Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kîam 41:8 - ÎVUKU RÎA ÛVORO MWARO

8 Kîraûko, mûthamaki aarî mûtangîku mûno ngororî yake. Kwoguo nîwatûmanîre aringi ciama onthe na andû onthe aûgî a vûrûri wa Misiri. Mûthamaki nîwamerire iroto irîa aarotete, nwatî gûtirî mûndû wavotire gûitaûra.

အခန်းကိုကြည့်ပါ။ ကော်ပီ




Kîam 41:8
39 ပူးပေါင်းရင်းမြစ်များ  

Rîrîa Josefu aathiîre kûrî o kîraûko, nîwonire marî na ûndû wamathînagia.


Nao nîmaamwîrire atîrî, “Tûrarotire na tûtirî na mûndû wa gûtûtaûrîra iroto icio cietû.” Josefu nîwamerire atîrî, “Ngai tîke ûvecanaga ûvoti wa gûtaûra iroto. Namûthaitha mûmbîre iroto cienyu.”


Nake mûthamaki nîwerire Josefu atîrî, “Nînîrarotire kîroto na gûtirî mûndû ûngîvota gûgîtaûra. Nîmbîguîte ûvoro waku atî ûkerwa kîroto nwa ûgîtaûre.”


Igira icio mûgwanja ciarî njeke nîciameririe icio mûgwanja ciarî mbaro. Nînîrerire aringi ciama ûvoro ûcio, nwatî gûtirî ûravotire kûndaûrîra iroto icio.”


Nacio igira icio mûgwanja ng'înju nîciameririe igira irîa ciarî mbaro na ciecûrîtie ngano. Mûthamaki nîwaramûkire na akîmenya atî nîkwa aarotaga.


Ngai-Mûnene nî mûrata wa arîa mamwathîkagîra, na nîamaririkanagia kîrîkanîro.


Nake mûthamaki nîwetire andû ake arîa aûgî na aringi ciama. Nao nîmaaringire ciama wata Aroni.


Nao andû arîa maarî na ûûgî wa kûringa ciama a mûthamaki nîmaaringire ciama wanao. Nake mûthamaki nîwaûmirie ngoro wata mbere. Mûthamaki nîwaregire kûthikîrîria Musa na Aroni.


Nwatî andû arîa maringaga ciama nîmaaringire ciama wa nao na magîtûma ciûra igîe kûu vûrûrirî wa Misiri.


Nao andû arîa maarî na ûûgî wa kûringa ciama a Misiri matianavota kûrûngama mbere ya Musa nîûndû maarî na mavûva, wata andû acio engî a Misiri.


Nîngaathiria ûrûme wa andû a Misiri, na njûkangie mîvango yao. Nîmakaaûria ûtaaro kûrî mîvuanano na aringi ciama, na kûrî ago na arogi.


Kwoguo, nîngeka andû aya maûndû ma kûmakania, maûndû ma kûgegania na ma kûmakania. Naguo ûûgî wa andû ao arîa aûgî nîûkaathira, na ûmenyo wa andû ao arîa amenyi ûgaatuîka wa mana.”


Andû nîmakaamwîra atîrî, “Thiîni mûkaûrie ûvoro kûrî ago na oni maûndû arîa maragia na tûmîgambo tûceke.” Nîmakaamwîra atîrî, “Nwanginya metagie ûtaaro kûrî arîa akuû vandûrî va arîa marî mwoyo?”


Maûndûrî monthe megiî ûûgî na ûtaûki marîa mûthamaki angîendire kûmenya kuumana nao, nîwonire marî aro maita meengî mûno gûkîra aragûri kana aringi mbûgû, arîa maarî kûrîa kuonthe aathanaga.


Gîkî nîkîo kîroto gîakwa, nie Mûthamaki Nebukadinezarû. Rîu, we Beliteshazaru, ndaûrîra kîroto gîkî, nîûndû arûme onthe arîa marî na ûûgî ûthamakirî wakwa nîmaaremirwe nî kûndaûrîra kîo, nwatî we nîûkûvota nîûndû roho wa ngai irîa ntheru arî vamwe nawe.


