Kûguû 10:1 - ÎVUKU RÎA ÛVORO MWARO

¹ Nînacokire ngîona mûraika wîngî warî na ûvoti akînyûrûrûka kuuma îgûrû. Ke nîwekîrîte îtu rîrî ta nguo na akathiûrûrûkîrua kîongorî gîake nî mûkûnga mbura. Ûthiû wake wekariî ta riûa, namo magûrû make magekara ta itugî cia mwaki.

Kûguû 10:1 ပူးပေါင်းရင်းမြစ်များ

Thaburi 104:3

ûtumîte mûciî waku îgûrû rîa manjî ma îgûrû. Ûtuîte matu gîkaari gîaku gîa gûkuucua, na ûthiîcaga ûtûîte mathagurî ma rûkûngi.

Thaburi 97:2

Matu na nduma nene nîimûthiûrûrûkîrîtie; athanaga na ûthingu na kîvooto.

Ntha 16:10

Na rîrîa Aroni aaragîria andû onthe a Isiraeli, nîmaagarûrûkire onthe makîroria werûrî, na wa rîmwe riiri wa Ngai-Mûnene nîwaumîrire ûrî îtuurî.

Rwîmbo rwa Nyîmbo 5:15

Magûrû make nîmarûngarû ta itugî irî na vinya, ivandîtwe mûcingirî wa thaavu. Onekaga ekariî ta irîma cia Lebanoni, anyorokete ta mîtarakwe ya kuo.

Isaia 19:1

Îno nîyo ndûmîrîri îgiî Misiri: Ngai-Mûnene nîaûkîte vûrûrirî wa Misiri, aûkîte ekarîrîte îtu rîthiîte na îvenya, mîvuanano ya ngai cia Misiri nîgaatetemaga îrî mbere yake, nao andû a Misiri nîmakaathira vinya ngoro.

Isaia 54:9

“Nîmbîka wata ûrîa nekire vîndî ya Nuhu: vîndî îo nînevîtire atî, ndigaakunîka nthî rîngî na mwîcûro wa manjî. Kwoguo rîu nînîvîtîte atî ndikaarakara nîwe rîngî, na ndikaagûkûûma rîngî.

Maca 3:44

Wîthithîte na îtu rînene, nîguo mavoya metû matigagûkinyîre.

Ezek 1:28

Ûkengu ûcio warî na marangi ta ma mûkûngambura. Ûguo nîguo mûvano wa ûkengu wa riiri wa Ngai-Mûnene wekariî. Rîrîa nawonire nînegwîthirie ngîturumithia ûthiû nthî, na ngîgua mûgambo wambarîria.

Danieli 10:6

Mwîrî wake wakengaga ta mathiga ma goro. Ûthiû wake wavenagia ta rûveni, namo metho make maakanaga ta nînîmbî cia mwaki. Njara na magûrû make ciatherete ta gîcango kîthûîtwe mûno. Mûgambo wake weguîkaga ta înegene rîa andû eengî.

Danieli 7:13

“Ûtukû vîndî îrîa naarî na kîoneki kîu, nînoonire mûndû wekariî ta mûriû wa mûndû aûkîte arî matuurî îgûrû, na akîthiî kûrî ûrîa wîthîrîtwe atûûrîte tene na tene, na akîviravirwa vakuvî nake.

Alawi 16:2

Nîwamwîrire atîrî, “Îra mûrwanyûkwe Aroni ndagaûkage vandû varîa vatheru Mûno vuva wa gîtambaa wa rîrîa akwenda, nwatî aûkage vîndî îrîa mbagîrîru, nîûndû vau nîvo mbîthagîrwa nîrî îgûrû rîa gîkunîko Kîam îthandûkû rîa kîrîkanîro. Arega kûmbathîkîra nîagaakua.

Mathaayo 17:2

Nake Jesû nîwagarûrûkire ûrîa oonekaga ekariî wa mamûroretie. Ûthiû wake wavenagia ta riûa, na cio nguo ciake ciacerûvîte cûa.

Luka 21:27

Nake Mûrû wa Mûndû nîagaacoka onekane agîûka arî îtuurî na arî na vinya na riiri.

Ciîko 26:13

Na thaa thita cia mûthenya nîrî njîrarî nthiîte kuo, mûthamaki mûgathe, nînoonire ûtheri kuuma îgûrû. Ûtheri ûcio warî mûnene gûkîra wa riûa na nîwamûrîkire na mîena yonthe wa vamwe na andû arîa nathiîcanîtie nao.

Kûguû 1:7

Taroria, ke nî aûkîte arî matuurî! Andû onthe nîmakaamwona, wana arîa maamûmundire. Andû onthe a nthî nîmakaarîra maugîrîrîtie nîûndû wake. Ûguo nîguo gûgaatuîka. Ameni!

Kûguû 18:1

Vuva wa ûndû ûyû nînoonire mûraika wîngî akînyûrûrûka kuuma îgûrû. Mûraika ûcio aarî na vinya nyîngî. Riiri wake nîwatûmire nthî yonthe îgîe na ûtheri.

Kûguû 18:21

Ngîcoka ngîona mûraika warî na ûvoti oca îthiga rîgana ta rîa kîthîi na akîrikia îriarî. Na aikia îthiga rîu nîwaugire atîrî, “Ûguo nîguo Babuloni îtûûra rîrîa rînene rîkoomomorwa na vinya na rîtigacoka kwoneka rîngî.

Kûguû 20:1

Nînacokire ngîona mûraika akînyûrûrûka kuuma îgûrû. Njararî yake nîwanyitîte mvungûro cia îrima rîrîa rîtarî mûthiia na akanyita nyororo nene.

Kûguû 4:3

Nake ûrîa wekarîrîte gîtî kîu Kîam ûthamaki aakengaga ta mathiga ma goro ma rangi njerû na ma rangi ndune. Nakîo gîtî kîu Kîam ûthamaki, nîkîathiûrûrûkîrîtue nî mûkûngambura wakengaga mûno.

Kûguû 5:2

Nanie nînoonire mûraika warî na vinya nyîngî na ngîgua akîûria na mûgambo mûnene atîrî, “Nû mwagîrîru wa gûtumûra ndumo na akûnjûre îvuku rîa gîkûnjo?”

Kûguû 8:13

Nînacokire ngîroria na ngîgua nderi îrîa yagûrûkîte îgûrû rîerarî îkiugîrîria na mûgambo mûnene atîrî, “Uuui! Uuui! Uuui! Na kaî andû arîa matûûraga nthî nîmakeethîrwa na thîna rîrîa araika acio engî athatû makaavuva tûrumbeta-î!”