Kûguû 11:8 - ÎVUKU RÎA ÛVORO MWARO

⁸ Nacio ciimba ciao nîikaamama njîrarî ya îtûûra rîrîa rînene kûrîa Mwathani wao ambîîrwe. Na rîo rîîtwa rîa ngerekano rîa îtûûra rîu nî Sodomu, kana Misiri.

Kûguû 11:8 ပူးပေါင်းရင်းမြစ်များ

Kîam 13:13

Andû a kûu Sodomu maarî evia na nîmeekaga maûndû macûku mûno marî mbere ya Ngai-Mûnene.

Kîam 19:24

Na wa rîmwe Ngai-Mûnene nîwaurithirie mwaki wa ûviriti ta mbura kuuma îgûrû, matûûrarî ma Sodomu na Gomora.

Ntha 20:2

“Nînie Ngai-Mûnene, Ngai waku ûrîa wakûrutire vûrûri wa Misiri kûrîa warî ûkomborî.

Ntha 3:7

Ngai-Mûnene nîwerire Musa atîrî, “Nîmonete mathîna ma andû akwa arîa marî Misiri. Nîmbîguîte makîrîra nîguo matethue kuuma kûrî anene ao na nîmenyete ûrîa marathînîka.

Isaia 3:9

Ûthiû wao nîwonanagia ûrîa marî evia; managîrîra wîvia wao ta wa Sodomu na matiûthithaga. Kaî andû acio marî na thîna-î, nîûndû nîo ene meretererete mathîna.

Jeremia 23:14

Nwatî gatagatîrî ka arathi a Jerusalemu, nîmonete magîka ûndû mûcûku mûno; mekaga ciîko cia ûtharia na makaveenania. Mekagîra andû arîa marî ciîko njûku vinya nîguo matikagarûrûke matiga waganu, onthe kûrî nie matuîkîte ta Sodomu, na atûûri a kuo matuîkîte ta Ngomora.

Jeremia 26:23

Nao nîmaamûnyitire, makîmûcokia kûrî mûthamaki Jehoiakimu. Nake mûthamaki nîwamûragire na rûviû na agikia kimba gîake mbîrîrarî kûrîa kûthikagwa andû onthe.

Ezek 16:46

“Mwarwanyûkwe ûrîa mûkûrû nî Samaria, na aatûûraga mwena waku wa rûgûrû marî na erîtu ake. Nake mwarwanyûkwe ûrîa mûnini nî Sodomu, na aatûûraga mwena waku wa îveti marî na erîtu ake.

Ezek 16:49

Îvîtia rîa mwarwanyûkwe Sodomu nî atî, ke na erîtu ake maarî etîi, maarî na irio cia kwîgana na nîmeganîrîte, nwatî matiatethagia andû arîa maarî athîni na avatari.

Ezek 23:19

Kûnarî ûguo, nîwathiîre na mbere kûvûra ûmaraa na vinya mûno, ta ûrîa eekaga arî mwîthî rîrîa aavûraga ûmaraa vûrûrirî wa Misiri.

Ezek 23:27

Ûguo nîguo ngaagûtigithia ûmaramari ûcio waku na ûmaraa ûrîa wambîrîrie rîrîa warî Misiri, nîguo ndûgacoke kûmaroria kana ûririkana vûrûri wa Misiri rîngî.”

Ezek 23:3

Marî ethî, matûûraga vûrûri wa Misiri. Marî kûu nîmaavûrire ûmaraa, makîvivinywa nyondo ciao na magîtuîka tî erîtu nthingi.

Ezek 23:8

Ndaatiganîria ûmaraa ûrîa aambîrîrie arî Misiri rîrîa aarî mwîrîtu mwîthî. Arûme arîa maamamaga nake nîo maamûcûkîrie wîrîtu wake na makîmûtua mûmaraa.

Ezek 37:11

Nake Ngai nîwambîrire atîrî, “We mûndû, mavîndî mau nî andû onthe a Isiraeli. Maugaga atî nîaûmagaru, matirî na kîîrîgîrîro na nîathiru viû.

Amosi 4:11

Nînacûkangirie amwe enyu wata ûrîa nacûkangirie Sodomu na Gomora. Arîa mwatigarire mwekariî ta gîcinga Kîam mwaki kîtharîtwe kuuma mwakirî. Kûnarî ûguo mûtianjokerera.

Mathaayo 10:15

Nîramwîra na ma atî mûthenya wa îtuîro Ngai nîakeeguîra andû a Sodomu na Ngomora ntha nyîngî, gûkîra ûrîa akeeguîra andû a îtûûra rîu!

Ciîko 9:4

Nake nîwarivanire nthî na akîgua mûgambo ûkîmwîra atîrî, “Saûlo, Saûlo! Ûnyariraga nîkî?”

Ahib 13:12

Nîûndû wa gîtûmi gîkî, Jesû wa nake aakwire arî nja ya îtûûra rîrîa rînene nîguo atherie andû kuuma meviarî mao na nthakame yake.

