Kîam 8:20 - ÎVUKU RÎA ÛVORO MWARO

²⁰ Nuhu nîwatumîre Ngai-Mûnene metha ya kîgongoona. Kuuma kûrî nyamû cionthe cia mîthemba yonthe irîa itarî mûgiro, nîwocire nyamû îmwe îmwe wa vamwe na mûthemba wa iconi, na akîiruta irî îgongoona rîa kûvîvua metharî îo ya kîgongoona.

Kîam 8:20 ပူးပေါင်းရင်းမြစ်များ

Kîam 13:18

Nake Aburamu nîwathaamirie îgema rîake na akîthiî gûtûûra Heburoni vakuvî na mîtî îrîa mîamûre ya Mamure. Aburamu nîwatumîre Ngai-Mûnene metha ya kîgongoona vo.

Kîam 13:4

Vau nwavo aathondekerete Ngai-Mûnene metha ya kîgongoona na akîmûgooca.

Kîam 22:2

Nake Ngai nîwamwîrire atîrî, “Oca Isaka mwana waku wa kîmomwe ûrîa wendete mûno, na mûthiî nake vûrûrirî wa Moria. Thiî kîrîmarî kîrîa ngaakwonia na ûrute Isaka arî îgongoona rîa kûvîvua.”

Kîam 22:9

Rîrîa maakinyire varîa Ngai aameerîte, Iburahimu nîwarûthire metha ya kîgongoona. Nîwacokire akîara ngû waro, akîovania mûvîcî Isaka, na akîmwigîrîra îgûrû rîa ngû metharî ya kîgongoona.

Kîam 26:25

Isaka nîwatumire metha ya kîgongoona vau, na akîgooca Ngai-Mûnene. Nîwacokire akîamba îgema rîake vau nacio ndungata ciake ikînja kîthima kîngî.

Kîam 33:20

Jakovu nîwatumire metha ya kîgongoona na agîta vandû vau Eli.

Kîam 35:1

Ngai nîwerire Jakovu atîrî, “Ûkîra ûthiî Betheli ûtûûre kuo; na ûtumîre Ngai metha ya kîgongoona kuo. Ngai ûcio nîke wakumîrîre rîrîa waûraga nî mûrwanyûkwe Esaû.”

Kîam 35:7

Nîwatumire metha ya kîgongoona vau na agîîta vandû vau Eli-betheli, nîûndû kûu nîkuo Ngai aamumîrîre rîrîa aaûraga kuuma kûrî mûrwang'ina Esaû.

Kîam 4:4

Abili nîwavirîre Ngai îrikithathi rîmwe rîa ndîthia yake. Nîwarîthînjire na agîtegera Ngai-Mûnene nyama irîa noru. Ngai-Mûnene nîwakenirue nî Abili na agîkenua nî matega make,

Kîam 7:2

We nîûtonya thabinarî na nyamû irîa itarî mûgiro njamba mûgwanja na nga mûgwanja. Nacio nyamû irîa irî mûgiro ûtonyie njamba îmwe na nga îmwe.

Kîam 7:3

Ûcoke ûtonyie iconi mûgwanja cia njamba na iconi mûgwanja cia nga. Nîwîka ûguo nîguo mbeû ya nyamû cionthe na iconi cionthe ndîkathire na igaaciarana rîngî gûkû nthî.

Kîam 8:19

Nyamû cia kîthaka na ciûmbe irîa ikurumaga cionthe, iconi cionthe na kîndû kîonthe kîthiîcagîrîra nthî, nîciaumire thabinarî wa nyamû kûringana na kîruka Kîamyo.

Ayubu 1:5

Wa kîrugo Kîamthira, Ayubu nîwetaga ciana ciake nîguo aitherie. Vuva wa kîrugo, nîwaramûkaga kîraûko tene mûno na akaruta îgongoona rîa kûvîvua rîa wa mwana, rîrî îgongoona rîa kûmatheria, “Nîûndû mavota kwîthîrwa marumîte Ngai ngororî ciao.”

Ntha 10:25

Nake Musa nîwamûcokerie atîrî, “Nwanginya ûtwîtîkîrie tûthiî na nyamû cia kûrutîra Ngai-Mûnene Ngai wetû magongoona na cia magongoona ma kûvîvua.

Ntha 29:18

Ûcoke ûvîvîrie ndûrûme îo yonthe îgûrû rîa metha ya kîgongoona rîrî îtega rîa kûvîvua rîa Ngai-Mûnene. Naguo mûtararûko wa îtega rîu nîûngenagia nie, Ngai-Mûnene.

Ntha 29:25

Ûgaacoka ûcioce kuuma njararî ciao na ûcigîrîre metharî ya kîgongoona vamwe na ndûrûme ya îtega rîa kûvîvua na ûivîvîrie vo. Mûtararûko wa îtega rîîrî nîûkenagia Ngai-Mûnene.

Ndari 7:21

ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua,

Aroma 12:1

Kwoguo ariû na aarî a îthe wetû, nîûndû wa ntha nyîngî irîa Ngai atwonetie, namûthaitha mûrute mîîrî yenyu îrî ta îgongoona rîrî mwoyo kûrî Ngai, rîrî rîamûre nîûndû wa ûtungata wake na rîa kûmûkenia. Îno nîyo njîra yama ya kûgooca Ngai.

Ahib 13:10

Athînjîri-Ngai arîa matungataga varîa Ayahudi magoocagîra, matirî na rûtha rwa kûrîa kîndû wana kîrîkû kîrîa gîtegagwa metharî yetû ya kîgongoona.

1Pet 2:5

Ûkani kûrî Kristû ta mathiga marî mwoyo mûtûmîrwe gûtuma hekarû ya kîîroho na matuîke ta athînjîri-Ngai atheru a kûrutaga magongoona ma kîîroho kûrî Ngai. Nake agetîkagîra magongoona mau na njîra ya Jesû Kristû.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.