Kîam 41:25 - ÎVUKU RÎA ÛVORO MWARO

²⁵ Josefu nîwerire mûthamaki atîrî, “Iroto icio cioîrî irauga ûndû ûmwe. Ngai nîakûguûrîrîtie ûrîa agerie gwîka.

Kîam 41:25 ပူးပေါင်းရင်းမြစ်များ

Kîam 40:8

Nao nîmaamwîrire atîrî, “Tûrarotire na tûtirî na mûndû wa gûtûtaûrîra iroto icio cietû.” Josefu nîwamerire atîrî, “Ngai tîke ûvecanaga ûvoti wa gûtaûra iroto. Namûthaitha mûmbîre iroto cienyu.”

Kîam 41:16

Nake Josefu nîwacokerie mûthamaki wa Misiri atîrî, “Nie ndingîvota gûtaûra, nwatî Ngai nîagûkûva ûtaûri mwagîrîru.”

Kîam 41:26

Ng'ombe mûgwanja icio mbaro nî mîaka mûgwanja, na igira icio mûgwanja cia ngano mbaro, wana yo nî mîaka mûgwanja. Kwoguo iroto icio irauga ûndû ûmwe.

Kîam 41:28

Ûguo nwa ta ûrîa ngwîrire atî Ngai nîakûguûrîrîtie ûrîa agerie gwîka.

Kîam 41:32

Ûvoro ûcio wa gûcokera kîroto maita maîrî nî wa kwonania atî Ngai nîke ûtuîte gwîkare ûguo na agerie kûvingia ûndû ûcio.

Thaburi 98:2

Ngai-Mûnene nîonanîtie ûvootani wake, nîonanîtie vinya wake wa kûvonokania kûrî ndûrîrî.

Ntha 9:14

Vîndî îno ngaakûverithia, ndûme îvera kûrî anene aku na kûrî andû aku. Nawe nîûkaamenya atî gûtirî wîngî wîkariî tanie nthî yonthe.

Isaia 43:9

Andû onthe a ndûrîrî nîmacokanîrîre vamwe, andû onthe nîmagomane vamwe. Nî ûrîkû gatagatîrî kao ûngîvota kwanîrîra maûndû mama? Na atwonie maûndû marîa marekîka rîu? Nîmarete aira ao a kwonania atî nî ûma, tiga andû arîa makûthikîrîria mauge atî, ‘Ûcio nî ûvoro wa ma.’ ”

Danieli 2:45

Nîwonire ûrîa îthiga rîavarûkire kuuma nguvarî rîtavutîtue nî mûndû, na ûkîona ûrîa rîaringire mûvuano ûcio wa cuuma, gîcango, yûmba, sîlûva na thaavu. Ngai ûrîa mûnene nîakûmenyithîtie we mûthamaki, maûndû marîa magekîka vuvarî. Kîrooto gîkî nî Kîam ma na ûguo nagîtaûra nî ûvoro wa ma.”

Danieli 2:47

Mûthamaki nîwaugire atîrî, “Nama Ngai waku nî Ngai wa ngai irîa ciîngî, na Mwathani wa athamaki onthe. Nîke ûguûragia maûndû marîa marî nthithorî, nîûndû we nîûvotete gûtaûra nthitho îno.”

Amosi 3:7

Nama gûtirî ûndû Ngai-Mûnene Mwene Vinya wonthe ekaga, ataûguûrîrîtie arathi ndungata ciake.

Mathaayo 24:40

Vîndî îo andû aîrî nîmakeethîrwa marî mûgûndarî. Ûmwe nîagocwa, ûcio wîngî atigwe.

Maariko 13:23

Kwoguo îîmenyagîrîreni nîûndû nie nînamwîra maûndû mama mbere ya mekîke.

Aefeso 1:17

Mvoyaga Ngai wa Mwathani wetû Jesû Kristû, ûrîa arî ke Îthe wetû ûrî riiri amûve Roho ûrîa ûgûtûma mûvîge na ûkûmûguûrîria Ngai nîguo mûmûmenye waro.

Josh 11:6

Ngai-Mûnene nîwerire Joshua atîrî, “Ndûgetigîre nîûndû wao. Rûciû thaa ta ino nîngethîrwa mbûragîte athigari aya onthe nîûndû wa andû a Isiraeli. Nawe nîûgaatemanga mîkiva ya magûrû ma mbarathi nîguo iremwe nî kûthiî na ûcoke ûvîvie ikaari cia mbarathi.”

Kûguû 4:1

Vuva wa ûguo nie nînagîre na kîoneki kîngî, nînoonire mûrango ûrî mûvingûre kûu îgûrû. Naguo mûgambo wa ûrîa neguîte ûkîmbarîria na mûgambo ta wa karumbeta, nîwambîrire atîrî, “Unûkia ûûke ava, nanie nîngûkwonia maûndû marîa mageekîka vuvarî.”