Kîam 47:1 - ÎVUKU RÎA ÛVORO MWARO

¹ Kwoguo Josefu nîwocire avîcî ake atano, akîthiî kûrî mûthamaki wa Misiri na akîmwîra atîrî, “Vava na aa mûrwaiya nîmauma Kanaani maûka marî na ndîthia ciao, na indo ciao cionthe. Rîu marî vûrûrirî wa Gosheni.”

Kîam 47:1 ပူးပေါင်းရင်းမြစ်များ

Kîam 45:10

Nîûgaatûûra vûrûrirî wa Gosheni, na wîthagîrwe ûrî vakuvî na nie; we, ciana ciaku, ciana cia ciana ciaku, ng'ondu ciaku, mbûri ciaku, ng'ombe ciaku, vamwe na indo cionthe irîa ûrî nacio.

Kîam 45:16

Rîrîa ûvoro ûcio wamenyekanire kwa Faraû mûciî, atî aa mûrwang'ina na Josefu nîakinyu kûu Misiri, Mûthamaki wa Misiri na ndungata ciake nîmaakenire mûno.

Kîam 46:28

Jakovu nîwatûmire Juda mbere nîguo akeere Josefu amatûnge Gosheni. Na rîrîa maakinyire Gosheni,

Kîam 46:31

Josefu nîwerire aa mûrwang'ina vamwe na andû onthe a nyomba ya îthe atîrî, “Nie nîngûthiî kûrî mûthamaki wa Misiri ngamwîre atî aa mûrwaiya onthe vamwe na andû onthe a nyomba ya vava arîa maatûûraga Kanaani nîmaûkîte kûrî nie.

Kîam 46:34

mûmwîre atî, ‘ûtûûrorî wenyu wonthe mwîthîrîtwe mûrî arîthi, wata ûrîa methe menyu maarî.’ Mwauga ûguo, nîmûgetîkîrua mûtûûre vûrûrirî ûcio wa Gosheni.” Josefu aamerire ûguo nîûndû ûrîthi wa ng'ondu nî mûgiro kûrî andû a Misiri.

Ntha 8:22

Nwatî Gosheni kûrîa andû akwa matûûraga, gûtikethîrwa kûrî na ngi. Ûndû ûcio nîguo ûgaatûma ûmenye atî Nie Ngai-Mûnene nînie nîraruta wîra vûrûrirî ûyû.

Ntha 9:26

Gosheni gîcunjî kîrîa andû a Isiraeli maatûûraga nwakuo gûtaaura mbura îo ya mbembe.

Ahib 2:11

Jesû nîke ûtûmaga andû matherue mevia. Ke vamwe na arîa matuîtwe atheru nî a îthe ûmwe. Kwoguo Jesû ndegucaga nthoni akîmeta ariû na aarî a îthe.