Kûguû 11:10 - ÎVUKU RÎA ÛVORO MWARO

¹⁰ Andû arîa matûûraga gûkû nthî nîmagaakena na macanjamûke nîûndû wa gûkua kwa aira acio aîrî. Nao nîmakaavecana iveo nîûndû arathi acio aîrî nîmatûmîte andû arîa matûûraga gûkû nthî mathînîke mûno.

Kûguû 11:10 ပူးပေါင်းရင်းမြစ်များ

1Atha 18:17

Rîrîa Ahabu oonire Elija, nîwamwîrire atîrî, “Kwoguo wî gûkû, we mûndû ûrîa ûretaga thîna gûkû Isiraeli!”

1Atha 21:20

Ahabu nîwaûririe Elija atîrî, “Anga we nthû yakwa nîwamona?” Nake Elija nîwacokirie atîrî, “Nînakwona nîûndû nîwîrutîrîte viû gwîka maûndû macûku mbere ya Ngai-Mûnene.

1Atha 22:18

Ahabu, mûthamaki wa Isiraeli nîwerire Jehoshafati atîrî, “Kinthî ndikwîrire, atî ndandathagîra wanarî ûndû mwaro? Arathaga ûndû ûyû mûcûku tu vîndî cionthe!”

1Atha 22:8

Ahabu, mûthamaki wa Isiraeli nîwacokirie atîrî, “Kûrî na mûrathi wa Ngai-Mûnene ûmwe ûtigarîte, Mikaia, mûvîcî wa Imula. Nwatî ndimwendete nîûndû ndaanaratha wanarî ûndû mwaro ûmbîgiî; vîndî cionthe andathagîra maûndû mama macûku.” Jehoshafati nîwamûcokerie atîrî, “Mûthamaki, ndwagîrîrwe nî kuga ûguo!”

Thaburi 13:4

Ndûgatûme nthû ciakwa ciuge atîrî, “Nîtûmûvootete”, ndûgatûme nthû ciakwa ikenerera kûvootwa gwakwa.

Thaburi 35:19

Ndûgatûme nthû ciakwa, andû a maveeni manthekerera, Ndûgatûme andû acio mamenerete makenerera mathîna makwa.

Thaburi 89:42

Nîûvete nthû ciake ûvootani, na nîûtûmîte nthû ciake cionthe ikene.

Nthi 24:17

Ndûgakene rîrîa nthû yaku yagwa, na ndûgakene rîrîa nthû yaku yavîngwa.

Jeremia 38:4

Nao anene nîmeerire mûthamaki atîrî, “Mûndû ûyû nîwagîrîrwe nî kûragwa nî ûndû nîathirîtie athigari arîa matigîtwe gûkû îtûûrarî vinya vamwe na andû onthe nîûndû wa kwaria ciugo ta icio. Mûndû ûyû ndacaragia wagîrîru wa andû aya, nwatî amacaragîria maûndû macûku.”

Jeremia 50:11

“Mue arîa mwatavire vûrûri wakwa! Wana ethîrwa nîmûrakena na mûgacanjamûka; mûrarûgarûga ta ng'ombe îkîvûûra ngano, na mûkaania ta mbarathi cia njamba.

Obadia 1:12

Mûtiagîrîrwe nî gûkenerera mathîna marîa maarî na aa mûrwanyûkwe. Mûtiagîrîrwe nî gûkena rîrîa andû a Juda maacûkangagua. Mûtiagîrîrwe nî gwîtîîa rîrîa maarî na mathîna.

Mika 7:8

We nthû yakwa ndûgakene rîrîa nîrî thînarî. Rîrîa nagwa, nîmbûkagîra, rîrîa nîrî ndumarî, Ngai-Mûnene nîke ûtheri wakwa.

Mathaayo 10:22

Andû onthe nîmakaamûmena nîûndû wakwa. Nwatî mûndû wa wonthe ûkaaûmîrîria nginya mûthiia, nîakaavonokua.

Johana 16:20

Nie nîramwîra na ma atî: nîmûkaarîra mûrî na kîeva kîîngî mûno ngororî cienyu, nwatî andû a gûkû nthî nîmagaakena. Nîmûkaagîa na kîeva, nwatî kîeva kîenyu nîgîgaacoka gîtuîke gîkeno.

Johana 7:7

Andû a nthî matingîmûmena, nwatî nie nîmamenete nîûndû nînîmeraga atî nîmekaga maûndû macûku.

Ciîko 5:33

Rîrîa akîama acio meegwire ûguo, nîmaarakarire mûno na makîenda kûûraga atûmwa.

1Akor 13:6

Wendani ndûkenagîra maûndû marîa macûku, nwatî nîûkenagîra ûvoro wa ma.

Kûguû 12:13

Rîrîa njûnamatu îo yamenyire atî yo nîyaikîtue nthî, nîyambîrîrie kûrûmîrîria mûndûmûka ûrîa waciarîte kaana ga kamwanake.

Kûguû 13:14

Nayo nîyavenirie andû onthe na njîra ya ciama irîa yaringire îrî mbere ya nyamû îrîa ya mbere. Nyamû îo ya kaîrî nîyathanire andû matume mûviano wa nyamû îrîa ya mbere îrî njîra ya kûmîva gîtîîo. Nyamû îo nî yagurarîtue na rûviû, nwatî yarî mwoyo.

Kûguû 13:8

Andû onthe arîa matûûraga nthî nîmakaagooca nyamû îo. Nwatî andû arîa marîîtwa mao maandîkirwe îvukuurî rîa mwoyo mbere ya nthî yûmbwa matikaamîgooca. Îvuku rîu nî rîa Gatûrûme karîa kaaûragirwe.

Kûguû 16:10

Nake mûraika wa gatano nîwetûrûrire kîrîa Kîamrî mbakûrirî yake îgûrû rîa gîtî Kîam ûnene Kîam nyamû îo. Nakuo kûrîa kuonthe nyamû îo yathanaga nîkwagîre nduma, na andû makîîrûma nîmî ciao nîûndû wa ûrûrû.

Kûguû 3:10

Mue nîmûrûmîrîrîte kîthomo gîakwa gîa kûmîrîria mûkirîrîrîtie na kwoguo nie nîngaamûgitîra kuuma kûrî îvinda rîa mathîna rîrîa rîgaûka kûgeria andû onthe arîa matûûraga gûkû nthî.