Kûguû 1:16 - ÎVUKU RÎA ÛVORO MWARO

¹⁶ Mûndû ûcio aanyitîte njata mûgwanja na njara yake ya ûrîo, na kanyuarî gake gûkauma rûviû rûûgî rûnooretwe mîena yoîrî. Ûthiû wake wekariî ta riûa rîarîte thaa thita cia mûthenya.

Kûguû 1:16 ပူးပေါင်းရင်းမြစ်များ

Ayubu 38:7

rîrîa njata cia kîraûko ciainaga irî vamwe, na andû a Ngai makanîrîra nî gûkena?

Thaburi 45:3

Îyove rûviû rwaku njovero, we mûthamaki njamba; we wî mûthamaki mûnene na ûrî riiri.

Rwîmbo rwa Nyîmbo 6:10

Nî ûrîkû ûyû ûkengete ta riûa rîkîratha? Mûthaka ta mweri na mûkengu ta riûa, na wîtigîrîtwe ta athigari a mbaara marî na vendera?

Isaia 11:4

Agaatucagîra athîni na ûthingu, na atucagîre andû arîa matarî vinya gûkû nthî na waragania. Nîakaaverithia nthî na kiugo gîake, na aûrage andû arîa aganu na mûgambo wake.

Isaia 24:23

Mweri nîûgaaconorithua, narîo riûa rîguithue nthoni, nîûndû Ngai-Mûnene mwene vinya wonthe nîakaathana, arî îgûrû rîa Kîrîma gîa Zayuni kûu Jerusalemu, na nîakoonania riiri wake kûrî atongoria a andû ake.

Isaia 49:2

Ke nîwatûmire ciugo ciakwa ciûvîge ta rûviû rûrîa rûûgî, na akînthitha rungu rwa kîruru Kîam njara yake. Aanduire ta mûguî ûrî mûvarîrie gûtûmîrwa, na akînthitha thiakarî yake.

Danieli 12:3

Andû arîa aûgî magaakenga ta ûtheri wa îgûrû, nao arîa mekaga ciîko cia ûthingu nî magaakenga ta njata tene na tene.

Danieli 8:10

Karûvîa kau nîkaagîre na vinya mûno na gakîneneva îgûrû rîa ciûmbe cia îgûrû, nîkagwîthirie imwe cia njata icio na gagîikinyanga.

Malaki 4:2

Nwatî nîûndû wenyu mue arîa mûngoocaga, ûvoti wakwa wa kûmûvonia nîûkaamwarîra ta riûa rîrî na vinya wa kûvonia mîrûri yarîo. Mûkauma mûkîrûgarûgaga ta njaû ciauma rwagarî rwa cio.

Mathaayo 17:2

Nake Jesû nîwagarûrûkire ûrîa oonekaga ekariî wa mamûroretie. Ûthiû wake wavenagia ta riûa, na cio nguo ciake ciacerûvîte cûa.

Ciîko 26:13

Na thaa thita cia mûthenya nîrî njîrarî nthiîte kuo, mûthamaki mûgathe, nînoonire ûtheri kuuma îgûrû. Ûtheri ûcio warî mûnene gûkîra wa riûa na nîwamûrîkire na mîena yonthe wa vamwe na andû arîa nathiîcanîtie nao.

Aefeso 6:17

Amûkîrani ûvonokio ta arî yo ngovia yenyu ya cuuma ya kûgitîra kîongo, na kiugo Kîam Ngai ta arî ruo rûviû rûrîa Roho amûvecaga.

Ahib 4:12

Kiugo Kîam Ngai kîrî mwoyo nîkîrutaga wîra na nî kîûgî gûkîra rûviû rûrîa rûnoore mîena îîrî. Nîgîtemaga nginya varîa ngoro na mwoyo inyitanîrîte, na gîgatema gatagatîrî ka marûngo wana gatagatî ka mavîndî. Na nîkîvotaga gûtuîria na kûmenya meciria na merirîria ma ngoro cietû.

Kûguû 1:20

Nayo nthitho ya njata icio mûgwanja irîa irî mwena wa ûrîo wa Ngai yonanagia njata mûgwanja nî araika arîa mûgwanja a makanitha marîa mûgwanja. Nayo mînyamû îrîa mûgwanja ya kwigîrîrwa taa nî makanitha marîa mûgwanja.

Kûguû 10:1

Nînacokire ngîona mûraika wîngî warî na ûvoti akînyûrûrûka kuuma îgûrû. Ke nîwekîrîte îtu rîrî ta nguo na akathiûrûrûkîrua kîongorî gîake nî mûkûnga mbura. Ûthiû wake wekariî ta riûa, namo magûrû make magekara ta itugî cia mwaki.

Kûguû 12:1

Naguo ûrirû mûnene na wa magegania nîwaumîrire kûu îgûrû. Nî kwarî na mûndûmûka wekîrîte riûa rîrî ta nguo, na akinyithîtie magûrû make mwerirî. Na aarî na nthûmbî ya njata îkûmi na igîrî kîongorî gîake.

Kûguû 19:15

Kanyuarî gake nîkwaumire rûviû rwa njûra rûûgî, rûrîa ke akaavûthîra kûvoota mavûrûri. Ke nîakaamathaga na rûthanju rwa cuuma. Nî akaaviva thavibu ciume ndivei ya marakara ma Ngai mwene vinya wonthe.

Kûguû 19:21

Nao athigari ao a mbaara nîmaaûragirwe na rûviû rwa njûra rûrîa rumaga kanyuarî ka ûrîa wathiîte ekarîrîte mbarathi. Nacio iconi cionthe nîciarîre nyama cia mîîrî yao wata ûrîa ingîavotire.

Kûguû 2:1

“Andîka kûrî mûraika wa kanitha ûrîa ûrî Efeso atîrî: “Îno nî ndûmîrîri kuuma kûrî ûrîa ûgwete njata irîa mûgwanja njararî yake ya ûrîo, na nîke ûceeraga gatagatî ka indo mûgwanja cia thaavu cia kwigîrîrwa taa.

Kûguû 2:12

“Andîka kûrî mûraika wa kanitha ûrîa ûrî Perigamoni atîrî: “Îno nîyo ndûmîrîri kuuma kûrî ûrîa ûrî na rûviû rûûgî mîena yoîrî.

Kûguû 2:16

Rîu îrireni! Ethîrwa mue tîmwîrira, nie nîngûka kûrî mue narua na ndûe na andû acio na rûviû rûrîa rumaga kanyuarî gwakwa.

Kûguû 3:1

“Andîka kûrî mûraika wa kanitha ûrîa ûrî Saridi atîrî: “Îno nîyo ndûmîrîri kuuma kûrî ûrîa wathaga maroho mûgwanja ma Ngai na ûrîa ûnyitîte njata mûgwanja. Nie nîmbîcî ciîko cienyu. Nîmbîcî mwonekaga takwa mûrî mwoyo, nwatî mûrî akuû.

Atir 3:16

Ehudi nîweturithîtie rûviû rwa njûra rûarî rûûgî mîena yoîrî na rûarî na ûraca wa cendimita mîrongo îtano. Ethagîrwa arûovererete kîûnûrî gîake mwena wa ûrîo rungu rwa nguo ciake.

Atir 5:31

Ngai-Mûnene, nthû ciaku irokua wa ûguo, nwa arata aku maroîthîrwa mekariî ta riûa rîkîratha! Naguo vûrûri ûcio nîwagîre thayû îvinda rîa mîaka mîrongo îna.