Kîam 41:30 - ÎVUKU RÎA ÛVORO MWARO

³⁰ Nwatî vuva wa ûguo nîgûkethîrwa na mîaka îngî mûgwanja ya yûra. Narîo yûra rîu nîrîkaaneneva mûno vûrûrirî wonthe wa Misiri na andû mariganîrwe nî maketha marîa methîrîtwe namo.

Kîam 41:30 ပူးပေါင်းရင်းမြစ်များ

Kîam 41:21

Nwatî wana ciairîa gûtirî mûndû ûngîamenyire atî ciarî ndîu kîndû, nîûndû ciagînjîte wata mbere. Nînacokire ngîramûka.

Kîam 41:27

Ng'ombe icio mûgwanja ng'înju na njûku irîa iraumîte rûnjîrî irûmîrîrîte icio ciîngî, na igira icio mûgwanja njeke na mvîvie nî rûkûngi rwa werû, nî mîaka mûgwanja ya yûra.

Kîam 41:31

Yûra nî rîkethîrwa rîrî îcûku mûno nginya andû mariganîrwe nî mîaka îrîa yarî ya maketha vûrûrirî ûcio.

Kîam 41:51

Kaana ka mbere gaciarwa, Josefu nîwaugire atîrî, “Ngai nîatûmîte ndiganîrwe nî mathîna makwa na ndiganîrwe nî andû etû.” Kwoguo nîwatuîrîre kana kau rîîtwa Manase.

Kîam 41:54

Nayo mîaka mûgwanja ya yûra nîyambîrîrie wata ûrîa Josefu aaugîte. Nîkwagîre na yûra mavûrûrirî monthe, nwatî Misiri kuonthe kwarî na irio.

Kîam 41:56

Yûra nîrîanenevire na rîgîtamba vûrûrirî wonthe, kwoguo Josefu nîwavingûrire makûmbî monthe na akîenderia andû a Misiri irio.

Kîam 47:13

Narîo yûra nîrîanenevire, na kûndû kuonthe gûgîtura irio. Andû a vûrûri wa Misiri na wa Kanaani nîwanyamarîkire nîûndû wa yûra rîu.

2Sam 24:13

Gadi nîwathiîre kûrî ke, akîmwîra ûrîa Ngai-Mûnene aaugîte na akîmûria atîrî, “Ûrenda ûndû ûrîkû? Kûgîe yûra îvinda rîa mîaka îthatû vûrûrirî waku, ûûre nî nthû ciaku ikûvinyûrîtie mîeri îthatû kana kûgîe na mûthiro mîthenya îthatû vûrûrirî wonthe. Rîu îîcirie na ûmbîre ûrîa ngûthiî kwîra Ngai-Mûnene.”

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

2Atha 8:1

Elisha nîwerîte mûndûmûka ûrîa watûûraga Shunemu, ûrîa aariûkîtie mûvîcî atîrî, “Ûkîra mûrî na andû a nyomba yaku na mûthiî kûndû kwîngî, nîûndû Ngai-Mûnene nîagûtûma kûgîe na yûra vûrûrirî îvinda rîa mîaka mûgwanja.”

Thaburi 105:16

Ngai-Mûnene nîwatûmire kûgîe na yûra vûrûrirî wao, na agîcûkangia irio ciao cionthe.

Nthi 31:7

Tiga manyue nîguo mariganîrwe nî ûthîni wao, matigacoke kûririkana rîngî mathîna mao.

Isaia 65:16

Kwoguo, mûndû wa wonthe vûrûrirî wenyu ûrîa ûkenda kûrathimwa, akaathiîcaga kûrathimwa nî Ngai ûrîa wa ma. Nake mûndû wa wonthe ûkevîtaga, akevîtaga akîgwetaga rîîtwa rîa Ngai ûrîa wa ma; nîûndû mathîna marîa makûrû nîmakaariganîra na ndikamaririkana rîngî.”

Luka 4:25

Jesû nîwerire andû acio atîrî, “Taririkanani ûrîa gwekîkire vîndî ya Elija, rîrîa gwekarire mîaka îthatû na nuthu gûtakuura mbura, na gûkîgîa yûra rînene mûno vûrûrirî wonthe wa Isiraeli. Nîramwîra na ma atî kwarî na aka eengî a ndigwa,

Jakuvu 5:17

Elija aarî mûndû wa tatue. Nîwavoire arî na kîîo atî gûtikaure na gûtiaura mbura gûkû nthî kwa îvinda rîa mîaka îthatû na nuthu.