Kîam 5:3 - ÎVUKU RÎA ÛVORO MWARO

³ Rîrîa Adamu aakinyirie ûkûrû wa mîaka îgana rîa mîrongo îthatû (130), nîwaciarire kavîcî gekariî take viû na agîgatuîra rîîtwa Sethi.

Kîam 5:3 ပူးပေါင်းရင်းမြစ်များ

Kîam 4:25

Adamu nîwamenyanire kîîmwîrî na mûka na akîgîa îvu na agîciara kaana kengî ga kavîcî. Nake Awa nîwaugire atîrî, “Ngai nîmûmveu mwana wîngî wa kavîcî vandûrî va Abili, ûrîa waûragirwe nî Kaini.” Kwoguo nî wagetire Sethi.

Kîam 5:2

Aamaûmbire mûndûmûrûme na mûndûmûka, agîcoka akîmarathima akîmeta “Andû”.)

Kîam 5:4

Vuva wa gûciara Sethi, Adamu aatûûrire îvinda rîa mîaka magana manana (800) na akîgîa na ciana ciîngî.

Ayubu 14:4

Nû ûngîvota kûruta kîndû kîtheru kuuma kûrî kîndû gîtarî kîtheru! Gûtirî mûndû ûngîvota?

Ayubu 25:4

Mûndû angîvota atîa gûtuîka mûthingu mbere ya Ngai? Mûndû ûciarîtwe nî mûndûmûka nwa atuîke mûtheru?

Thaburi 51:5

Nie naaciarirwe nîrî na mavîtia; wana nyanya akîgîa îvu nîguo ngaaciarwa, naarî mwîvia.

Luka 1:35

Nake mûraika nîwamûcokerie atîrî, “Roho Mûtheru nîagûka kûrî we, naguo vinya wa Ngai ûrîa ûrî Îgûrû Mûno nîûgaagûkunîkîra ta kîruru. Kwoguo mwana ûcio ûgaaciarwa akethîrwa arî mûtheru na ageetagwa Mûriû wa Ngai.

Luka 3:36

mûvîcî wa Kainani, mûvîcî wa Afakisadi, mûvîcî wa Shemu, mûvîcî wa Noa, mûvîcî wa Lameki,

Johana 3:6

Kîrîa kîonthe gîciarîtwe nî mwîrî nî mwîrî, na kîrîa kîonthe gîciarîtwe nî roho nî Roho.

Aroma 5:12

Mevia maatonyire nthî na njîra ya mûndû ûmwe na makîrete gîkuû. Kwoguo gîkuû nîgîecûrire kûrî andû onthe a nthî nîûndû andû onthe nîmeevirie.

1Akor 15:39

Mîîrî ya ciûmbe irîa irî mwoyo ndîvananaga. Andû methagîrwa marî a mûthemba ûmwe, nyamû cia kîthaka ikethîrwa îrî na mûthemba wacio, iconi wa ta guo na nthamaki nacio ikethîrwa na mwîrî wa mûthemba wîngî.

1Akor 15:49

Wa ta ûrîa tue twavananire na mûndû wa gûkû nthî, nwaguo tûkaavanana na Mûndû wa îgûrû.

Aefeso 2:3

Ûma nî atî wa natue tuonthe twekaga wa tao. Twatûûraga twathagwa nî merirîria metû ma kîîndwîre na tûgekaga maûndû marîa meriragîrua nî mîîrî yetû na meciria metû, na twarî tûkinyîrwe nî marakara ma Ngai wata andû arîa engî.