Kûguû 11:13 - ÎVUKU RÎA ÛVORO MWARO

¹³ Na kavinda wa kau nîkwagîre na kîthingithia kînene. Na gîcunjî kîmwe gîa îkûmi Kîam îtûûra rîu rînene nîkîagwîre, na andû ngiri mûgwanja makîûragwa. Andû arîa maatigarire nîmaagîre na guoya nyîngî na magîkumia ûnene wa Ngai wa îgûrû.

Kûguû 11:13 ပူးပေါင်းရင်းမြစ်များ

Kîam 6:4

Mavindarî mau na marîa maarûmîrîre, nîkwagîre andû anene mûno arîa maarî njiarwa cia aka a gûkû nthî, na ciûmbe cia îgûrû. Acio nîo maarî andû a tene na maarî njamba.

Isaia 29:6

Ngai-Mûnene mwene vinya wonthe nîagaaûka kûrî mue, na njîra ya ngwa, kîthingithia na mûgambo mûnene, rûkûngi rwa ngoma cia aka, rûkûngi rûnene na mwaki wa kûthiria.

Jeremia 13:16

Kumiani Ngai-Mûnene Ngai wenyu mbere ya areta nduma, na mbere ya mûvîngwa nî nduma îrîa îrî irîmarî. Mûkerirîria kwona ûtheri, nwatî agaatûma ûtuîke nduma nene.

Malaki 2:2

ethîrwa tîmûnthikîrîria na mwonanie na ciîko cienyu atî nîmûmveete gîtîîo, nîngûmûretera kîrumi, na ndûme irathimo cienyu cionthe ituîke kîrumi. Nama nînîirumîte nîûndû ûvoro wa kûndîîa ndûrî ngororî cienyu.

Johana 9:24

Na riita rîa kaîrî Ayahudi nîmeetire mûndû ûrîa waciarîtwe arî mûtumumu na makîmwîra atîrî, “Aria ûma mbere ya Ngai! Tue nîtwîcî atî mûndû ûrîa ûraakûvonirie nî mwîvia.”

Ciîko 1:15

Mîthenya mînini yavîtûka nîkwagîre na mûcemanio wa etîkia, na onthe maarî ta îgana na mîrongo îîrî. Nake Petero nîwarûngamire akîmeera atîrî,

Josh 7:19

Joshua nîwacokire akîra Akani atîrî, “Mûvîcîwa, aria ûma mbere ya Ngai-Mûnene, Ngai wa Isiraeli na ûmûve riiri. Mbîra ûrîa wîkîte ûtakûnthitha.”

Kûguû 11:11

Nwatî vuva wa mîthenya îo îthatû na nuthu Ngai nîwamavere mîvevû îrîa îtûmaga mûndû agîe na mwoyo. Nao nîmaarûngamire na andû onthe arîa mamoonire nîmaagîre na guoya nyîngî.

Kûguû 11:19

Nayo hekarû ya Ngai îrîa îrî kûu îgûrû nîyavingûrirwe, na îthandûkû rîa kîrîkanîro rîkîonekana kuo. Nakuo nîgwacokire gûkîgîa na mveni, mîgambo na mîrurumo ya ngwa, kîthingithia na mbura nene ya mbembe.

Kûguû 14:7

Ke nîwaugire augîrîrîtie atîrî, “Tîîani Ngai na mûkumie ûnene wake! Nîûndû kavinda gake ga gûtuîra andû a nthî nîgakinyu. Goocani Ngai ûrîa waûmbire îgûrû, nthî, îria na kûrîa kuumaga manjî!”

Kûguû 15:4

Nîûrîkû ûtagagûtîîa na akumie rîîtwa rîaku, Mwathani? We nîwe wenga Mûtheru. Mavûrûri monthe nîmagaaûka na makûgooce, nîûndû ciîko ciaku cia kîvooto nîcionagwa nî andû onthe.”

Kûguû 19:7

Nîtûkeneni na tûcanjamûke; nîtûkumieni ûnene wake! Nîûndû kavinda ga Gatûrûme kûgîa na mûviki nîgakinyu. Nake mûviki wake nîmwîvarîriu nîûndû waguo.

Kûguû 3:4

Nwatî kûrî na andû anini gatagatîrî kenyu kûu Saridi maigîte nguo ciao irî ntheru. Andû acio nîmakaathiîcania nanie mekîrîte nguo cia rangi njerû, nîûndû o nî agîrîru.

Kûguû 6:12

Rîrîa Gatûrûme gatumûrire rûtumo rwa gatandatû, nî kwagîîre na kîthingithia kînene. Riûa nîrîatigire kwara na gûkîgîa nduma. Naguo mweri nîwatunîvire ta nthakame.

Kûguû 8:5

Mûraika ûcio nîwacokire agîoca kavakûri agîgecûria mwaki kuuma metharî ya kîgongoona, na agîgaikia nthî. Nakuo nîkwagîre na mîrurumo ya ngwa, mîgambo, mveni, na kîthingithia.

1Sam 6:5

Kwoguo nwanginya mue mûthondeke mîvuanano îno ya nyimba na ngaara cienyu irîa icûkagia vûrûri wenyu, na mûgoocithie Ngai wa Isiraeli. Ke avota gûtiga kûmûverithia, ngai cienyu wana vûrûri wenyu.