Kîam 41:16 - ÎVUKU RÎA ÛVORO MWARO

¹⁶ Nake Josefu nîwacokerie mûthamaki wa Misiri atîrî, “Nie ndingîvota gûtaûra, nwatî Ngai nîagûkûva ûtaûri mwagîrîru.”

Kîam 41:16 ပူးပေါင်းရင်းမြစ်များ

Kîam 37:14

Îthe nîwamwîrire atîrî, “Thiî ûkone kana aa mûrwanyûkwe nî aro wa vamwe na mbûri na ng'ondu, ûcoke ûke ûmbîre.” Jakovu nîwatûmire Josefu kuuma Kîamndarî Kîam Heburoni. Nake Josefu nîwakinyire Shekemu.

Kîam 40:8

Nao nîmaamwîrire atîrî, “Tûrarotire na tûtirî na mûndû wa gûtûtaûrîra iroto icio cietû.” Josefu nîwamerire atîrî, “Ngai tîke ûvecanaga ûvoti wa gûtaûra iroto. Namûthaitha mûmbîre iroto cienyu.”

Kîam 41:17

Mûthamaki nîwacokire akîra Josefu atîrî, “Nie nîrarotire ngîona nûngamîte rûtere rwa rûnjî rwa Nailo.

Kîam 41:25

Josefu nîwerire mûthamaki atîrî, “Iroto icio cioîrî irauga ûndû ûmwe. Ngai nîakûguûrîrîtie ûrîa agerie gwîka.

Kîam 41:28

Ûguo nwa ta ûrîa ngwîrire atî Ngai nîakûguûrîrîtie ûrîa agerie gwîka.

2Atha 6:27

Nake mûthamaki nîwamwîrire atîrî, “Ethîrwa Ngai-Mûnene tîagûtethia, nie nîngîgûtethia na ndûî? Ndirî na ngano kana ndivei.”

Danieli 2:47

Mûthamaki nîwaugire atîrî, “Nama Ngai waku nî Ngai wa ngai irîa ciîngî, na Mwathani wa athamaki onthe. Nîke ûguûragia maûndû marîa marî nthithorî, nîûndû we nîûvotete gûtaûra nthitho îno.”

Danieli 4:2

Nîmonete arî ûndû mwaro nîmûmenyithie ciama na morirû marîa Ngai ûrîa ûrî îgûrû ambîkîrîte.

Zakaria 4:6

Nake mûraika ûcio nîwambîrire nginyîrie Zerubabeli ndûmîrîri îno yumîte kûrî Ngai-Mûnene mwene vinya wonthe nîmwîre atîrî, “Ndûkaavootana nîûndû wa vinya kana ûvoti waku, nwatî ûkaavotithua nî Roho wakwa.”

Ndari 12:6

Ngai-Mûnene, nîwamerire atîrî, “Tanthikîrîriani! Rîrîa kûrî na arathi gatagatîrî kenyu, nie nîîmenyithanagia kûrî o na njîra ya cioneki na ngamarîria na njîra ya iroto.

Luka 19:42

akiugaga atîrî, “Naarî kethîrwa mwamenya maûndû marîa marendekana ûmûnthî nîûndû wa thayû! Nwatî rîu mûtiravota kûmona!

Ciîko 3:12

Rîrîa Petero oonire andû acio, nîwamerire atîrî: “Mue andû etû a Isiraeli, ûndû ûyû ûmûmakîtie nîkî? Mûtûroretie na vinya ûguo nîkî? Nîkwa mûreciria atî nî vinya kana ûngai wetû ûtûmire mûndû ûyû athiî na magûrû?

Ciîko 3:7

Nake Petero nîwamûnyitire njara yake ya ûrîo na akûmûtethereria gûkîra. Na wa rîmwe makinyo make na nthûng'wa nîciagîîre vinya.

1Akor 15:10

Nwatî wega wa Ngai nîguo ûtûmîte nduîke ûrîa nie nîrî, na wega ûrîa ke aamveere ndwarî wa mana. Vandû va ûguo nîndutîte wîra na vinya mûno gûkîra atûmwa arîa engî onthe, wana ethîrwa na ma nie tînie naûrutire, nwatî nî wega wa Ngai ûrîa wîthagîrwa ûrî vamwe nanie waûrutire.

2Akor 3:5

Tûtirauga atî tûrî na ûvoti wa kûruta wîra ûyû. Ngai nîke ûtûvotithagia kûruta wîra ûrîa wonthe tûrutaga.

Gûco 29:29

“Maûndû ma nthitho nî ma Ngai-Mûnene Ngai wetû, nwatî maûndû marîa aguûranîrîtie nî metû vamwe na njiarwa cietû, nîguo tûtûûre tûvingagia mawatho make monthe tene na tene.”