Kûguû 11:6 - ÎVUKU RÎA ÛVORO MWARO

⁶ Aira acio marî na ûvoti wa kûgiria mbura yure kavindarî karîa methagîrwa makîanîrîra ndûmîrîri ya Ngai. O marî na ûvoti wa kûgarûra manjî magatuîka nthakame, na wa gûtûma kûgîe na mathîna ma mîthemba mîîngî gûkû nthî maita meengî wa ûrîa mangîenda.

Kûguû 11:6 ပူးပေါင်းရင်းမြစ်များ

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

Luka 4:25

Jesû nîwerire andû acio atîrî, “Taririkanani ûrîa gwekîkire vîndî ya Elija, rîrîa gwekarire mîaka îthatû na nuthu gûtakuura mbura, na gûkîgîa yûra rînene mûno vûrûrirî wonthe wa Isiraeli. Nîramwîra na ma atî kwarî na aka eengî a ndigwa,

Kûguû 11:3

Nie nîngaava aira akwa aîrî ûvoti wa kwanîrîra ndûmîrîri yakwa kwa îvinda rîa mîthenya ngiri îmwe na magana maîrî ma mîrongo îtandatû. Nao makeethîrwa mekîrîte nguo cia macakaya.”

Kûguû 16:3

Nake mûraika wa kaîrî nîwetûrûrire kîrîa Kîamrî mbakûrirî yake îriarî. Manjî magîkara ta nthakame ya mûndû mûkuû. Nacio ciûmbe cionthe irîa ciarî mwoyo kûu îriarî nîciakwire.

Kûguû 16:4

Mûraika wa kathatû nake nîwetûrûrire kîrîa Kîamrî mbakûrirî yake nyûnjîrî na kûndû kûrîa kuumaga manjî, nacio igîtuîka nthakame.

Kûguû 8:8

Nake mûraika wa kaîrî nîwavuvire karumbeta gake. Nakîo kîndû kîonekaga gîkariî ta kîrîma kînene Kîamvîcaga nî mwaki, nîgîaikirue îriarî. Nakîo gîcunjî kîmwe Kîam ithatû Kîam îria nîgîatuîkire nthakame.

1Sam 4:8

Na kaî tue tûrî arume-î! Nî ûrîkû ûngîtûvonokia kuuma kûrî ngai icio irî vinya ûguo? Nacio ngai icio nîcio ciaûragîîre Amisiri werûrî na mîrimû ya mîthemba yonthe!