Kîam 41:40 - ÎVUKU RÎA ÛVORO MWARO

⁴⁰ We nîwe ngûtua mûrûngamîrîri wa vûrûri wakwa. Andû onthe akwa magekaga ûrîa wathana. Gûtirî mûndû wîngî ûkethagîrwa arî mûnene gûgûkîra tiga nie.

Kîam 41:40 ပူးပေါင်းရင်းမြစ်များ

Kîam 39:9

Gûtirî mûndû wîngî mûnene kûngîra mûciî ûyû, na gûtirî kîndû angirîtie tiga we, nîûndû wî mûka. Nie ndingîka ûndû wa waganu mûnene ta ûyû nîûndû nî wîvia kûrî Ngai.”

Kîam 44:18

Juda nîwathiîre kûrî Josefu na akîmwîra atîrî, “Mwathi wakwa, nakûthaitha ûmbîtîkîrie mbarie nawe nie ndungata yaku, na ndûkarakare nîûndû wakwa. Nîmbicî we ûrî na ûvoti ta wa mûthamaki wa Misiri ke mwene.

Kîam 45:26

Nao nîmeerire îthe atîrî, “Josefu arî wa mwoyo na nîke ûrathana vûrûri wonthe wa Misiri.” Jakovu nîwatemûkire nîûndû ndeetîkagia.

Esita 10:3

Moridekai aarî wa kaîrî wathanirî kuuma kûrî mûthamaki Ahasuerusi. Aarî mûtîîe mûno na akendwa nî Ayahudi arîa engî. Nîwarutaga wîra mwaro mûno kûrî andû ake nîguo magîe na ûtûûro mwaro na njiarwa ciake cionthe ciîthagîrwe irî na thayû.

Esita 3:1

Vuva wa maûndû mau, mûthamaki Ahasuerusi nîwanenevirie Hamani mûvîcî wa Hamedatha, wa rûciaro rwa Agagi akîmûtua mûnene wa atongoria onthe a thirikari.

Ayubu 31:27

na ngoro yakwa îgucîrîrue nîguo nîigooce; na nîciînamîrîre nîive gîtîîo ta irî Ngai,

Thaburi 2:12

mûgooceni mwînyivîtie, nîguo ndakarakare na îvenya, mûkua mûtakinyitie. Kûrathimwa nî andû onthe arîa mathiîcaga kûrî Ngai amagitîre.

Nthi 22:29

Nîkûrî na mûndû mwara wîrarî wake? Ûcio nîagaatungatîra athamaki, ndagaatungatîra andû matarî îgweta.

Danieli 5:29

Na wa rîmwe Belishazaru nîwathanire Danieli ekîrwe nguo ya ûthamaki ya rangi wa njambarawe, na ekîrwe mûkathî wa thaavu ngingo. Nîwacokire akîanîrîra, atî Danieli nîke mûtongoria wa kathatû ngathîrî ya wathani.

Danieli 6:3

Wîra wa Danieli nîwonekire ûrî mwaro mûno gûkîra wa arûngamîrîri na anene acio engî onthe, nîûndû ethagîrwa arî na ngoro mbaro. Kwoguo mûthamaki nîwamûtwire mûrûngamîrîri wa vûrûri wonthe.

Ciîko 7:10

na nîwamûtethûrire mathînarî mau make monthe. Josefu aarî mûve ûûgî mwîngî mûno nî Ngai arî mbere ya mûthamaki. Kwoguo mûthamaki wa Misiri nîwamûtuire mûnene wa vûrûri wa Misiri na akîmûva wîra wa kûrûngamîrîra andû onthe a mûciî wake.

1Sam 10:1

Nake Samueli nîwocire kanyûngû karî na maguta na agîtîrîria Saûlo maguta mau kîongorî gîake, akîmûmumunya, na akiuga atîrî, “Ngai-Mûnene nîagwîtîrîrîtie maguta nîguo ûtuîke mûthamaki wa andû ake a Isiraeli. We nîûgatongoria andû ake na ûmagitîre kuuma kûrî nthû ciao cionthe. Naguo ûndû ûrîa ûgakwonia nama atî Ngai-Mûnene nîakûthuurîte nîguo ûtuîke mûthamaki wa andû ake nî atî: