Kîam 43:8 - ÎVUKU RÎA ÛVORO MWARO

⁸ Juda nîwerire îthe Isiraeli atîrî, “Tiga nthiî na kamwana na nîtûkûthiî narua nîguo gûtikagîe mûndû wa cietû ûgaakua nî yûra.

Kîam 43:8 ပူးပေါင်းရင်းမြစ်များ

Kîam 42:2

Nîregua atî Misiri kûrî na irio; ûkîrani mûthiî kuo mûkagûre irio nîguo tûtigakue nî yûra.”

Kîam 42:38

Nwatî Jakovu nîwaugire atîrî, “Tîmûthiî na mûvîcîwa, nîûndû mûrwang'ina nîwakwire. Benjamini nîke tu ndigîrîtwe. Avota kwona mûtino rûgendorî rûu mûthiîte na nwa ngue nîûndû wa kîeva na nî mûrona nîrî mûkûrû.”

Kîam 44:20

Nîtwagûcokerie atîrî, ‘Îî, tûrî na vava na nî mûkûrû na tûrî mûrwaiya wîngî na nîke kîvinga nda kîrîa vava aagîre na ûkûrû. Mûrwang'ina na mwanake ûcio nîwakwire na nîke tu ûtigarîte varî ng'ina mûmûciari. Îthe nîamwendete mûno.’

Kîam 44:26

Natue nîtwamwîrire atîrî, ‘Tîtûthiî nîûndû tûtingîtîkîrua twonane na Josefu tûtarî na mûrwaiya ûcio mûnini. Tûngîtîkîrua tûmwone ethîrwa nwa tûthiî na mwanake ûcio mûnini.’

Kîam 45:19

Meere makuue ikaari cia mbarathi kuuma Misiri cia gûkuua aka ao, twana tûrîa tûnini na maûke na îthe.

Kîam 50:21

Kwoguo mûtiagîrîrwe nî gwîtigîra. Nîngûthiî na mbere kûmûmenyerera wa vamwe na ciana cienyu.” Kwoguo Josefu nîwamaûmîrîrie wa rîngî na akîmarîria waro mûno.

Kîam 50:8

Andû a mûciî wa Josefu, aa mûrwang'ina na andû onthe a nyomba ya îthe nîmaathiîre vamwe na Josefu. Ciana, ng'ondu, mbûri na ng'ombe nîcio tu ciatigirwe vûrûrirî wa Gosheni.

2Atha 7:13

Ndungata îmwe yake nîyaugire atîrî, “Andû a îtûûra rîîrî magaakua wata andû arîa engî onthe a Isiraeli maakwire. Kwoguo tigani tûtûme arûme amwe mathiî na mbarathi ithano cia irîa ndigaru, nîguo makamenye ûrîa gwîkarîte.”

2Atha 7:4

Tûngiuga atî tûtonye îtûûrarî, nîtûgaakuîra kuo nî yûra, na twekara ava wanarîo nwa tûgaakua. Kwoguo tûthiîni kûrîa andû a Sîria matûûraga, matûûrage kana marege gûtûûraga.”

Ezira 8:21

Vakuvî na mûtaro wa manjî wa Ahava nînerire andû onthe twînyerekie na twînyivie mbere ya Ngai wetû na tûvoe. Nîtwavoire Ngai na tûkîmûria atûtongorie na atûgitîre rûgendorî rwetû tûrî vamwe na ciana na indo cietû cionthe.

Thaburi 118:17

Nie ndigaakua, nwatî nîngatûûra mwoyo, ngîanagîrîra ûrîa Ngai-Mûnene ekîte.

Ntha 20:12

“Tîîa aguo na nyûkwe, nîguo ûtûûre mîaka mîîngî vûrûrirî ûrîa Ngai-Mûnene, Ngai waku agûkûva.

Ndari 14:31

Nwatî ciana cienyu irîa mwaugire atî nîigaatavwa nîcio igaatonya vûrûri ûcio mwaregire, matûûre kuo na maûkenerere.

Gûco 33:6

Musa nîwaririe ûvoro wîgiî mûvîrîga wa Reubeni akiuga atîrî, “Mûvîrîga wa Reubeni ûrotûûra na ndûkathire, wana ethîrwa andû a guo tî eengî.”