Kîam 9:15 - ÎVUKU RÎA ÛVORO MWARO

¹⁵ vîndî îo ngaririkanaga kîrîkanîro kîrîa naarûthire namue wana nginya ciûmbe cionthe irîa itûûraga mwoyo, atî gûtikethîrwa kûrî na manjî ma kûthiria indo cionthe irîa itûûraga mwoyo rîngî.

Kîam 9:15 ပူးပေါင်းရင်းမြစ်များ

Kîam 8:21

Ngai-Mûnene nîwegwire mûcingû mwaro ûkiuma îgongoonarî rîu, na akiuga atîrî ngororî yake, “Nie ndikaaruma nthî rîngî nîûndû wa ciîko cia mûndû, nîûndû meciria ma mûndû methagîrwa marî macûku kuuma ûninirî wake. Ndigaacoka kûthiria ciûmbe cionthe irîa itûûraga mwoyo ta ûrîa mbîkîte.

Kîam 9:10

wana nginya na ciûmbe cionthe irîa itûûraga mwoyo, irîa irî vamwe namue; ta: iconi, ndîthia cionthe, nyamû cia kîthakarî irîa irî vakuvî namue wana irîa cionthe mwaumire nacio thabinarî.

Kîam 9:11

Kîrîkanîro gîakwa namue nî gîkî: atî gûtirî vîndî ciûmbe irîa irî mwoyo ikathirua na mwîcûro wa manjî na ndigaatûma manjî mecûre mathirie nthî rîngî.

Kîam 9:14

Vîndî îrîa narete matu ma mbura naguo mûkûngambura wonekana matuurî,

1Atha 8:23

na akiuga atîrî, “Ngai-Mûnene, Ngai wa Isiraeli, gûtirî Ngai wîngî tawe îgûrû kana gûkû nthî! Nîûvingagia kîrîkanîro gîaku na andû aku na nîûmoonagia wendo ûtathiraga rîrîa matûûra makwîvokete.

Nehemia 9:32

“Kwoguo, Ngai wetû ûrî Ngai mûnene na wî vinya! Wî Ngai wa kûmakania na nîûvingagia kîrîkanîro gîaku na wendo ûtathiraga. Mathîna marîa maûkîte kûrî tue na kûrî athamaki etû, kûrî anene etû na athînjîri-Ngai etû, arathi etû na kûrî methe metû, na andû onthe etû kuuma vîndî ya athamaki a Asîria, nginya ûmûnthî ndûkariganîrwe nîmo!

Thaburi 106:45

Nîwaririkanire kîrîkanîro gîake nîûndû wao, na akîricûkwa nîûndû wa wendo wake mwîngî ûrîa ûtathiraga.

Ntha 28:12

Ûnyitithanie mathiga mau ma goro na tûmîcivi twa gûcuria ituro twa efodi nîguo methagîrwe marûngamîrîrîte mîvîrîga îrîa îkûmi na îîrî ya Isiraeli. Aroni agaakuuaga marîîtwa mau na ituro ciake arî mbere ya Ngai-Mûnene nîguo Ngai-Mûnene amaririkanage.

Jeremia 14:21

Nîûndû wa rîîtwa rîaku ndûgatûtiganîrie, ndûkananyararithie gîtî gîaku Kîam ûthamaki, ririkana kîrîkanîro gîaku na andû a Isiraeli.

Ezek 16:60

Kûnarî ûguo, nîngaaririkana kîrîkanîro kîrîa twarîkanîre nawe rîrîa warî mwîthî, na nîngaarûtha kîrîkanîro nawe gîa gûtûûra tene na tene.

Luka 1:72

Ke nîwaugire atî nîakeeguîra methe metû ntha, na aririkane kîrîkanîro gîake kîtheru.

Gûco 7:9

Menyani nama atî Ngai-Mûnene, Ngai wenyu nîke Ngai, na nî mwîvokeku. Ke nîavingagia kîrîkanîro gîake na arî wendo ûtathiraga, kûrî njiarwa ngiri cia andû arîa mamwendete na mavingagia maathani make.