Kûguû 11:12 - ÎVUKU RÎA ÛVORO MWARO

¹² Nao arathi acio aîrî nîmaacokire makîgua mûgambo mûnene kuuma îgûrû ûkîmera atîrî: “Unûkiani ava!” Na wa nthû ciao iroretie, nîmaaunûkirie îgûrû marî îtuurî.

Kûguû 11:12 ပူးပေါင်းရင်းမြစ်များ

2Atha 2:1

Vîndî îrîa kavinda gaakinyire ka Ngai-Mûnene kûvira Elija îgûrû na rûkûngi rûnene rwavurutanaga na vinya, Elija na Elisha maarî rûgendorî maumîte Giligali.

2Atha 2:11

Mathiîte wa ûguo wa makîaragia, wa rîmwe gîkaari Kîamrîrîmbûkaga ta mwaki kîgucîtue nî mbarathi ciarîrîmbûkaga ta mwaki nîgîaûkire karîgatî kao oîrî, na Elija nîwavirirwe îgûrû nî rûkûngi rûnene rwavurutanaga na vinya.

2Atha 2:5

Gîkundi Kîam arathi arîa maatûûraga Jeriko nîmaathiîre kûrî Elisha na makîmûûria atîrî, “Nîwîcî atî Ngai-Mûnene nîakûthengutia mwathi waku varî we ûmûnthî?” Nake Elisha nîwacokirie atîrî, “Îî, nîmbîcî, nwatî tûtige kwarîrîria ûndû ûcio.”

2Atha 2:7

na andû mîrongo îtano (50) a gîkundi Kîam arathi nîmaamarûmîrîre. Elija na Elisha nîmaarûngamire vakuvî na rûnjî rwa Jorodani nao arathi acio makîrûngama varacaraca nao.

Thaburi 112:10

Mûndû ûrîa mwaganu onaga ûguo akarakara; arîcithanagia magego nîûndû wa ûthû akînathiî; mwîrîgîrîro wake ûtuîkaga wa mana.

Thaburi 15:1

Ûûi Ngai-Mûnene, nû ûngîtûûra hekarûrî yaku? Nû ûngîtûûra Zayuni kîrîmarî gîaku kîrîa kîtheru?

Thaburi 24:3

Nû mwagîrîru wa kunûkia kîrîmarî Kîam Ngai-Mûnene? Nû ûngîtûûra hekarûrî yake ntheru?

Thaburi 86:17

Îka ûndû wa kûmonia wega waku we Ngai-Mûnene, nîguo arîa manthûrîte mone na maconoke, nîûndû we, Ngai-Mûnene nîûndethetie na ûkanyûmîrîria.

Ntha 14:25

Nîwatûmire magûrû ma ngari ciao cia mbarathi maremera, na kwoguo nîmaagîre na thîna wa kûthiî mbere. Nao andû a Misiri nîmaaugire atîrî, “Ngai-Mûnene ararûa natue akîrûîrîra andû a Isiraeli. Nîtûre tuume varî o!”

Isaia 14:13

Weîrire na ngoro atîrî, ‘Nîngunûkia nginya îgûrû; nîngaaiga gîtî gîakwa Kîam ûthamaki îgûrû rîa njata, nîngekara îgûrû rîa kîrîma kûrîa ngai cia mîvuanano icemanagia, kûndû kûraca mwena wa rûgûrû.

Isaia 40:31

Nwatî arîa metagîrîra Ngai-Mûnene nîmakoongererwa vinya wao, makaagûrûkaga îgûrû na mathagu ta nderi, makaavinyûra na matikaanoga, makaathiîcaga na magûrû na matikaathira vinya.

Isaia 60:8

Nîarîkû aarîa maûmbûkîte ta matu, kana ta ndutuura igûrûkîte ithiîte ciururî ciacio?

Malaki 3:18

Namue nîmûkoona ngûrani ya mûndû ûrîa mûthingu na mûndû ûrîa mwaganu; na mûmenye ngûrani ya mûndû ûrîa ûtungatagîra Ngai, na ûrîa ûtamûtungatagîra.”

Luka 16:23

Rîrîa Kîamthînîkaga kîrî îcuarî, nîkîaroririe na îgûrû na gîkîona Iburahimu na Lazaro marî varaca na mekaranîrîte.

Ciîko 1:9

Nake Jesû arîkia kuga ûguo, nîwavirirwe îgûrû wa mamûroretie na îtu rîkîmûkunîka magîtiga kûmwona.

1Ath 4:17

Vuva wa ûguo, tue arîa tûkethîrwa tûrî mwoyo nîtûgaacokanîrîra vamwe nao matuurî nîguo tûtûnge Mwathani rîerarî. Kwoguo tûgatûûraga na Mwathani tene na tene.

Kûguû 12:5

Nake mûndûmûka ûcio nîwaciarire kaana ga kamwanake. Nako nîgakaatha mavûrûri monthe na rûthanju rwa cuuma. Nwatî kaana kau nîgoocirwe wa rîmwe gakîvirwa îgûrû kûrî Ngai na gîtîrî gîake Kîam Ûthamaki.

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.

Kûguû 4:1

Vuva wa ûguo nie nînagîre na kîoneki kîngî, nînoonire mûrango ûrî mûvingûre kûu îgûrû. Naguo mûgambo wa ûrîa neguîte ûkîmbarîria na mûgambo ta wa karumbeta, nîwambîrire atîrî, “Unûkia ûûke ava, nanie nîngûkwonia maûndû marîa mageekîka vuvarî.”