Kîam 45:1 - ÎVUKU RÎA ÛVORO MWARO

¹ Josefu nîwegwire atî ndangîvota kwîyûmîrîria rîngî arî mbere ya ndungata ciake. Nîwathanire onthe maume nja. Gûtirî mûndû wîngî wanarî ûmwe warî vo Josefu akîîmenyithania kûrî aa mûrwang'ina.

Kîam 45:1 ပူးပေါင်းရင်းမြစ်များ

Kîam 42:24

Josefu nîwamatigire na akîambîrîria kûrîra. Na rîrîa eegwire atî nwa avote kwaria rîngî, nîwathiîre agîoca Simeoni kuuma kûrî arîa engî na akîmwovithia acio engî makîonaga.

Kîam 44:34

Nîngîcoka atîa kûrî vava ethîrwa tîtûthiî na mwanake ûcio? Nie tînyûmîrîria kwona maûndû macûku marîa mangîûka kûrî vava.”

2Sam 1:20

Mûtikavecane ûvoro ûcio kûu Gathu, kana mûûvecana njîrarî cia Ashikeloni. Mûtigatûme erîtu a Afilisiti makena, mûtigatûme erîtu a andû arîa mataruaga makena.

2Sam 13:9

Nîwacokire akîmwîvûrîra, nwatî nîwaregire kûrîa. Amunoni nîwerire Tamarû atîrî, “Îngata andû onthe maume nja.” Nao andû onthe nîmaaumire nja.

Isaia 42:14

Ngai arauga atîrî, “Nîngirîrîrîtie kavinda karaca, ngakira kivi na ngevinga gwîka wanarî ûndû. Nwatî rîu nîngûrîra ta mûndûmûka arî na ûrûrû wa gûciara, nî ndeva na mbevûkîrîre na vinya.

Jeremia 20:9

Nînacokire ngiuga atî: “Ndikamûgweta, kana mbaria rîngî ngîgwetaga rîîtwa rîake,” ngororî yakwa îthagîrwa îgîakana ta mwaki, ûvingîrîtwe mavîndîrî makwa. Nîngeragia mûno ndûkaume kuo nwatî nînemagwa.

Zakaria 12:10

“Njiarwa cia Daudi na andû arîa matûûraga îtûûrarî rîa Jerusalemu nîngaamecûria roho wa kwîgucanîra ntha na wa kûvoya. Nao maaroria ûrîa maamundire, nîmakaamûcakaîra ta ûrîa mûndû acakaagîra mwana wa kîmomwe, na mamûrîrîre na ûrûrû mwîngî ta wa mûndû ûkûrîrîra îrikithathi rîakua.

Mathaayo 18:15

“Ethîrwa Mûrwanyûkwe nwa akûvîtîrie, thiî ûmwîre mavîtia make mûrî aîrî tu. Ke angîkûthikîrîria, nîmwacokanîrîra.

Ciîko 10:41

Ke ndoonekana nî andû onthe, nwatî oonekanire tu nî aira arîa Ngai aarîkîtie kûthuura. Na rîu, tue nîtue aira arîa maarîcanîre na makînyunyanîra nake arîkia kûriûkua.

Ciîko 7:13

Na rîrîa maathiîre kuo riita rîa kaîrî, Josefu nîwemenyithanirie kûrî aa mûrwang'ina, na andû a mûciî wa aa Josefu makîmenyekana nî mûthamaki wa Misiri.

1Akor 13:5

Wendani ndûrî rûng'athio na ndûcaragia tu wa ûrîa ûngîîguna. Wendani ndûrî marakara na ndûtaraga maûndû macûku marîa maanekwa.