Kîam 47:23 - ÎVUKU RÎA ÛVORO MWARO

²³ Josefu nîwerire andû atîrî, “Rîu nînîmûgûrîte vamwe na mîgûnda yenyu mûgatuîka a mûthamaki. Kwoguo ocani mbeû îno mûkavande mîgûndarî yenyu.

Kîam 47:23 ပူးပေါင်းရင်းမြစ်များ

Kîam 41:27

Ng'ombe icio mûgwanja ng'înju na njûku irîa iraumîte rûnjîrî irûmîrîrîte icio ciîngî, na igira icio mûgwanja njeke na mvîvie nî rûkûngi rwa werû, nî mîaka mûgwanja ya yûra.

Kîam 45:6

Nîûndû kavinda ka mîaka îîrî tu kwîthîrîtue kûrî na yûra, na kûrî na mîaka îngî îtano îtigarîte îrîa gûtakethîrwa gûkîrîmwa kana gûgîkethwa.

Kîam 47:22

Mîgûnda îrîa mûthamaki ataagûra nwa ya athînjîri-Ngai onga, nîûndû o nîmaavecagwa mûcara nî mûthamaki na nîguo maarîcaga. Kwoguo matingîendirie mîgûnda yao.

Kîam 47:24

Vîndî ya maketha, mûkaarutaga gîcunjî Kîam ithano Kîam maketha menyu mûkava mûthamaki. Nacio icunjî icio ciîngî inya, nîvo mûkaarutaga mbeû ya kûvanda na irio cia kûrîwa mîciîrî yenyu.”

Thaburi 112:5

Kûrathimwa nî mûndû ûrîa akombithanagia indo ciake na ûtaana, ûrîa wîkaga maûndû make na njîra ya kîvooto.

Thaburi 41:1

Kûrathimwa nî andû arîa marûmbûyagia andû arîa athîni; Ngai-Mûnene nîakaamatethia vîndî îrîa makaagwatwa nî thîna.

Nthi 11:26

Andû nîmarumaga mwendia ûrîa ûthithaga irio, nwatî nîmarathimithagia mûndû ûrîa ûciendagia.

Nthi 12:11

Andû arîa marutaga wîra na kîîo mîgûndarî yao nîmagîcaga irio cia kwîgana, nwatî andû arîa marûmagîrîra maûndû matarî na umithio nî irimû.

Nthi 13:23

Mîgûnda ya andû arîa athîni nwa yume irio nyîngî, nwatî andû arîa matarûmagîrîra kîvooto nîmagiragia îrîmwe.

Mûvunjia 11:6

Vanda mbegû mûgûndarî waku kîraûko na kîvwaî, nîûndû ndwîcî irîa igaakûthatûka nî cia kîraûko kana nî cia kîvwaî.

Isaia 55:10

“Wata ûrîa mbura yuraga nthî na mbaravu îkagwa nthî kuuma îgûrû, na iticokaga kuo nwatî itûmaga nthî îgîe manjî, na igatûma mîmera îmere na îgakûra, na ikava mûvandi maketha na ikava andû irio,

Mathaayo 24:45

“Ndungata îrîa îîvokekete na mbûgî nî îrîkû? Nî îrîa îragwa nî Mwathi wayo îmenyagîrîre ndungata irîa ciîngî na îivecage irio mathaa marîa magîrîru.

2Akor 9:10

Ngai ûrîa ûvecaga mûrîmi mbeû ya kûvanda na akamûva mûgate wa kûrîa, nwake ûkaamûva mbeû îrîa mûvatarîte. Nîûndû wa ûtaana wenyu Ngai nîagaatûma mbeû îo îkûre na îngîvie maketha.