Ahib 6:6

Nîmaatiganîrie wîtîkio wao! Kwoguo nîûndû ûrî na vinya kûmagarûra nîguo merire, nîûndû nî takwa marambithia Mûriû wa Ngai rîngî wa vamwe na kûmûconorithia kûrî andû.

2Pet 2:6

Ngai nîwatuîrîre matûûra ma Sodomu na Gomoora akîmavîvia viû. Eekire ûndû ûcio ûtuîke kîonereria Kîam ûrîa gûgaatuîkîka kûrî arîa matarî na ûngai.

Juda 1:7

Taririkanani andû a matûûra ma Sodomu na Gomora na a matûûra marîa maariganîtie namo. Andû a kuo meekire wa ta araika acio. O meekire maûndû ma ûmaraa na makîrirîria kûmenyana kîîmwîrî na njîra irîa ireganîte na watho. Nao nîmaverithagua na mwaki wa tene na tene nîguo matuîke kîonereria kûrî andû onthe.

Kûguû 11:13

Na kavinda wa kau nîkwagîre na kîthingithia kînene. Na gîcunjî kîmwe gîa îkûmi Kîam îtûûra rîu rînene nîkîagwîre, na andû ngiri mûgwanja makîûragwa. Andû arîa maatigarire nîmaagîre na guoya nyîngî na magîkumia ûnene wa Ngai wa îgûrû.

Kûguû 11:9

Nao andû a kuuma mavûrûrirî monthe, mîvîrîgarî yonthe, nthiomirî cionthe na irukarî cionthe nîmakaaroria ciimba cia aira acio vandû va mîthenya îthatû na nuthu, na matigeetîkîra ithikwe.

Kûguû 14:20

Thavibu icio nîciavivîrwe kîvivîrorî Kîamrî nja ya îtûûra. Nayo nthakame nîyaumire kîvivîrorî kîu Kîam thavibu îrî na ûriku wa mita îmwe, na nîyakinyire kûndû kwarî na ûraca wa kilomita magana mathatû.

Kûguû 14:8

Mûraika wa kaîrî nîwarûmîrîre ûrîa wa mbere. Nake nîwaugîrîrie atîrî, “Babuloni nî îgwîte, îtûûra rîrîa rînene rîa Babuloni nî rîgwîte. Nîyatûmire andû arîa matûûraga gûkû nthî mevia. Maavanire ta maavetwe ndivei manyue îrîa îgaatûma Ngai amaverithia.”

Kûguû 16:19

Narîo îtûûra rîrîa rînene nîrîagaûkanire icunjî ithatû. Namo matûûra marîa mengî manene nthî nîmanangîkire. Nake Ngai nîwaririkanire îtûûra rîrîa înene rîtagwa Babuloni, na agîtûma rînyue ndivei kuuma gîkomberî gîake Kîam marakara.

Kûguû 17:1

Ûmwe wa araika arîa mûgwanja maarî na mbakûri mûgwanja nîwaûkire kûrî nie na akîmbîra atîrî, “Ûka, nanie nîngaakwonia ûrîa Ngai akaaverithia mûmaraa ûcio ûrî ngumo. Mûmaraa ûcio nî îtûûra rîrîa rîtumîtwe vakuvî na nyûnjî nyîngî.

Kûguû 17:18

“Mûndûmûka ûrîa wonire nî îtûûra rîrîa rînene rîrîa rîathaga athamaki a nthî.”

Kûguû 17:5

Ûthiûrî wake nîvaandîkîtwe rîîtwa, na ûrîa rîîtwa rîu riugîte warî nthithorî. Rîîtwa rîu rîandîkîtwe atîrî: “Babuloni îrîa nene, ng'ina wa maraa monthe na kiumo Kîam maûndû marîa macûku mekagwa nthî.”

Kûguû 18:10

Nao nîmakaarûngama varaca, nîûndû nîmagetigagîra matikaverithue take. Nao nîmakaauga atîrî, “Uui! Uui! Babuloni îtûûra rîrîa rînene kavinda ka îthaa rîmwe tu nîrîaverithua!”

Kûguû 18:18

Na moona ndogo îrîa yaumaga mwakirî ûrîa warîvîvagia, nîmaugîrîrie atîrî, “Gûtirî kwagîa îtûûra rîngî rînene ta rîrî!”

Kûguû 18:2

Nake nîwaugîrîrie na mûgambo mûnene atîrî: “Nî rîgwîte, Babuloni îtûûra rîrîa rînene nî rîgwîte! Nî rîtuîkîte gîîkaro Kîam ndaimono na îkurungu rîa roho mûcûku, na iconi cionthe njûku na irî mûgiro itûûraga kuo.

Kûguû 18:21

Ngîcoka ngîona mûraika warî na ûvoti oca îthiga rîgana ta rîa kîthîi na akîrikia îriarî. Na aikia îthiga rîu nîwaugire atîrî, “Ûguo nîguo Babuloni îtûûra rîrîa rînene rîkoomomorwa na vinya na rîtigacoka kwoneka rîngî.

Kûguû 18:24

Ngai nîwaverithirie Babuloni nîûndû nthakame ya arathi, na andû a Ngai na arîa onthe manaûragwa nthî, yonekire îtûûrarî rîu înene.