Kîam 47:12 - ÎVUKU RÎA ÛVORO MWARO

¹² Josefu nîwavere îthe irio, aa mûrwang'ina na andû onthe a nyomba ya îthe kûringana na mwîgana wao.

Kîam 47:12 ပူးပေါင်းရင်းမြစ်များ

Kîam 45:10

Nîûgaatûûra vûrûrirî wa Gosheni, na wîthagîrwe ûrî vakuvî na nie; we, ciana ciaku, ciana cia ciana ciaku, ng'ondu ciaku, mbûri ciaku, ng'ombe ciaku, vamwe na indo cionthe irîa ûrî nacio.

Kîam 45:11

Ethîrwa ûrî Gosheni ngavota gûkûmenyerera, nîûndû nîgûkwîthîrwa na mîaka îngî îtano ya yûra. Ndirenda we, andû a mûciî waku kana ndîthia yaku mûkua nî yûra.’ ”

Kîam 45:7

Ngai aandûmire gûkû mbere yenyu nîguo ngaatûma mue na njiarwa cienyu mûtigare gûkû nthî.

Kîam 47:1

Kwoguo Josefu nîwocire avîcî ake atano, akîthiî kûrî mûthamaki wa Misiri na akîmwîra atîrî, “Vava na aa mûrwaiya nîmauma Kanaani maûka marî na ndîthia ciao, na indo ciao cionthe. Rîu marî vûrûrirî wa Gosheni.”

Kîam 47:21

Nao andû onthe arîa maarî vûrûrirî wa Misiri kuuma mwena ûmwe nginya ûcio wîngî nîmaatuîkire ngombo cia mûthamaki wa Misiri.

Kîam 47:24

Vîndî ya maketha, mûkaarutaga gîcunjî Kîam ithano Kîam maketha menyu mûkava mûthamaki. Nacio icunjî icio ciîngî inya, nîvo mûkaarutaga mbeû ya kûvanda na irio cia kûrîwa mîciîrî yenyu.”

Kîam 50:21

Kwoguo mûtiagîrîrwe nî gwîtigîra. Nîngûthiî na mbere kûmûmenyerera wa vamwe na ciana cienyu.” Kwoguo Josefu nîwamaûmîrîrie wa rîngî na akîmarîria waro mûno.

Ntha 20:12

“Tîîa aguo na nyûkwe, nîguo ûtûûre mîaka mîîngî vûrûrirî ûrîa Ngai-Mûnene, Ngai waku agûkûva.

Isaia 22:24

“Nao andû ao onthe a mûciî wake, anini na anene nîmagaacuragîrîra kûrî ke ta thaburia na mbakûri icuurîtue mûcumarîrî.

1Ath 2:7

Wana ethîrwa nîtûngîekire ûguo na wathani wetû ta atûmwa a Kristû. Nwatî twekaranirie namue tûrî na ûvoreri wata ûrîa ng'ina wa ciana amenyagîrîra ciana ciake.

1Tim 4:8

Kûmenyeria mwîrî gwîka maûndû nîguo ûgîe na vinya nî ûndû mwaro, nwatî kwîmenyeria gwîka maûndû marîa mangîtûma ûgîe na vinya wa kîîroho kûrî vata na njîra cionthe, nîûndû nîkûretagîra mûndû kîîrîgîrîro mwoyorî ûyû tûrî naguo rîu na mwoyorî ûrîa ûgaaûka.

1Tim 5:4

Nwatî ethîrwa mûndûmûka wa ndigwa arî na ciana kana aa ûcûwe, mbere nîmagîrîrwe nî kûmenya ûrîa magîrîrwe nî gûtethia mûciî wao ta ûrîa mûkristiano agîrîrwe nî gwîka. Na njîra ta îno makaarîvaga aciari ao, nîûndû ûndû ûcio nîguo ûkenagia Ngai.

1Tim 5:8

Ethîrwa kûrî mûndû ûrîa ûtamenyagîrîra andû ao na makîria andû a nyomba yake, nîmûreganu na wîtîkio na nî mûcûku gûkîra mûndû ûtetîkîtie.

Ruthu 4:15

Mûka wa mûvîcîguo nîakwendete na nîagwîkîrîte maûndû mengî gûkîra anake mûgwanja. Na rîu nîagûciarîrîte mûndû wa gûkûgaa ûrîa ûgaatûma ûcokwe nî vinya akûmenyagîrîre ûkûrûrî waku.”