Kûguû 10:4 - ÎVUKU RÎA ÛVORO MWARO

⁴ Nacio ngwa icio mûgwanja ciarîkia kûgamba, naarî vakuvî kwandîka. Nwatî nînegwire mûgambo ûkîaria kuuma îgûrû na ûkiuga atîrî, “Iga îrî nthitho ûrîa ngwa icio mûgwanja ciauga, na ndûkawandîke!”

Kûguû 10:4 ပူးပေါင်းရင်းမြစ်များ

Isaia 29:11

Kwoguo kûrî mue, cioneki ino cionthe ciîkariî ta ciugo ciandîkîtwe îvukuurî, rîkînavingwa na rîkînavûrwa mûvûûri. Ûngînengera mûndû ûngîvota kûthoma na ûmwîre atîrî, “Ta nthomera ava,” nake akauga atîrî, “Ndingîvota, nîûndû nî kîvinge na gîkavûrwa mûvûûri.”

Isaia 8:1

Ngai-Mûnene nîwambîrire atîrî, “Oca rûvaû rûnene na wandîke îgûrû rîaruo na ndemwa nene ingîthomeka: “Tava na îvenya! Oca narua!”

Isaia 8:16

Nîngûmenyerera maathani mama na nîmathomithie kûrî arutwa akwa.

Danieli 12:4

Nwatî we, Danieli, vinga îvuku na ûrîkîre rûtumo, nginya kavinda ka mûthiia wa nthî. Andû eengî nî makaavinyûra ava na vaarîa na nî makoongerera ûûgî.

Danieli 12:9

“Nake nîwanjokerie atîrî, ‘Danieli, ûthiî rîu, nîûndû nwanginya maûndû mama methîrwe marî nthitho nginya îvinda rîa mûthiia rîkinye.

Danieli 8:26

Cioneki ciîgiî magongoona ma kîraûko na ma kîvwaî marîa matarîrîtue nîkavinga. Nwatî nîmaigîtwe marî nthithorî, nîûndû nîgûgwîkara kavinda karaca nginya rîrîa magaatuîkîka.’

Gûco 29:29

“Maûndû ma nthitho nî ma Ngai-Mûnene Ngai wetû, nwatî maûndû marîa aguûranîrîtie nî metû vamwe na njiarwa cietû, nîguo tûtûûre tûvingagia mawatho make monthe tene na tene.”

Kûguû 1:11

Naguo mûgambo ûcio waugire atîrî, “Andîka ûrîa ûrona na ûtûme îvuku rîu makanitharî marîa marî matûûrarî marîa mûgwanja. Namo nî: Efeso, Simurina, Perigamu, Thîatira, Saridi, Filadelifia, na Laodikia.”

Kûguû 1:19

Kwoguo andîka maûndû marîa ûkwona, maûndû marîa marî kuo rîu na maûndû marîa mageekîka vuvarî.

Kûguû 10:8

Naguo mûgambo wa ûcio neguîte kuuma îgûrû nîwambarîrie rîngî ûkîmbîra atîrî, “Thiî woce îvuku rîu rîkûnjûre rîa gîkûnjo rîrî njararî ya mûraika ûcio ûrûngamîte îriarî na nthî nyûmû.”

Kûguû 22:10

Nake Mûraika ûcio nîwambîrire atîrî, “Ndûkathithe andû ûrathi wa ndûmîrîri ya îvuku rîîrî, nîûndû kavinda karî vakuvî rîrîa maûndû mama monthe mageekîka.