Kîam 5:22 - ÎVUKU RÎA ÛVORO MWARO

²² Vuva wa gûciara Methusela Enoku nîwekarire marî ngwatanîro na Ngai îvinda rîa mîaka magana mathatû (300) na agîcoka agîciara ciana ciîngî.

Kîam 5:22 ပူးပေါင်းရင်းမြစ်များ

Kîam 17:1

Rîrîa Aburamu aarî na ûkûrû wa mîaka mîrongo kenda na kenda (99), Ngai-Mûnene nîwamumîrîre na akîmwîra atîrî, “Nînie Ngai mwene vinya wonthe. Mbathîkagîra na wîthagîrwe ûrî mûthingu vîndî cionthe.

Kîam 24:40

Nake nîwanjokerie atîrî, ‘Ngai-Mûnene ûrîa ndûûraga mbathîkagîra nîagûtûma mûraika wake athiîcanie nawe na atûme rûgendo rwaku rwîthîrwe rûrî na umithio; wonere mûvîcîwa mûndûmûka kuuma kûrî andû etû, na nîo andû a nyomba ya vava.

Kîam 48:15

Nîwacokire akîrathima Josefu na akiuga atîrî, “Ngai ûrîa methe makwa Iburahimu na Isaka maatungatagîra, na nîke Ngai ûrîa ûtwîre andongoretie nginya ûmûnthî arorathima twana tûtû!

Kîam 5:21

Rîrîa Enoku aakinyirie ûkûrû wa mîaka mîrongo îtandatû na îtano (65) nîwaciarire Methusela.

Kîam 5:23

Enoku aatûûrire îvinda rîa mîaka magana mathatû ma mîrongo îtandatû na îtano (365).

Kîam 5:24

Aatûûrire arî na ngwatanîro mbaro na Ngai. Nîwacokire akîûra kuuma methorî ma andû, nîûndû Ngai nîwamwocire.

Kîam 6:9

Ino nîcio njiarwa cia Nuhu. Nuhu aarî mûndû mûthingu, na nwake wenga tu warî mwaro îvindarî rîu. Nuhu aarî na ngwatanîro na Ngai.

1Atha 2:4

Ngai-Mûnene akaavingia kîîranîro gîake kîrîa aambîrîîre atî njiarwa ciakwa nîikaatha Isiraeli ethîrwa nîikaavingia mawatho marîa nîmavete na methagîrwe marî evokeku kûrî nie na ngoro ciao cionthe na mîoyo yao yonthe.

2Atha 20:3

“We Ngai-Mûnene nakûthaitha ûririkane ûrîa ngûtungatîrîte na wîvokeku na ngoro yonthe, na vîndî cionthe mbîkaga maûndû marîa magûkenagia.” Nîwacokire akîrîra arî na ûrûrû mwîngî mûno.

Thaburi 116:9

Ndûûranagia na Ngai-Mûnene, vûrûrirî wa arîa marî mwoyo.

Thaburi 128:1

Gûkena nî andû arîa metigagîra Ngai-Mûnene, arîa marûmagîrîra njîra ciake.

Thaburi 16:8

Vîndî cionthe Ngai-Mûnene nîandongoragia, arî vamwe nanie na ndingîenyenya.

Thaburi 26:11

Nwatî nie mbîkaga maûndû marîa magîrîru, mbîguîra ntha na ûmvonokie!

Thaburi 56:13

Nîûndû nîûmvonoketie kuuma gîkuûrî, na nîûgirîtie mvootwa. Kwoguo ngethagîrwa nîrî vakuvî na Ngai, nîrî ûtherirî ûrîa waragîra arîa marî mwoyo.

Thaburi 86:11

Nthomithia njîra ciaku, we Ngai-Mûnene, na nîngûkwathîkîra nîrî mwîvokeku; nthomithia nîguo ngûtungatage na ngoro yonthe.

Ntha 16:4

Ngai-Mûnene nîwacokire akîra Musa atîrî, “Nie nîngûmûnyûrûrûkîria mîgate kuuma îgûrû yure ta mbura. Na wa mûthenya mûndû akathiîcaga akaûngania irîa ikûmwîgana mûthenya ûcio. Ûguo nîguo ûgaatûma menya kana makaambathîkagîra.

Rwîmbo rwa Nyîmbo 1:4

Mboca tûthiî nawe na îvenya, tuîka mûthamaki wakwa na ûmvire gwaku mûciî. Tûgakenaga tûrî vamwe, tûgakumagia wendo waku gûkîra ndivei. Aka onthe nîmakwendete.

Hosea 14:9

Mûndû wa wonthe mûgî nîataûkîrwe nî maûndû mama, arîa maicî gûkûûrana nîmamenye maûndû mama. Nîûndû njîra cia Ngai-Mûnene nî nûngarû na andû arîa athingu matûûraga mairûmagîrîra, nwatî evia nîmavîngagwa marî njîrarî icio.

