Kîam 42:5 - ÎVUKU RÎA ÛVORO MWARO

⁵ Avîcî a Jakovu, vamwe na andû arîa engî nîmaathiîre kûgûra irio, nîûndû kwarî na yûra vûrûrirî wa Kanaani.

Kîam 42:5 ပူးပေါင်းရင်းမြစ်များ

Kîam 12:10

Nakuo kûu vûrûrirî wa Kanaani nîkwagîre na yûra rînene. Kwoguo Aburamu nîwathiîre Misiri gwîkara kuo.

Kîam 26:1

Vûrûrirî ûcio nîkwagîre na yûra rîngî tiga rîrîa rîarî kuo vîndî ya Iburahimu. Nîûndû wa ûguo, Isaka nîwathiîre Gerari kûrî Abimeleki mûthamaki wa Afilisiti.

Kîam 41:54

Nayo mîaka mûgwanja ya yûra nîyambîrîrie wata ûrîa Josefu aaugîte. Nîkwagîre na yûra mavûrûrirî monthe, nwatî Misiri kuonthe kwarî na irio.

Kîam 41:57

Andû kuuma nthî yonthe nîmaathiîcaga Misiri kûrî Josefu kûgûra irio nîûndû kwarî na yûra înene nthî yonthe.

2Sam 21:1

Vîndî îrîa Daudi aathanaga, nîkwagîre na yûra înene îvinda rîa mîaka îthatû. Kwoguo Daudi nîwavoire Ngai-Mûnene, nake Ngai-Mûnene akîmwîra atîrî, “Saûlo na andû a mûciî wake nîo matûmîte kûgîe na yûra nîûndû wa aûragani; nîmaûragithîtie andû a Gibeoni.”

Ciîko 11:28

Nake ûmwe gatagatîrî kao wetagwa Agabo, nîwarûngamire, na ke atethetue nî Roho nîwarathire akiuga atî nthî kuonthe nîgûkûgîa na yûra rînene. (Ûndû ûyû wekîkire vîndî ya wathani wa Kilaudio.)

Ciîko 7:11

Nîgwacokire gûkîgîa na yûra na andû makîthînîka mûno vûrûrirî wonthe wa Misiri na Kanaani namo methe metû ma tene magîtura irio.