Kîam 45:5 - ÎVUKU RÎA ÛVORO MWARO

⁵ Nwatî mûtikegue naaî kana mwîmene nîûndû atî nîmwamendirie gûkû Misiri. Nama nî Ngai wandûmire gûkû mbere yenyu nîguo ngaavonokia mîoyo ya andû.

Kîam 45:5 ပူးပေါင်းရင်းမြစ်များ

Kîam 37:28

Rîrîa andû arîa marutaga wîra wa kûgûra na kwendia indo kuuma Midiani maavîtûkîrîre vau, nîmaagucirie Josefu kuuma îrimarî na makîmwendia kûrî Aishumaeli acio sîlûva mîrongo îîrî. Aishumaeli acio nîmaakuuire Josefu makîmûvira Misiri.

Kîam 47:25

Andû acio nîmaaugire atîrî, “Mwathi wetû, we nîwatûvonokia; nîwatûîka maûndû maro na nîtûgûtuîka ngombo cia mûthamaki wa Misiri.”

Kîam 50:19

Nwatî Josefu nîwamerire atîrî, “Nie ndingîvota gwîka ûrîa Ngai angîka? Tigani kûmaka.

Kîam 50:20

Mweciragia mwambîkaga ûndû mûcûku, nwatî Ngai nîwatûmire ûndû ûcio ûtuîke mwaro nîguo andû engî matigakue wata ûrîa mûrona gwîkariî ûmûnthî.

Kîam 50:21

Kwoguo mûtiagîrîrwe nî gwîtigîra. Nîngûthiî na mbere kûmûmenyerera wa vamwe na ciana cienyu.” Kwoguo Josefu nîwamaûmîrîrie wa rîngî na akîmarîria waro mûno.

2Sam 12:12

Ûndû ûcio wekire, wekire na nthitho, nwatî nie ngeeka ûguo riûa rîarîte Aisiraeli onthe makîonaga.’ ”

2Sam 17:14

Abusalomu na Aisiraeli onthe nîmaaugire atîrî, “Mataaro ma Hushai nî maro gûkîra ma Ahithofeli.” Ngai-Mûnene nîwatuîte atî, wana ethîrwa mataaro ma Ahithofeli nî maro tîmarûmîrîrwa nîguo Ngai-Mûnene atûme Abusalomu anyitwe nî maûndû macûku.

Esita 4:14

Nîûndû ûngîkira îvinda ta rîrî, Ayahudi nîmakaagîa ûtethio kuuma vandû vengî, nwatî we vamwe na andû onthe a mûciî wa aguo nîmûkaaûragwa. Nû wicî atî twa kwîthîrwa we watuîkire mûka wa mûthamaki nîûndû wa îvinda ta rîrî?”

Ayubu 1:21

na akîvoya akiuga atîrî, “Naciarirwe ndarî na kîndû na ngakua ndarî na kîndû. Nî Ngai-Mûnene wavecanire na nîke wacoka gwîcîra, rîîtwa rîake rîrogoocwa!”

Luka 23:34

Nake Jesû nîwaugire atîrî, “Ngai Vava, movere nîûndû matiîcî ûrîa mareka.” Nao nîmaaûthîre nguo cia Jesû nîguo mamenye ûrîa makûigaana.

2Akor 2:11

Nie nekire ûguo nîguo Caitani ndagatûvoote nîûndû nîtwîcî mîvango yake nî îrîkû.

2Akor 2:7

Nwatî rîu nîmwagîrîrîtwe nî kûmwovera na kûmûmîrîria nîguo ndakathiî mbere kûgîa na kîeva kîrîa kîngîtûma ata mwîvoko.

File 1:15

Nwakwîthîrwa Onesimo arethîrîtwe atarî vamwe nawe kavinda kau kanini nîguo acoka mûtûûranie nake mavinda monthe.

1Sam 1:19

Elikana na andû a mûciî wake nîmaaramûkire kîraûko tene mûthenya ûcio wîngî. Na vuva wa kûgooca Ngai-Mûnene, nîmaacokire kwao mûciî Rama. Nake Elikana nîwamenyanire kîîmwîrî na mûka Hana, na Ngai-Mûnene akîgua mavoya ma Hana.