Kîam 49:7 - ÎVUKU RÎA ÛVORO MWARO

⁷ Marakara mao maronyitwa nî kîrumi nîûndû nî macûku mûno, na mang'ûrîka mao maronyitwa nîkîo nîûndû matirî ntha. Nîngaamagaanîria Jakovu na nîmanyaganie Isiraeli kuonthe.

Kîam 49:7 ပူးပေါင်းရင်းမြစ်များ

2Sam 13:15

Vuva wa ûguo, Amunoni nîwamenire Tamarû mûno. Nîwamûmenire gûkîra ûrîa aamwendete mbererî. Amunoni nîwacokire akîîra Tamarû atîrî, “Ûkîra na ûthiî.”

1Maû 6:65

Matûûra manene mau magwete na maarî vûrûrirî wa Juda, Simeoni, na wa Benjamini wa namo maavecanirwe na njîra ya kûûthîrwa.

Nthi 27:3

Îthiga na mûthanga nî ndito, nwatî thîna ûrîa ûngîretwe nî mûndû kîrimû nî mûrito makîria.

Nthi 29:22

Mûndû wa mang'ûrîka nîatûmaga kûgîe na ngucanio, na mûndû wa marakara nîatûmaga kûgîe na mathîna meengî.

Ndari 35:8

Mwîgana wa matûûra marîa mûkaava Alawi kuumana na kûrîa andû a Isiraeli maagaîrwe gûkaringana na ûrîa mûvîrîga wîgana. Mûvîrîga ûrîa mûnene nîûkaavecana matûûra mengî naguo mûvîrîga ûrîa mûnini ûvecane matûûra manini. Wa mûvîrîga nîûkaava Alawi matûûra kûringana na mwîgana wa vûrûri ûrîa maagaire.”