Kûguû 1:15 - ÎVUKU RÎA ÛVORO MWARO

¹⁵ nyarîrî ciake ciakengete ta cuuma ya gîcango îrî ntherie na mwaki, naguo mûgambo wake wagambaga ta ndurumo ya manjî.

Kûguû 1:15 ပူးပေါင်းရင်းမြစ်များ

Thaburi 93:4

Ngai-Mûnene nî mûthamaki mûnene kûu îgûrû, arî vinya gûkîra mûrurumo wa îria, arî vinya gûkîra makûmbî ma manjî ma îria.

Isaia 17:13

Mavûrûri mararuruma ta manjî meengî, nwatî Ngai nîakaamagûkia nao maûre mathiî kûndû kûraca, makaavinyûrua ta ûrîa macaki magûrûkagua nî rûkûngi kîrîmarî îgûrû, kana ta ûrîa rûkûngû rûmbûragwa nî rûkûngi rûnene.

Ezek 1:24

Nînegwire mûgambo wa mathagu ma cio magûrûkîte; mûgambo wamo warî ta wa mûrurumo wa manjî meengî, mûgambo ta wa athigari a mbaara eengî, mûgambo ta wa Ngai. Na rîrîa ciarûngama nîciakûnjaga mathagu mau.

Ezek 1:7

Magûrû ma cio maarî marûngarû, na ciarî na mavûngû ta ma ndegwa na maavenagia ta cuuma ya gîcango îno ntheru.

Ezek 40:3

Rîrîa aambirire vau, nînoonire mûndû wavenavenagia ta cuuma ya gîcango. Mûndû ûcio aarûngamîte kîvingorî anyitîte kîthimi gîa kamûkumbû na akanyita kîthimi gîa kamûtî.

Ezek 43:2

Riiri wa Ngai wa Isiraeli nîwaûkire umîte na mwena wa îrathîro. Naguo mûgambo wa Ngai warî ta mûrurumo wa manjî ma îria, nayo nthî nîyagîre na ûtheri wa riiri wake.

Danieli 10:6

Mwîrî wake wakengaga ta mathiga ma goro. Ûthiû wake wavenagia ta rûveni, namo metho make maakanaga ta nînîmbî cia mwaki. Njara na magûrû make ciatherete ta gîcango kîthûîtwe mûno. Mûgambo wake weguîkaga ta înegene rîa andû eengî.

Kûguû 10:1

Nînacokire ngîona mûraika wîngî warî na ûvoti akînyûrûrûka kuuma îgûrû. Ke nîwekîrîte îtu rîrî ta nguo na akathiûrûrûkîrua kîongorî gîake nî mûkûnga mbura. Ûthiû wake wekariî ta riûa, namo magûrû make magekara ta itugî cia mwaki.

Kûguû 14:2

Nanie nînegwire mûgambo kuuma îgûrû wagambaga ta ndurumo ya manjî, na ta mûrurumo mûnene wa ngwa. Mûgambo ûcio wagambaga ta mûgambo ûrîa aini magambagia makîvûra ngita ciao.

Kûguû 19:6

Ngîcoka ngîgua mûgambo ta wa andû eengî mûno. Mûgambo ûcio wagambaga ta mûgambo wa ndurumo ya manjî meengî mûno, kana mûrurumo mûnene wa ngwa. Nao maaugaga atîrî, “Ngai arokumua! ‘Nîûndû Mwathani, Ngai wetû mwene vinya wonthe, nî mûthamaki!’

Kûguû 2:18

“Andîka kûrî mûraika wa kanitha ûrîa ûrî Thîatira atîrî: “Îno nîyo ndûmîrîri kuuma kûrî Mûriû wa Ngai, ûrîa ûrî na metho makanîte ta mwaki mûkengu mûno. Nacio nyarîrî ciake ikengaga ta cuuma ya gîcango.