatû na nuthu, na matigeetîkîra ithikwe.

Kûguû 11:9 ပူးပေါင်းရင်းမြစ်များ

1Atha 13:22

Vandû va ûguo, we nîûcokire na warîa irio na wanyua manjî kûndû kûrîa werîtwe ndûkarîe irio kana ûnyua manjî. Na nîûndû wa ûguo, we nîûkûragwa na kimba gîaku gîtikaathikwa mbîrîrarî ya mûciî wenyu.”

Mûvunjia 6:3

Mûndû angîciara ciana îgana rîmwe na atûûre mîaka mîngî, nwatî arege gwîkenia na indo mbaro ûtûûrorî kana arege kûthikwa, nie nîmbuga atî mwana ûrîa ûciarîtwe arî kîvuno nî mwaro gûkîra mûndû ûcio.

Isaia 33:1

Kaî we mûcûkangia ûyû, wî thînarî-î! Ûcûkangagia na ndûcûkangagua, we wîkaga maûndû macûku, na gûtirî mûndû ûgwîkaga maûndû macûku! Rîrîa ûkaathiria gûcûkangia, wanawe nîûgaacûkangua! Rîrîa ûkaathiria gwîka andû maûndû macûku, wanawe nîûgekwa maûndû macûku.

Jeremia 7:33

Ciimba cia andû aya ikaarîwa nî iconi cia rîerarî na nyamû cia kîthaka na gûtirî mûndû ûkaimakia.

Mathaayo 7:2

Nîûndû Ngai akaamûtuîra wata ûrîa mûtucagîra andû arîa engî, na kîthimi kîrîa mûthimagîra arîa engî nakîo nwa kîo mûkaathimîrwa nakîo.

Kûguû 10:11

Nanie nînacokire ngîrwa atîrî, “We nwa nginya wanîrîre rîngî maûndû marîa Ngai avangîte nîûndû wa iruka nyîngî, mavûrûri meengî, nthiomi nyîngî na athamaki eengî.”

Kûguû 11:11

Nwatî vuva wa mîthenya îo îthatû na nuthu Ngai nîwamavere mîvevû îrîa îtûmaga mûndû agîe na mwoyo. Nao nîmaarûngamire na andû onthe arîa mamoonire nîmaagîre na guoya nyîngî.

Kûguû 13:7

Nîyaverwe rûtha îrûe na andû a Ngai na îmavoote. Na nîyaverwe wathani wa kwatha mbarî cionthe, mavûrûri, nthiomi na iruka cionthe.

Kûguû 17:15

Nake mûraika nîwambîrire rîngî atîrî, “Nyûnjî irîa wonire mûmaraa ekarîrîte, nî mavûrûri, andû, iruka, na nthiomi.

Kûguû 5:8

Na vîndî îrîa Gatûrûme oocire îvuku rîu rîa gîkûnjo, ciûmbe inya irîa irî mwoyo nîciegwîthirie nthî vau mbere ya Gatûrûme. Wa kîûmbe Kîamrî na ngita na mbakûri ya thaavu îcûrîte ûbani, ûrîa aarî guo mavoya ma andû a Ngai. Wana nginya athuuri acio mîrongo îîrî na ana nîmeegwîthirie nthî vau mbere ya Gatûrûme na wa mûthuuri arî na ngita na mbakûri ya thaavu îcûrîte ûbani ûrîa arî guo mavoya ma andû a Ngai.

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.