Kîam 45:6 - ÎVUKU RÎA ÛVORO MWARO

⁶ Nîûndû kavinda ka mîaka îîrî tu kwîthîrîtue kûrî na yûra, na kûrî na mîaka îngî îtano îtigarîte îrîa gûtakethîrwa gûkîrîmwa kana gûgîkethwa.

Kîam 45:6 ပူးပေါင်းရင်းမြစ်များ

Kîam 37:2

Rûrû nîruo rûgano rwa andû a Jakovu. Rîrîa Josefu aarî na ûkûrû wa mîaka îkûmi na mûgwanja (17), nîwarîthagia mbûri na ng'ondu marî na aa mûrwang'ina. Aamûrûang'ina acio maarî avîcî a Biliha na Zilipa, aka arîa maarî a kwigwa a Jakovu. Josefu nîweraga îthe maûndû macûku marîa mekagwa nî aa mûrwang'ina acio.

Kîam 41:35

Kwoguo maathe maûnganie irio icio cionthe mîaka îo ya maketha yûkîte na maciige matûûrarî na mairangîre.

Kîam 41:46

Josefu aambîrîrie wîra kwa mûthamaki wa Misiri arî na ûkûrû wa mîaka mîrongo îthatû (30). Nîwaumire kûu kwa mûthamaki na akîthiî akîthiûrûrûka vûrûri wonthe wa Misiri.

Kîam 41:53

Mîaka mûgwanja ya maketha vûrûrirî wa Misiri nîyathirire.

Kîam 41:54

Nayo mîaka mûgwanja ya yûra nîyambîrîrie wata ûrîa Josefu aaugîte. Nîkwagîre na yûra mavûrûrirî monthe, nwatî Misiri kuonthe kwarî na irio.

Kîam 41:56

Yûra nîrîanenevire na rîgîtamba vûrûrirî wonthe, kwoguo Josefu nîwavingûrire makûmbî monthe na akîenderia andû a Misiri irio.

Kîam 47:18

Mwaka ûcio warûmîrîrîte nîmaathiîre kûrî Josefu na makîmwîra atîrî, “Mwathi wetû; tue gûtirî ûndû tûgûkûthitha. Mbeca cietû nî nthiru, na indo cietû cionthe nî ciaku. Gûtirî kîndû tûtigarîtie tiga mîîrî yetû na mîgûnda yetû.

Kîam 47:23

Josefu nîwerire andû atîrî, “Rîu nînîmûgûrîte vamwe na mîgûnda yenyu mûgatuîka a mûthamaki. Kwoguo ocani mbeû îno mûkavande mîgûndarî yenyu.

Ntha 34:21

“Mûkaarutaga wîra mîthenya îtandatû, nwatî mûthenya wa mûgwanja mûkîvurûka wana ethîrwa nî vîndî ya marîma kana ya maketha.

Isaia 30:24

Ndegwa na mvunda cienyu cia mîraû nîikaarîa macaki marî mavûnge na magacungwa na magekîrwa cumbî.

Gûco 21:4

Nao nîmakaamîvira Kîamndarî vandû varî na rûnjî rûtavûcaga na vatanarîmwa kana vavandwa kîndû. Vau nîvo makaaunîra njaû îo ngingo.

1Sam 8:12

Amwe ao nîakaamatua athani a athigari ngiri îmwe, nao engî amatue athani a athigari mîrongo îtano. Nao arîa engî nîakaamatua arîmi a mîgûnda yake, magîkethaga maketha make. Nî gûkethîrwa kûrî na anake engî arîa makethîrwa marî a kûthondekagîra mûthamaki indo ciake cia mbaara, na cia ikaari ciake cia mbaara.