Kîam 48:14 - ÎVUKU RÎA ÛVORO MWARO

¹⁴ Jakovu nîwakîranirie njara ciake na akigîrîra njara yake ya ûrîo îgûrû rîa kîongo Kîam Efiraimu na agîcoka akigîrîra njara yake ya ûmotho îgûrû rîa kîongo Kîam Manase ûrîa warî îrikithathi.

Kîam 48:14 ပူးပေါင်းရင်းမြစ်များ

Kîam 41:51

Kaana ka mbere gaciarwa, Josefu nîwaugire atîrî, “Ngai nîatûmîte ndiganîrwe nî mathîna makwa na ndiganîrwe nî andû etû.” Kwoguo nîwatuîrîre kana kau rîîtwa Manase.

Kîam 41:52

Nîwacokire akiuga atîrî, “Ngai nîamvete ciana nîrî vûrûrirî ûyû wa mathîna.” Kwoguo nîwetire kaana ga kaîrî Efiraimu.

Kîam 46:20

Josefu arî Misiri, nîwagîre na avîcî aîrî; Manase na Efiraimu. Josefu maaciarîte ciana ino marî na Asenathi mwarî wa Potifera mûthînjîri-ngai wa Oni.

Kîam 48:13

Josefu nîwanyitire Efiraimu na njara yake ya ûrîo na akîmwiga mwena wa ûmotho wa Jakovu, agîcoka akînyita Manase na njara ya ûmotho na akîmwiga mwena wa ûrîo wa Jakovu na akîmavira vakuvî na Jakovu.

Kîam 48:17

Rîrîa Josefu oonire îthe aigîrîra njara yake ya ûrîo îgûrû rîa kîongo Kîam Efiraimu nîwarakarire. Nake Josefu nîwanyitire njara ya Jakovu akîenda kûmîruta kîongorî Kîam Efiraimu amigîrîre kîongorî Kîam Manase.

Kîam 48:18

Josefu nîwerire îthe atîrî, “Ndûngîeka ûguo Vava, nîûndû kamwana gaka nîko gakûrû. Igîrîra nja yaku ya ûrîo kîongorî gîa ko.”

Thaburi 110:1

Ngai-Mûnene nîwerire Mwathani wakwa atîrî, “Îkara nthî mwena wakwa wa ûrîo nginya rîrîa ngaatûma ûkinyangîre nthû ciaku na magûrû maku.”

Thaburi 118:16

Njara ya ûrîo ya Ngai-Mûnene nîyo îretete ûvootani; Njara ya ûrîo ya Ngai-Mûnene nîîkîte maûndû manene!”

Ntha 15:6

Njara yaku ya ûrîo we Ngai-Mûnene îrî riiri na îrî vinya; njara yaku ya ûrîo we Ngai-Mûnene yunangaga nthû tûcunjî tûcunjî.

Ndari 2:18

“Andû a Efiraimu makaamba magema mwena wa îthûîro vakuvî na vendera yao. Mûtongoria wao akeethîrwa arî Elishama, mûvîcî wa Amihudi.

Ndari 8:10

Wavira Alawi mbere ya Ngai-Mûnene, andû a Isiraeli nîmakaamaigîrîra njara,

Ndari 8:18

Nwatî rîu nyamûkîrîte Alawi matuîke akwa îthenya rîa marikithathi monthe ma Isiraeli.

Mathaayo 16:18

Kwoguo nîrakwîra atîrî Petero, we ûrî îthiga, na îgûrû rîa îthiga rîîrî nie nîngaatuma kanitha wakwa, wana nginya gîkuû gîtigaatoria kanitha ûcio.

Mathaayo 19:13

Nao andû nîmaavirîre Jesû twana nîguo atwigîrîre njara na atûvoere. Nwatî arutwa ake nîmaamakanirie.

Mathaayo 19:15

Nake nîwatwigîrîre njara agîcoka akîthiî.

Mathaayo 6:5

“Na vîndî îrîa mûkûvoya, mûtikavoyage ta mvinga! Mvinga ciendaga kûvoya irûngamîte mavoerorî na makathîkanorî ma njîra, nîguo cionwe nî andû. Nîramwîra na ma atî, mvinga icio nîirîkîtie kûvewa mûcara wacio.

Luka 13:13

Nake Jesû nîwamwigîrîre njara na wa rîmwe mûndûmûka ûcio akînamûka na agîkumia Ngai.

Luka 4:40

Na rîrîa riûa rîathûaga, andû onthe arîa maarî na andû arwaru mîrimû mwanya mwanya, nîmaamavirire kûrî Jesû. Nake Jesû nîwaigîrîre andû acio onthe njara na akîmavonia.

Ciîko 13:3

Kwoguo rîrîa maarîkirie kwînyerekia na makûvoya, nîmaaigîrîre Baranaba na Saûlo njara, na makîmatûma.

Ciîko 6:6

Nao etîkia nîmaanenganîre andû aya kûrî atûmwa, nao atûmwa makîmavoera na makîmaigîrîra njara.

Gûco 34:9

Nake Joshua mûvîcî wa Nuni nîwecûrirwe nî ûûgî nîûndû Musa nîwamûthuurîte atuîke mûtongoria vuva wake. Andû a Isiraeli nîmaathîkîre Joshua na nîmaarûmagîrîra maûndû monthe marîa Ngai-Mûnene aathîte Musa.

1Tim 4:14

Tûmîra kîveo Kîam roho kîrîa ûrî nakîo na waveerwe rîrîa arathi maaririe nao athuuri magîkwigîrîra njara.

1Tim 5:22

Ndûkanaigîrîre mûndû wana ûrîkû njara na karûgî atî nîguo atuîke ndungata ya Ngai. Ndûkagwatanîre na mevia ma mûndû wîngî, îkaraga ûrî mûtheru.