Kîam 48:11 - ÎVUKU RÎA ÛVORO MWARO

¹¹ Jakovu nîwerire Josefu atîrî, “Ndieciragia atî nîngaakwona rîngî, nwatî Ngai nîatûmîte mona nginya ciana ciaku.”

Kîam 48:11 ပူးပေါင်းရင်းမြစ်များ

Kîam 37:33

Jakovu nîwaroririe nguo îo na akîmîmenya. Nîwaugîrîrie atîrî, “Nguo îno nî îrîa ya mûvîcîwa! Nîararîrwe nî nyamû ya kîthaka. Mûvîcîwa Josefu nîmûtembûrange nî nyamû viû!”

Kîam 37:35

Anake ake onthe vamwe na erîtu nîmaageririe kûmûmîrîria; nwatî Jakovu nîwaregire kûmîrîrua, na akiuga atîrî, “Nî kava ngue na nthiî kûrîa akuû mathiîcaga wa ngîcakaagîra mûvîcîwa.” Kwoguo Jakovu nîwathiîre na mbere gûcakaîra mûvîcî Josefu.

Kîam 42:36

Nake Jakovu îthe wao nîwamaûririe atîrî, “Nîkwa mûrenda kûnthirîria ciana ciakwa cionthe? Josefu ndarî vo, Simeoni ndarî vo! Na rîu mûrenda kûthiî na Benjamini. Maûndû mama monthe nîmaratûma nthînîke!”

Kîam 45:26

Nao nîmeerire îthe atîrî, “Josefu arî wa mwoyo na nîke ûrathana vûrûri wonthe wa Misiri.” Jakovu nîwatemûkire nîûndû ndeetîkagia.

Kîam 48:10

Metho ma Jakovu nîmaambîrîrîtie kûûra nîûndû wa gûkûra, kwoguo ndoonaga. Josefu nîwavirire tûvîcî tûu varî Jakovu na nîwamamumunyire na akîmarathima.

Kîam 48:12

Josefu nîwathengutirie ciana icio kuuma ciaûrî cia Jakovu na akînamîrîria agîturumithia ûthiû wake vau mbere yake.

Thaburi 128:6

Ûrotûûra nginya ûkoona ciana cia ciana ciaku! Isiraeli kûrogîa thayû!

Nthi 17:6

Andû arîa akûrû nî makenaga rîrîa makwona ciana cia ciana ciao, wata ûrîa ciana ikenaga ikîona aciari a cio.

Aefeso 3:20

Ngai arokumua na njîra ya vinya wake ûrîa ûrutaga wîra ndaarî yetû, ke nîavotaga gwîka maûndû meengî mûno makîria ya marîa tûngîmûria wana kana tûngîciria.