Kîam 7:7 - ÎVUKU RÎA ÛVORO MWARO

⁷ Ke na mûka, anake ake na aka ao, nîmaatonyire thabinarî nîguo maûrîre mwîcûro wa manjî.

Kîam 7:7 ပူးပေါင်းရင်းမြစ်များ

Kîam 6:18

Nwatî nîngûgîa na kîrîkanîro nawe. Thiî ûtonye thabinarî na mûkaguo na avîcî aku wa vamwe na aka ao.

Kîam 7:1

Ngai-Mûnene nîwerire Nuhu atîrî, “Tonya thabinarî mûrî na andû aku onthe. Nie nîmonete atî we ûrî mûndû mûthingu gûkû nthî yonthe.

Nthi 22:3

Mûndû mûûgî onaga thîna îgîûka akamîûrîra, nwatî mûndû mûritu eviraga thînarî akanyitwa nîyo.

Mathaayo 24:38

Nîûndû vîndî îo mbere ya nthî îkunîkîrwa nî manjî, andû nîmaarîcaga na makanyua. Arûme nîmaavikanagia nao aka makavikua, nginya mûthenya ûrîa Noa aatonyire thavinarî.

Luka 17:27

Andû nîmaarîcaga na makanyua, makavikania na makavikua, nginya mûthenya ûrîa Nuhu aatonyire thavinarî na mbura ya kîvovoto îkiura na îkîmaûraga onthe.

Ahib 11:7

Wîtîkio nîguo watûmire Nuhu athikîrîrie Ngai vîndî îrîa aamûkaanirie ûvoro wîgiî maûndû marîa atoonete. Nîwathîkîre Ngai na agîtuma îtarû rîrîa ke na andû ake maatûmîre nîguo mavonokue. Na ûguo Nuhu eekire nîwonanirie atî andû a nthî maarî acûku. Nîûndû Nuhu nîwetîkirie nîwatuirwe Mûthingu nî Ngai.

Ahib 6:18

Kûrî na maûndû maîrî marîa matangîgarûrîka namo nî atî: Ngai ndangîîricûkwa rîrîa akwîranîra ûndû, na ndangîveenania rîrîa akwîvîta. Maûndû mama nîmatûmagîrîria tue arîa tûthiîcaga kûrî Ngai nîguo atûgitîre, na nîmatûvecaga vinya wa gûtûûra tûrî na kîîrîgîrîro kîrîa kigîtwe mbere yetû.

1Pet 3:20

Maaroho mau nî ma andû arîa maaregire kwathîkîra Ngai vîndî îrîa eetererete akirîrîrîtie Nuhu atume thavina. Nî andû anana tu arîa maarî thavinarî maavonokirue na njîra ya manjî.

2Pet 2:5

Ngai ndeeguîra nthî ya tene ntha, nwatî nîwaurithirie mbura ya kîvovoto na manjî magîcûra gûkû nthî kûrîa kwarî na andû mataarî na ûngai. Nwatî Ngai nîwagitîre Nuhu ûrîa wavunjagîria andû matûûre marî athingu na akîvonokia andû engî mûgwanja.