Kîam 6:11 - ÎVUKU RÎA ÛVORO MWARO

¹¹ Andû acio engî onthe a nthî maarî aganu methorî ma Ngai, na mbaara yecûrîte kûndû kuonthe.

Kîam 6:11 ပူးပေါင်းရင်းမြစ်များ

Kîam 10:9

Nimurodi nîwatethirue nî Ngai-Mûnene kwîthîrwa arî mûguîmi mûnene gûkû nthî. Kwoguo nîkwîragwa atîrî, “Ngai-Mûnene arogûtua mûguîmi mûnene ta Nimurodi!”

Kîam 13:13

Andû a kûu Sodomu maarî evia na nîmeekaga maûndû macûku mûno marî mbere ya Ngai-Mûnene.

Kîam 6:10

Nuhu aarî na anake athatû: Shemu; Hamu; na Jafethi.

Kîam 7:1

Ngai-Mûnene nîwerire Nuhu atîrî, “Tonya thabinarî mûrî na andû aku onthe. Nie nîmonete atî we ûrî mûndû mûthingu gûkû nthî yonthe.

2Maû 34:27

nîûndû nîûreririre na wenyivia mbere ya Ngai rîrîa ûregwire ciugo ciake ciîgiî kûndû gûkû na andû arîa matûûraga kuo, nîûrenyivirie mbere yakwa, na mwatembûranga nguo ciaku nîûndû wa kîeva na ûkîndîrîra, wananie nînegua mavoya maku.

Thaburi 11:5

Ngai-Mûnene nîatuîragia andû arîa athingu na arîa aganu, na nîamenete andû arîa ndûrîka na ngoro yake yonthe.

Thaburi 140:11

Tiga arîa macambanagia matigekindîrie vûrûrirî, andû arîa aganu marocokererwa nî maûndû macûku na mamathirie wa rîmwe.

Thaburi 55:9

We Mwathani, cûkangia mîario ya nthû ciakwa! Nînîrona waganu na ngucanio îtûûrarî.

Ntha 32:7

Ngai-Mûnene nîwerire Musa atîrî, “Nyûrûrûka narua nîûndû andû aku arîa warutire vûrûri wa Misiri nîmevîtie na makaregana nanie.

Isaia 60:18

Gûtigaacoka kwîguîka thîna rîngî vûrûrirî waku, yûra kana kwanangîka gûtikegwîka rîngî mîvakarî yaku. Nîngaakûgitagîra na ngûmenyagîrîre ta rûthingo, nawe nîûkaangoocaga nîûndû nîngûvonoketie.

Jeremia 6:7

Wata ûrîa kîthima kigaga manjî matheru, nwa guo Jerusalemu igaga waganu, mbaara na wanangi ciîguîkaga kuo, andû arwaru na marî na ironda nîmonaga vîndî cionthe.

Ezek 28:16

Warî na wîra mwîngî wa kûgûra na kwendia indo na ûkîambîrîria gwîka maûndû na vinya na ûndû ûcio ûgîtûma wîvie. Kwoguo nînaakûvinyûririe ta kîndû kîrî mûgiro nîguo ume kîrîmarî Kîam Ngai. Na mûraika ûrîa wakûrangagîra nîwakûvinyûririe ûkiuma mathigarî marîa maavenavenagia.

Ezek 8:17

Ngai-Mûnene nîwambîrire atîrî, “Mûndû, nîwona maûndû mau? Maûndû mau marî mûgiro andû a Juda mareka marona arî ûndû mûnini, nîûndû nîmatûmîte vûrûri wonthe ûgîe mbaara na magatûma nthiî na mbere kûrakara? Taroria, nîmarandakaria makîria!

Habakuku 1:2

We Ngai-Mûnene, nîngûrîrîra nginya rî nîguo ûndethie, nawe ndûkegua? Nîngûrîrîra nginya rî ngiugaga: “Mbaara!” nawe ndûkamvonokia?

Habakuku 2:17

Maûndû macûku marîa wîkîte Lebanoni nîmagagûcokerera. Nîwaûragire nyamû ciakuo; nacio nîikaamwîgwithia guoya. Maûndû mama nîmagagûkinyîra, nîûndû wa ûûragani na maûndû macûku marîa wîkîte gûkû nthî, îni, maûndû marîa wîkîte matûûra, na arîa matûûraga kuo.

Habakuku 2:8

We nîwîîte andû na mavûrûri meengî, nwatî arîa onthe matigarîte nîmagaakwîa, nîûndû wa ûragani na maûndû macûku marîa wîkîte gûkû nthî, matûûrarî na andû arîa matûûraga kuo.

Luka 1:6

Na oîrî nîmaatûûrîte marî athingu methorî ma Ngai. Nao nîmaathîkagîra mawatho wa vamwe na maathani ma Mwathani matarî na ûcuke.

Aroma 2:13

Ngai ndatucaga andû athingu nîûndû wa kwîgua watho, nwatî amatucaga athingu nîûndû nîmekaga ûrîa watho uugîte.

Aroma 3:19

Na rîu nîtwîcî atî maûndû monthe marîa marî Wathorî nîma andû arîa marî rungu rwa Watho nîguo gûtikaagîe ciîgwatio, nao andû onthe a nthî matuîke a gûcirithua nî Ngai.

Gûco 31:29

Nîmbicî narîkia gûkua nîmûgaatuîka andû aganu na mûregane na maûndû marîa naamwathire mwîkage. Mavinda marîa magaaûka nî mûkaanyitwa nî mîthiro, nîûndû mûkethîrwa mûrakarîtie Ngai-Mûnene na njîra ya gwîka maûndû macûku marîa areganîte namo.”

Atir 2:19

Nwatî rîrîa mûtongoria akua, andû nîmaacokaga gwîka maûndû macûku wana gûkîra marîa methe ma tene meekaga. Nîmaatungatagîra ngai cia mîvuanano na makenamagîrîria mothiû mao mbere yacio makîigoocaga. Nîmaathiîcaga na mbere gwîka maûndû macûku na matiatiganîria mîtugo yao mîcûku.