Alawi 26:12

Ngethagîrwa nîrî namue na ngethîrwa nîrî Ngai wenyu, namue mwîthagîrwe mûrî andû akwa.

Amosi 3:3

Andû aîrî nwa mathiî rûgendo matarîkanîrîte?

Mika 4:5

Wa vûrûri ûgoocaga na ûkathîkîra ngai ya guo, nwatî tue tûkaagoocaga na tûkathîkîra Ngai-Mûnene, Ngai wetû tene na tene.

Mika 6:8

Naarî, Ngai-Mûnene nî atwonetie ûndû ûrîa mwaro, ûndû ûrîa endaga kuuma kûrî tue nî: maûndû ma kîvooto, kwîgucanîra ntha, kûgîa na wendo ûtathiraga na gûtûûra wînyivîtie mbere ya Ngai waku.

Malaki 2:6

Maathomithagia ûvoro wa ma na matianathomithia maûndû ma maveeni. Nie nao twatûûrire tûrî na thayû na marî na mîthiîre mîaro, na makîthomithia andû engî ûvoro wa gûtigana na mevia.

Luka 1:6

Na oîrî nîmaatûûrîte marî athingu methorî ma Ngai. Nao nîmaathîkagîra mawatho wa vamwe na maathani ma Mwathani matarî na ûcuke.

Ciîko 9:31

Kwoguo kanitha ya kûu kuonthe Judea, Galili na Samaria nîyekarire îrî na thayû. Nayo îgîtethagîrîrua nî Roho Mûtheru nîyagîre na vinya na îkîthiî na mbere gûkûra îkîongererekaga îrî na wîtigîri wa Mwathani.

Aroma 8:1

Nîûndû wa ûguo, rîu arîa marî ndaarî ya Jesû Kristû matingîtuîrwa atî nî evia.

1Akor 7:17

Mûndû wa wonthe gatagatîrî kenyu agîrîrwe nî gwîkara kûringana na wîra ûrîa Mwathani aamûveere na wa ûrîa Ngai aamwîtire ekariî. Ûguo nîguo mbathanîte makanitharî monthe.

2Akor 6:16

Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”

Aefeso 5:15

Kwoguo menyagîrîrani mîkarîre yenyu. Tigagani gwîkara ta andû aritu, îkaragani ta andû aûgî.

Gûco 13:4

Rûmagîrîrani Ngai-Mûnene Ngai wenyu na mûmûtîîage na mwathîkagîre maathani make na mûmwîgucage. Mûtungatagîreni na mwîthagîrwe mûrî evokeku kûrî ke.

Gûco 28:9

“Ethîrwa nî mûkwathîkîra Maathani ma Ngai-Mûnene Ngai wenyu na mwîke maûndû monthe marîa amwathîte, nîakaamûtua andû ake atheru wata ûrîa aamwîrîîre.

Gûco 5:33

Athîkagîrani maûndû monthe marîa Ngai-Mûnene, Ngai wenyu amwathîte nîguo maûndû menyu methagîrwe marî maro, na mûthiî na mbere gûtûûra vûrûrirî ûrîa mûkwîgwatîra.

Akol 1:10

Namue mûkaavotaga gûtûûra ta ûrîa Mwathani endaga na mûgeekaga maûndû marîa makenagia Mwathani vîndî cionthe. Namue mûkaagîcaga na maciaro maro maûndûrî monthe marîa mûgekaga na mûgakîragîrîria kûmenya Ngai.

Akol 4:5

Îthagîrwani mûrî na ûûgî rîrîa mûgwîka maûndû gatagatîrî ka andû arîa matetîkîtie Kristû. Vûthagîrani waro kanya wa konthe karîa mwagîa nako.

1Ath 2:12

Tue, nîtwamûûmagîrîria, nîtwamûthaithaga na nîtwekaraga tûkîmûringagîrîria mûtûûrage na mûtûûrîre ûrîa ûkenagia Ngai ûrîa ûmwîtaga ûthamakirî wake ûrîa ûrî na riiri.

1Ath 4:1

Na mûthiiarî, ariû na aarî a îthe wetû, nîmwathomire kuumana natue ûrîa mwagîrîrwe nî gûtûûra nîguo mûkenie Ngai na nwa guo mûratûûra. Rîu tûramûria na tûkamûthaitha na rîîtwa rîa Mwathani Jesû mûtûûre waro makîria.

1Joh 1:7

Nwatî tûngîthiîra ûtherirî wata ûrîa ke arî ûtherirî, nwa tûgîe na ngwatanîro mûndû na ûrîa wîngî. Nayo nthakame ya Mûriû Jesû îgaatûtheragia kuuma meviarî monthe.