Kîam 49:8 - ÎVUKU RÎA ÛVORO MWARO

⁸ “We Juda, aa mûrwanyûkwe nîmagaagûkumia, nîûkaanyita nthû ciaku ngingo. Aa mûrwanyûkwe nîmagaakwînamîrîra.

Kîam 49:8 ပူးပေါင်းရင်းမြစ်များ

Kîam 27:29

Andû a ndûrîrî marotuîka ndungata ciaku na makwînamagîrîre. Ûrotuîka wa kwathaga aa mûrwanyûkwe, nao onthe marokwînamagîrîra. Arîa onthe magaakûrumaga maronyitwa nî kîrumi na arîa magaakûrathimaga marorathimagwa!”

Kîam 29:35

Lea nîwagîre îvu rîngî na agîciara kaana kengî ga kavîcî. Lea nîwaugire atîrî, “Rîu nie nîngûgooca Ngai-Mûnene.” Kwoguo nîwagatuîrîre rîîtwa Juda. Nîwacokire agîtiga gûciara.

Kîam 42:6

Vîndî îo Josefu nîke warî mûnene wa maûndû monthe vûrûrirî wa Misiri na nîke wendagîria andû onthe a vûrûri ûcio irio. Kwoguo aa mûrwang'ina nîmaathiîre mbere yake na magîturumithia mothiû mao nthî.

Kîam 46:12

Avîcî a Juda maarî: Eri, Onani, Shela, Perezi na Zera, (nwatî Eri na Onani nîmakuîrîrîte Kanaani). Avîcî a Perezi maarî: Hezironi na Hamuli.

2Sam 22:41

Nîwe watûmire nthû ciakwa ciûre nînie, na ngîcûkangia arîa onthe maamenete.

2Sam 24:9

Joabu nîwacokire akîva mûthamaki ûvoro wîgiî ûrîa andû onthe meegana. Andû arîa mangîavotire kûthiî mbaararî kuuma kûu Isiraeli maarî andû ngiri magana manana (800,000) nakuo Juda kwarî na andû ngiri magana matano (500,000).

2Sam 5:3

Kwoguo atongoria onthe a Isiraeli nîmaathiîre kwî mûthamaki kûu Heburoni. Mûthamaki Daudi nîwathondekire kîrîkanîro nao na makîmwîtîrîria maguta nîguo atuîke mûthamaki wa vûrûri wa Isiraeli.

1Maû 28:4

Kûnarî ûguo, Ngai-Mûnene, Ngai wa Isiraeli nîwanthuurire kuuma kûrî nyomba ya vava nduîke mûthamaki wa Isiraeli nginya tene na tene. Nîwathuurire mûvîrîga wa Juda umage atongoria na kuuma mûvîrîgarî wa Juda nîwathuurire nyomba yetû, na kuuma mûciî wa vava nîwakenirue nînie na akîndua mûthamaki wa Isiraeli.

1Maû 5:2

Juda nîke wagîre vinya gatagatî ka aa mûrwang'ina acio engî, na mûthamaki aaumire mûvîrîgarî ûcio. Nwatî maûndû marîa maagîrîrwe kwîthîrwa marî ma Reubeni ma ûrikithathi maaverwe avîcî a Josefu.)

2Maû 14:8

Asa aarî na athigari a mbaara ngiri magana mathatû (300,000) kuuma mûvîrîgarî wa Juda maarî na ngo nene na matumû, na engî ngiri magana maîrî ma mîrongo înana (280,000) kuuma mûvîrîgarî wa Benjamini na maarî na ngo na moota. Onthe maarî athigari maarî na vinya na njamba.

2Maû 15:9

Mûthamaki Asa nîwagomanirie vamwe andû onthe a Juda na a Benjamini na arîa maatûûraga Juda maumîte mîvîrîgarî ya Efiraimu, Manase na Simioni. Andû acio maathiîre kûrî Asa nîûndû nîmoonire atî Ngai-Mûnene, Ngai wa Asa aarî vamwe nake.

2Maû 17:2

Nîwaigire ikundi cia athigari matûûrarî monthe ma Juda marîa maarî mairigîre, mîenarî îrîa îngî ya vûrûri wa Juda na matûûrarî ma vûrûri wa Efiraimu marîa îthe Asa aanyitîte.

2Maû 30:11

Kûnarî ûguo, andû anini a kuuma Asheri, Manase na Zebuluni nîmeenyivirie na makîthiî Jerusalemu.

Thaburi 76:1

Ngai nîecîkene Juda; rîîtwa rîake nî rînene Isiraeli.

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Ezek 21:29

Cioneki irîa mwonaga nî cia mana, na mamûrathagîra maveeni matheri. Rûviû nîrûvarîrîrie nîguo rûteme andû arîa aganu. Kavinda kao ka mûthiia ga kûverithua nîgakinyu.

Ndari 1:27

Naguo warî na arûme ngiri mîrongo mûgwanja na inya na magana matandatû (74,600).

Ndari 10:14

Maathiîcaga vîndî cionthe marûmanîrîrîte gîkundi wa gîkundi mambîrîrîtie na mûvîrîga wa Juda na matongoretue nî vendera yao. Nahashoni mûvîcî wa Aminadabu nîke warî mûtongoria wao.

Ndari 26:20

Andû acio engî a mûvîrîga wa Juda maarî: mbarî ya Shela, mbarî ya Perezi na mbarî ya Zera.

Ndari 26:22

Andû acio a mûvîrîga wa Juda maarî arûme ngiri mîrongo mûgwanja na atandatû na magana matano (76,500).

Gûco 33:7

Naguo ûvoro wîgiî Juda nîwaugire atîrî, “We Ngai-Mûnene tathikîrîria kîrîro Kîam andû a Juda; Macokanîrîrie vamwe rîngî na mîvîrîga îrîa îngî. We Ngai-Mûnene, mongerere vinya, na ûmatethie kûrûa na nthû ciao.”

Ahib 10:13

Etererete nginya rîrîa Ngai agaatua nthû ciake gaturwa ka magûrû make.

Ahib 7:14

Nîgwîcîkene waro atî ke aaumîte mûvîrîgarî wa Juda. Rîrîa Musa aaragia îgûrû rîa athînjîri-Ngai ndaagweta wanarî ûndû wîgiî mûvîrîga ûcio.

Josh 10:24

Na rîrîa maavirirwe kûrî ke, Joshua nîwetire arûme onthe a Isiraeli na anene a athigari a mbaara arîa maathiîte nao mbaararî maûke na maigîrîre magûrû mao ngingorî cia athamaki acio.

Josh 15:20

Mama nîmo matûûra marîa maarî vûrûrirî ûrîa wagaîrwe mbarî cia mûvîrîga wa Juda ûrî îgai rîao.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 5:5

Nake ûmwe gatagatîrî ka athuuri acio nîwambîrire atîrî, “Tiga kûrîra. Ta roria! Mûnyambû wa mûvîrîga wa Juda; na wa nyomba ya Daudi, nîavootanîte, na ke nwa avote gûtumûra ndumo icio mûgwanja na akûnjûre îvuku rîu rîa gîkûnjo.”

Atir 20:18

Aisiraeli nîmaathiîre Betheli na makîûria Ngai atîrî, “Nî andû a mûvîrîga ûrîkû makûthiî kûtharîkîra Aabenjamini marî a mbere?” Nake Ngai-Mûnene nîwacokirie atîrî, “Nî andû a mûvîrîga wa Juda makwambîrîria.”