Kîam 7:21 - ÎVUKU RÎA ÛVORO MWARO

²¹ Ciûmbe cionthe cia nthî irîa ciarî mwoyo nîciakwire. Nacio ciarî; iconi cionthe, nyamû cionthe na andû onthe.

Kîam 7:21 ပူးပေါင်းရင်းမြစ်များ

Kîam 1:25

Kwoguo Ngai nîwaûmbire indo icio cionthe na agîkenua nî ûguo.

Kîam 6:13

Ngai nîwerire Nuhu atîrî, “Nie nînduîte ciira atî nîngûthiria andû onthe. Nînîmathiria onthe nîûndû nthî îcûrîte mbaara nîûndû wao. Nînîmathiria vamwe na nthî yonthe.

Kîam 6:17

Nie nîngûtûma nthî yonthe îcûre manjî mathirie indo cionthe irîa itûûraga gûkû nthî.

Kîam 7:4

Mîthenya mûgwanja kuuma rîu nîngurithia mbura gûkû nthî matukû mîrongo îna mûthenya na ûtukû. Ngeeka ûguo nîguo nthirie ciûmbe cionthe irîa naûmbire irî mwoyo.”

Ayubu 34:15

kîndû kîonthe kîrî mwoyo nîkwa kîngîkua, na mûndû agacoka rûkûngûrî.

Isaia 24:19

Nthî nî manangîku viû, nthî nî mbatûkangu, nthî nîrathingitha na vinya mûno.

Isaia 24:6

Kwoguo nthî nîîkûthirua nî kîrumi, andû nao marathînîka nîûndû wa mavîtia mao. Andû arîa matûûraga nthî nîmarathira, na nî andû anini tu magaatigara marî mwoyo.

Hosea 4:3

Kwoguo vûrûri wonthe nî werû, na kîûmbe kîonthe gîtûûraga vûrûrirî ûcio nîkîrathirua; wana nyamû cia kîthaka na iconi; wana nthamaki cia îriarî nîiracûkangua.”

Joeli 2:3

Ta ûrîa mwaki ûvîvagia vûrûri wîkariî ta mûgûnda wa Edeni, nwatî vuva wake nîta werû, na gûtirî kîndû kîngîûra.

Zefania 1:3

Andû, nyamû, iconi cia rîerarî na nthamaki cia îriarî; cionthe nîngaicûkangia. Andû arîa aganu nîngamacûkangia viû; andû onthe nîngamathiria gûkû nthî.

Mathaayo 24:39

Nwatî o matiamenyaga ûrîa gwekîkaga nginya mûthenya ûrîa maaûrîîre manjîrî onthe. Ûguo nîguo gûkeethîrwa gwîkariî vîndî îrîa Mûrû wa Mûndû agaaûka.

Luka 17:27

Andû nîmaarîcaga na makanyua, makavikania na makavikua, nginya mûthenya ûrîa Nuhu aatonyire thavinarî na mbura ya kîvovoto îkiura na îkîmaûraga onthe.

Aroma 8:20

Nîûndû indo cionthe cia nthî ciatuirwe cia mana, nwatî gûtiarî kwenda gwa cio, nî Ngai wendaga ciîkare guo. Kûnekariî ûguo ciarî na kîîrîgîrîro

Aroma 8:22

Nîûndû nîtwîcî atî nginya îvindarî rîîrî ciûmbe cionthe nîiracaa irî na ûrûrû ta ûrîa mûndûmûka egucaga mbere ya agîe na mwana.

2Pet 2:5

Ngai ndeeguîra nthî ya tene ntha, nwatî nîwaurithirie mbura ya kîvovoto na manjî magîcûra gûkû nthî kûrîa kwarî na andû mataarî na ûngai. Nwatî Ngai nîwagitîre Nuhu ûrîa wavunjagîria andû matûûre marî athingu na akîvonokia andû engî mûgwanja.