Kîam 42:13 - ÎVUKU RÎA ÛVORO MWARO

¹³ Nao nîmaamwîrire atîrî, “Mwathi wetû, tue tûrî anake îkûmi na aîrî, tûrî a mûthuuri ûmwe wa vûrûri wa Kanaani. Mûrwaiya ûrîa mûnini matigirwe marî na vava mûciî na ûmwe ndarî vo nîwakwire.”

Kîam 42:13 ပူးပေါင်းရင်းမြစ်များ

Kîam 37:30

Nîwacokire kûrî aa mûrwang'ina na akîmeera atîrî, “Nînthiî kû, na Josefu ndarî îrimarî?”

Kîam 42:11

Tuonthe tûrî a îthe ûmwe na tûrî andû evokeku. Mwathi wetû, tûtirî athigani.”

Kîam 42:12

Nake Josefu nîwamerire atîrî, “Naarî! Mûkîte gûtuîria mwone varîa vûrûri wetû ûtarî na vinya.”

Kîam 42:14

Josefu nîwamerire wa rîngî atîrî, “Mue mûrî athigani wata ûrîa nîmwîrire.

Kîam 42:32

Tûrî anake îkûmi na aîrî a îthe ûmwe. Ûmwe wetû nîwakwire, na ûrîa mûnini arî Kanaani marî na vava.

Kîam 42:36

Nake Jakovu îthe wao nîwamaûririe atîrî, “Nîkwa mûrenda kûnthirîria ciana ciakwa cionthe? Josefu ndarî vo, Simeoni ndarî vo! Na rîu mûrenda kûthiî na Benjamini. Maûndû mama monthe nîmaratûma nthînîke!”

Kîam 42:38

Nwatî Jakovu nîwaugire atîrî, “Tîmûthiî na mûvîcîwa, nîûndû mûrwang'ina nîwakwire. Benjamini nîke tu ndigîrîtwe. Avota kwona mûtino rûgendorî rûu mûthiîte na nwa ngue nîûndû wa kîeva na nî mûrona nîrî mûkûrû.”

Kîam 43:29

Rîrîa Josefu oonire mûrwang'ina Benjamini, nîwaugire atîrî, “Kwoguo ûyû nîke mûrwanyûkwe ûrîa mûnini, ûrîa mwambîrire ûvoro wake? Mûvîcîwa, Ngai arokûrathima.”

Kîam 43:7

Nao nîmaamûcokerie atîrî, “Mûndû ûcio nîwatûririe maûndû matwîgiî na megiî mûciî wetû. Aatûragia atîrî, ‘Aguo arî mwoyo nginya rîu? Mûrî na mûrwanyûkwe wîngî?’ Nwanginya nîngîamûcokerie ciûria ciake. Tûngîamenyire na kî atî nîagûtwîra tûthiî na mûrwaiya?”

Kîam 44:20

Nîtwagûcokerie atîrî, ‘Îî, tûrî na vava na nî mûkûrû na tûrî mûrwaiya wîngî na nîke kîvinga nda kîrîa vava aagîre na ûkûrû. Mûrwang'ina na mwanake ûcio nîwakwire na nîke tu ûtigarîte varî ng'ina mûmûciari. Îthe nîamwendete mûno.’

Kîam 44:28

ûmwe nîwandigire, na nwanginya ethîrwe aarîrwe nî nyamû cia kîthaka nîûndû kuuma rîrîa aathiîre, ndianamwona.

Kîam 45:26

Nao nîmeerire îthe atîrî, “Josefu arî wa mwoyo na nîke ûrathana vûrûri wonthe wa Misiri.” Jakovu nîwatemûkire nîûndû ndeetîkagia.

Jeremia 31:15

Ngai-Mûnene arauga atîrî, “Mûgambo nîweguirwe Rama, wa macakaya na kîrîro kînene. Nî Rakeli ûrarîrîra ciana ciake, na nîararega kûmîrîrua, nîûndû itiarî vo.”

Maca 5:7

Methe metû mevirie na rîu matirî vo, na rîu tûraverithua nîûndû wa mevia mao.

Mathaayo 2:16

Vîndî îrîa Herode aamenyire atî nîwaveenirue nî andû acio maarî na ûgî wa njata, nîwarakarire mûno. Nîwacokire akîathana atî twana twa tûvîcî tuonthe, tûrîa twarî kûu îtûûrarî rîa Bethilehemu vamwe na matûûrarî marîa maariganîtie nakuo, tûûragwe. Twana tûrîa aaugire tûûragwe nî tûrîa twarî na ûkûrû wa kuuma mîaka îîrî gûcoka na nthî. Ekire ûguo kûringana na kavinda karîa ke eerîtwe nî andû arîa maarî na ûûgî wa njata atî njata nîyonekire.

Mathaayo 2:18

“Andû nîmegwire mûgambo wa mûndû warîraga arî îtûûrarî rîa Rama. Nî Rakeli warîragîra ciana ciake; ke ndeendaga mûndû wana ûrîkû amûmîrîria nîûndû ciana ciake ciarî nguû.”