Kûguû 1:13 - ÎVUKU RÎA ÛVORO MWARO

¹³ Gatagatîrî ka yo kwarî kîndû kîoonekaga kîvuana ta mûndû, ekîrîte nguo ndaca yakinyîte nyarîrî. Na kîthûrirî gîake aarî na mûcivi warî na rangi ya thaavu.

Kûguû 1:13 ပူးပေါင်းရင်းမြစ်များ

Ntha 39:5

Naguo mûcivi mwaro ûrîa watumîtwe waro na ndigi cia thaavu, vururu, njambarawe na ndune nîwatumîrîrwe efodirî wata ûrîa Ngai-Mûnene aathîte Musa.

Isaia 11:5

Ke akaathanaga na ûthingu na wîvokeku.

Danieli 10:16

Vîndî wa îo, mûraika ûrîa wekariî ta mûndû nîwavutirie mîromo yakwa na njara yake. Nanie nînamwîrire atîrî, “Mwathi wakwa, kîoneki gîkî nî kîmbîkagîra guoya na ngathirwa nî vinya.

Danieli 7:13

“Ûtukû vîndî îrîa naarî na kîoneki kîu, nînoonire mûndû wekariî ta mûriû wa mûndû aûkîte arî matuurî îgûrû, na akîthiî kûrî ûrîa wîthîrîtwe atûûrîte tene na tene, na akîviravirwa vakuvî nake.

Danieli 7:9

“Ndoretie wa ûguo, nînoonire itî cia ûthamaki ikigwa vandû va cio. Nake ûrîa wîthîrîtwe atûûrîte tene na tene nîwekarîre gîtî kîmwe. Nguo ciake ciacerûvîte ta îra, nacio njuîrî ciake cia kîongo ciacerûvîte ta guoya wa ng'ondu. Gîtî gîake Kîam ûthamaki Kîamrî na nthugû ciavenagia ta nînîmbî cia mwaki.

Alawi 8:7

Musa nîwekîrire Aroni nguo ndaca na akîmûova mûcivi kiunorî na akîmwîkîra kîthiri. Nîwamwîkîrire efodi na akîmûova kîûnûrî na mûcivi wa efodi îo.

Ahib 4:15

Mûthînjîri-Ngai mûnene ûcio wetû ndangîrega gûtwîguîra ntha nîûndû tûtirî vinya. Rîrîa atûûraga gûkû nthî nîwageragua na njîra wa cionthe irîa tûgeragua nacio, nwatî ke ndevia.

Kûguû 14:14

Nie nînaacokire ngîroria na ngîona îtu rîcerû. Na vau îtuurî rîu rîcerû nîveekarîte kîndû gîekariî ta mûndû. Kîndû kîu Kîamvuana ta mûndû, Kîamrî na ngovia ya thaavu kîongo, na njararî yakîo nîkîagwete kaviû ga gûketha.

Kûguû 15:6

Nao araika mûgwanja arîa maarî na ûvoti wa gûtûma nthî îgîe na mavera mûgwanja, nîmaaumire kûu hekarûrî. Araika acio meekîrîte nguo ntheru ciakengaga na ciarî na mîcivi ya rangi wa thaavu yovetwe ithûrirî ciao.

Kûguû 2:1

“Andîka kûrî mûraika wa kanitha ûrîa ûrî Efeso atîrî: “Îno nî ndûmîrîri kuuma kûrî ûrîa ûgwete njata irîa mûgwanja njararî yake ya ûrîo, na nîke ûceeraga gatagatî ka indo mûgwanja cia thaavu cia kwigîrîrwa taa.