Kîam 8:22 - ÎVUKU RÎA ÛVORO MWARO

²² Vîndî îrîa yonthe nthî îkethagîrwa îrî vo, gûkethagîrwa na îvinda rîa mavanda na îvinda rîa maketha, îvinda rîa mvevo na îvinda rîa ûrugarî, îvinda rîa riûa na îvinda rîa mbura, îvinda rîa mûthenya na îvinda rîa ûtukû.”

Kîam 8:22 ပူးပေါင်းရင်းမြစ်များ

Kîam 45:6

Nîûndû kavinda ka mîaka îîrî tu kwîthîrîtue kûrî na yûra, na kûrî na mîaka îngî îtano îtigarîte îrîa gûtakethîrwa gûkîrîmwa kana gûgîkethwa.

Ntha 34:21

“Mûkaarutaga wîra mîthenya îtandatû, nwatî mûthenya wa mûgwanja mûkîvurûka wana ethîrwa nî vîndî ya marîma kana ya maketha.

Jeremia 31:35

Ngai-Mûnene ûrîa arî ke Ngai mwene vinya wonthe arauga atî: Nîke ûvecaga riûa ûtheri nîguo rîare mûthenya, na akava mweri na njata ûtheri nîguo imûrîkage ûtukû. Nîke winainagia îria gûkagîa na makûmbî ma manjî na makaruruma.

Jeremia 5:24

Matiîciragia mandîîe nie Ngai-Mûnene Ngai wao, na nînîmaurithagîria mbura vîndî yayo yakinya. Mbura nene na mbura nini, na ngamûva mavinda magîrîru ma gûketha.

Jakuvu 5:7

Kwoguo ariû na aarî a îthe wetû, kiragîrîriani nginya rîrîa Mwathani agaacoka. Taroriani ûrîa mûrîmi akiragîrîria etererete mûgûnda wake ûgîe na maciaro ma vata. Ke nîakiragîrîria maurîrwe nî mbura ya mbere na ya mûthiia.