Kûguû 1:2 - ÎVUKU RÎA ÛVORO MWARO

² na Johana nîwîranîte ûrîa wonthe onete. Rûrû nîruo rûgano rwake rwîgiî ndûmîrîri kuuma kûrî Ngai, na ûma ûrîa waguûrirue nî Jesû Kristû.

Kûguû 1:2 ပူးပေါင်းရင်းမြစ်များ

Johana 1:32

Johana nîwavecanire ûira ûyû: “Nînona Roho akînyûrûrûka kuuma îgûrû ekariî ta ndutuura na ekara îgûrû rîake.

Johana 12:17

Nao andû arîa maarî nake vîndî îrîa eetire Lazaro kuuma mbîrîrarî na akîmûriûkia, nîmaathiîre na makîva kîrîndî ûvoro wa ûrîa Jesû eekire.

Johana 19:35

(Mûndû ûrîa wonire ûndû ûyû ûgîkîka nîke ûravecana ûira, na ûrîa augîte nî ûira wa ma. Ke nîwicî aragia ûvoro wa ma, na aragia nîguo wa namue mwîtîkie.)

Johana 21:24

Mûrutwa ûcio nîke waririe maûndû mama na akîmandîka na tue nîtwîcî atî ûvoro ûrîa aaririe nî wa ma.

Johana 3:11

Nîrakwîra na ma atî: tue twaragia maûndû marîa twicî na tûkavecana ndeto ciîgiî maûndû marîa twonete, nwatî mue mûtirenda gwîtîkia ûira wetû.

Ciîko 22:15

We nîûgûtuîka mûira wake kûrî andû onthe. Ûkaameraga ûvoro wîgiî maûndû marîa wonete na wîguîte.

Ciîko 26:16

Nwatî ûkîra ûrûngame na magûrû maku. Nie nakumîrîra nîrî na mworoto wa gûkûthuura nîguo ûtuîke ndungata yakwa na mûira wakwa. We ûkeeraga andû arîa engî ûrîa wona ûmbîgiî ûmûnthî na maûndû marîa ngaakwonia vuvarî.

Ciîko 4:20

Nîûndû tue tûtingîtiga kwaria ûvoro wîgiî maûndû marîa twonete na twîguîte.”

1Akor 1:6

Wana nginya ndûmîrîri îgiî Kristû nîgîte na mîri gatagatîrî kenyu.

1Akor 2:1

Ariû na aarî a îthe wetû, rîrîa naûkire kûrî mue kûmûvunjîria ndûmîrîri îgiî nthitho ya Ngai ndiatûmîra ciugo ndito kana ûûgî mûnene.

1Joh 1:1

Tûramwandîkîra ûvoro wîgiî kiugo Kîam mwoyo kîrîa gîtwîre kuo kuuma wa Kîammbîrîria. Kiugo gîkî nîtûkîîguîte, na ma nîtûkîroretie na tûgakîona na metho metû na tûgakînyita na njara cietû.

1Joh 4:14

Tue nîtwonete na nîtumbûraga atî Îthe nîwatûmire Mûriû wake atuîke Mûvonokia wa nthî.

3Joh 1:12

Andû onthe maragia maûndû maro megiî Demetirio. Ûma guo mwene nîwaragia ûvoro mwaro ûmwîgiî. Wanatue nîtwaragia maûndû maro mamwîgiî na nîmwîcî atî maûndû marîa twaragia nîma ma.

Kûguû 1:11

Naguo mûgambo ûcio waugire atîrî, “Andîka ûrîa ûrona na ûtûme îvuku rîu makanitharî marîa marî matûûrarî marîa mûgwanja. Namo nî: Efeso, Simurina, Perigamu, Thîatira, Saridi, Filadelifia, na Laodikia.”

Kûguû 1:19

Kwoguo andîka maûndû marîa ûkwona, maûndû marîa marî kuo rîu na maûndû marîa mageekîka vuvarî.

Kûguû 1:9

Nie nînie Johana mûrû wa îthe wenyu. Nî mbîtîkîtie Jesû na nîrî ûmwe wenyu. Nîtûgwatanagîra namue ngirîrîtie ngîûmagîrîria kûthînua kûrîa gûkaga kûrî arîa marî a Ûthamaki wake. Nie naigirwe gîcîgîrîrarî gîtagwa Patimo nîûndû nînaanîrîre Ûvoro wa Ngai na Ûma ûrîa Jesû aaguûririe.

Kûguû 12:11

Ariû na aarî a îthe wetû nî maavootire Ngoma na nthakame ya Gatûrûme na njîra ya ndûmîrîri îrîa maavunjirie. O matietigagîra gûkua, nîmeevarîrîtie kûvecana mîoyo yao.

Kûguû 12:17

Njûnamatu îo nîyarakarirue mûno nî mûndûmûka ûcio na îkîthiî kûrûa na njiarwa icio ciîngî ciake, nacio nî irîa ciathîkagîra maathani ma Ngai na irî na wîvokeku kûrî ûma ûrîa waguûrirue na njîra ya Jesû.

Kûguû 20:4

Ngîcoka ngîona itî cia ûthamaki kûu îgûrû. Nao arîa maaciîkarîrîte nîmaaveetwe ûvoti wa gûtucanîra. Wana nînoonire mîoyo ya andû arîa maaûragirwe nîûndû nîmaanîrîre ûvoro wa Ngai na ûma ûrîa waguûrirue nî Jesû. Acio matianagooca nyamû kana mûvuanano wayo, na matianekîrwa rûûri rwa nyamû ûthiû kana njararî ciao. Andû acio nîmaagîre na mwoyo rîngî na makîathana marî athamaki vamwe na Kristû kavinda ka mîaka ngiri îmwe.

Kûguû 22:21

Wega wa Mwathani Jesû ûrogîa kûrî andû onthe.

Kûguû 6:9

Rîrîa Gatûrûme gatumûrîre rûtumo rwa gatano, nînoonire mîoyo ya andû arîa maaûragîtwe îrî vau rungu rwa metha ya kûrutîra kîgongoona. Andû acio maaûragîtwe nîûndû wa kûvunjia kiugo Kîam Ngai na kûvecana ûira marî evokeku.