Rîrîa Danieli ûrîa wîtagwa Beliteshazaru eeguire ûguo, nîwamakire na agîtangîka mûno meciriarî make. Kwoguo mûthamaki nîwamwîrire atîrî, “Danieli, ndûkathînîke nîûndû wa kîroto, kana nîûndû wa ûrîa kiugîte.” Nwatî Beliteshazaru nîwamûcokerie atîrî, “Mwathi wakwa, kîroto gîkî na ûrîa kiugîte kîroethîrwa kîgiî arîa makûmenete na nthû ciaku.


nînarotire kîroto Kîammbîgwithirie guoya; na nîrî ûrîrî, nînonire cioneki ciamakirie mûno.


Kwoguo nînathanire atî, andû onthe aûgî a Babuloni maindwe varî nie nîguo mandaûrîre kîroto kîu.


Kwoguo arogi, aringi ciama, oni na andû arîa aûgî, nîmaaûkire, na ngîmeera kîroto gîakwa, nwatî matiavota kûndaûrîra.


Gûkû vûrûrirî ûyû wathanaga kûrî na mûndû ûrî na Roho wa ngai irîa ntheru. Kuuma vîndî îrîa aguo aarî mûthamaki, mûndûmûrûme ûyû nîwonanirie wara, ûtaûku na ûûgî mwîngî ta wa ngai. Aguo, mûthamaki Nebukadinezarû nîwamûtwire mûtongoria wa aragûri, arogi, aringi ciama na andû maarî na ûûgî wa njata.


“Ûcio nîguo mûthiia wa maûndû marîa nonire. Nie Danieli, nînathînîkire mûno ngororî na ngîtukia kîthithi, nwatî nînaigire maûndû mau monthe ngororî yakwa.”


“Nie Danieli nînathirirwe nî vinya ngoro na ngîrwara mîthenya mîngî. Nînaacokire ngîvora na ngîcoka wîrarî ûrîa naveetwe nî Mûthamaki. Nînamakire mûno nîûndû wa kîoneki kîu na ndiavota gûtaûkîrwa nî kîo.


“Mûtikathiî kûria ûtethio kûrî ago kana oni maûndû. Mweka ûguo, nî mûkaagwatua mîgiro nî o. Nie nînie Ngai-Mûnene, Ngai wenyu.


“Mûndû angîkaathiî kûria ûtethio kûrî ago na oni maûndû na arege kwîthîrwa arî mwîvokeku kûrî nie, nî ngaamûverithia na nîmwamûranie na andû akwa.


Mbîgucaga ûguo ngamakania, mîromo yakwa îkainaina nî guoya, mavîndî makwa makagondoka, magûrû makwa makainaina. Nîmbetererete ngirîrîrîtie mûthenya ûcio wa mûthiro, ûrîa ûgaûka kûrî andû arîa matûtharîkagîra.


Jesû aaciarîrwe îtûûrarî rîa Bethilehemu, vûrûrirî wa Judea vîndî îrîa Herode aathanaga kuo. Na vîndî îrîa aaciarirwe andû arîa maarî na ûgî wa njata, arîa maaumîte mwena wa îrathîro nîmaakinyire Jerusalemu


Nao arimû amwe arîa meendete mûno ûûgî wa Epikurio na Sitoiki wa nao nîmaakararanirie nake. Amwe gatagatîrî kao nîmaaûririe atîrî, “Mûvûmbûtîki ûyû arageria kuga atîa?” Nao engî gatagatîrî kao nîmaaugire atîrî, “Ke aronekana takwa arî mûvunjia wa ngai ng'eni.” O maaugire ûguo nîûndû Paûlo nîwavunjagia ûvoro wîgiî Jesû na wîgiî kûriûka.


Nake Musa nîwarerirwe na ûûgî wonthe wa andû a Misiri na agîtuîka mûndû warî na ûvoti mwîngî wa kwaria na wa gwîka maûndû.


Mandîko matheru maugîte atîrî: “Nie nîngaacûkangia ûûgî wa andû arîa aûgî, na njûkangie wara wa andû arîa ara.”


Afilisiti nîmeetire athînjîri-ngai ciao na aragûri na makîmaûria atîrî, “Nîtwîka atîa na îthandûkû rîa Kîrîkanîro rîa Ngai-Mûnene? Ta twîreni nîtûrîcokia kûrîa riumîte na ndûî?”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