Kîam 49:1 - ÎVUKU RÎA ÛVORO MWARO

¹ Jakovu nîwetire anake ake na akîmera atîrî, “Tacokanîrîrani vamwe nîmwîre maûndû marîa mageekîka kûrî mue vuvarî.

Kîam 49:1 ပူးပေါင်းရင်းမြစ်များ

Thaburi 105:15

Ameera atîrî, “Mûtikavutie andû arîa nyamûrîte, mûtigeke arathi akwa ûndû mûcûku.”

Thaburi 25:14

Ngai-Mûnene nî mûrata wa arîa mamwathîkagîra, na nîamaririkanagia kîrîkanîro.

Isaia 2:2

Mavinda nî magaakinya rîrîa kîrîma kîrîa hekarû ya Ngai-Mûnene îtumîtwe, gîgaatuwa kîrîma kîraca gûkîra irîma cionthe, na gîtûgîrue gûkîra tûrîma tuonthe. Mavûrûri monthe nîmakaathiî kuo.

Isaia 22:14

Ngai-Mûnene mwene vinya wonthe nîwanguûrîrie akîmbîra atîrî, “Nama, mûtikoverwa wîvia ûyû nginya rîrîa mûgaakua.” Ûguo nîguo Ngai-Mûnene mwene vinya wonthe augîte.

Isaia 39:6

Taroria, mîthenya nîyûkîte, rîrîa indo cionthe irîa irî gwaku nyomba, vamwe na irîa methe maku maigîte nginya ûmûnthî ikaavirwa Babuloni. Gûtirî kîndû gîgaatigwa; ûguo nîguo Ngai-Mûnene augîte.

Isaia 48:14

“Ûnganani vamwe muonthe na mûthikîrîrie! Nî mûvuanano ûrîkû gatagatîrî ka mîvuanano îo waririe maûndû mau? Ke ûrîa Ngai-Mûnene endete, nîke ûgeeka Babuloni ûrîa Ngai-Mûnene endaga, na nîke ûkaatharîkîra Akalidei.

Isaia 53:1

“Nû wetîkirie ûvoro ûrîa twegwire? Nû ûguûrîrîtue atî nî Ngai-Mûnene warutaga wîra ûcio?

Jeremia 23:20

Marakara ma Ngai-Mûnene matikathira nginya rîrîa akethîrwa ekîte na akavingia wendi wa meciria make. Mûthiiarî, nî ûgataûkîrwa nîguo waro.”

Danieli 10:1

Mwaka wa kathatû Cairasi arî mûthamaki wa Perisi, Danieli, ûrîa watuîrîrwe rîîtwa Beliteshazaru, nîwaguûrîrue ndûmîrîri. Ndûmîrîri îo yarî ya ma, nwatî yarî nyûmû mûno, na ndîereekaga. Danieli nîwereithirue ûrîa ndûmîrîri îo yaugaga na njîra ya kîoneki.

Danieli 10:14

Nie naûka gûgûtethia gûtaûkîrwa nî maûndû marîa mageekîka kûrî andû aku mavinda marîa magaaûka. Nîûndû kîoneki gîkî nîkîa mavinda marîa magaaûka.”

Danieli 2:47

Mûthamaki nîwaugire atîrî, “Nama Ngai waku nî Ngai wa ngai irîa ciîngî, na Mwathani wa athamaki onthe. Nîke ûguûragia maûndû marîa marî nthithorî, nîûndû we nîûvotete gûtaûra nthitho îno.”

Amosi 3:7

Nama gûtirî ûndû Ngai-Mûnene Mwene Vinya wonthe ekaga, ataûguûrîrîtie arathi ndungata ciake.

Mika 4:1

Îvinda nîrîgakinya rîrîa kîrîma kîrîa gîtumîtwe hekarûrî ya Ngai-Mûnene gîkethîrwa kîrî gîtûgîru gûkîra irîma cionthe, nîgîgaatûgîrua gûkîra tûrîma tuonthe, na ndûrîrî nyîngî nîikaathiîcaga kuo.

Ndari 24:14

Balaamu nîwerire Balaki atîrî, “Rîu nie nthiîte kûrî andû etû. Nwatî mbere ya nthiî tiga ngûtaare ûvororî wîgiî ûrîa andû a Isiraeli mageeka andû aku mavinda marîa magaaûka.”

Luka 2:26

Roho ûcio nîwamûmenyithîtie atî ke ndagaakua atonete Mesaya ûrîa weranîrîtwe nî Mwathani.

Ciîko 2:17

‘Ngai augîte atî: Mîthenyarî ya mûthiia, nie nîngetîrîria andû onthe Roho wakwa. Ariû na aarî enyu nîmakaanîrîra ndûmîrîri yakwa kûrî andû; anake enyu na erîtu enyu nîmakoona cioneki, nao andû enyu arîa akûrû, nîmakaarota iroto.

Gûco 31:12

Îta andû onthe magomane vamwe: arûme, aka, ciana na ageni arîa marî matûûrarî menyu, nîguo mûndû wa wonthe egue na amenye gûtîîa Ngai-Mûnene Ngai wenyu, na kûrûmîrîra maathani make na kinyi.

Gûco 4:30

Rîrîa mûkaagîa na mathîna na maûndû mama monthe mekîke kûrî mue, nîmûgaacokerera Ngai-Mûnene, Ngai wenyu na mûmwathîkîre.

1Tim 4:1

Roho Mûtheru nîaugaga waro atî mîthenya ya kûrigîrîria andû nîmakaarega gwîtîkia; nîmakaathîkîra maroho ma maveeni na marûmîrîre maûndû marîa mathomithanagua nî ndaimono.

2Tim 3:1

Nîrenda ûmenye atî mîthenya ya kûrigîrîria nî gûkaagîa na mavinda maûmû.

Ahib 1:2

Nwatî mavinda mama ma mûthiia, Ngai nîatwarîrîtie na njîra ya Mûriû wake. Ngai aaûmbire nthî yonthe na njîra ya Mûriû wake na nîke Ngai athuurîte nîguo mûthiiarî akagaa indo cionthe.

Ahib 13:1

Endanagani mûndû na ûrîa wîngî ta ariû na aarî a îthe wetû.

Kûguû 4:1

Vuva wa ûguo nie nînagîre na kîoneki kîngî, nînoonire mûrango ûrî mûvingûre kûu îgûrû. Naguo mûgambo wa ûrîa neguîte ûkîmbarîria na mûgambo ta wa karumbeta, nîwambîrire atîrî, “Unûkia ûûke ava, nanie nîngûkwonia maûndû marîa mageekîka vuvarî.”