Kîam 41:15 - ÎVUKU RÎA ÛVORO MWARO

¹⁵ Nake mûthamaki nîwerire Josefu atîrî, “Nînîrarotire kîroto na gûtirî mûndû ûngîvota gûgîtaûra. Nîmbîguîte ûvoro waku atî ûkerwa kîroto nwa ûgîtaûre.”

Kîam 41:15 ပူးပေါင်းရင်းမြစ်များ

Kîam 40:8

Nao nîmaamwîrire atîrî, “Tûrarotire na tûtirî na mûndû wa gûtûtaûrîra iroto icio cietû.” Josefu nîwamerire atîrî, “Ngai tîke ûvecanaga ûvoti wa gûtaûra iroto. Namûthaitha mûmbîre iroto cienyu.”

Kîam 41:8

Kîraûko, mûthamaki aarî mûtangîku mûno ngororî yake. Kwoguo nîwatûmanîre aringi ciama onthe na andû onthe aûgî a vûrûri wa Misiri. Mûthamaki nîwamerire iroto irîa aarotete, nwatî gûtirî mûndû wavotire gûitaûra.

2Maû 26:5

Uzia nîwathîkagîra Ngai mavinda marîa Zekaria aarî mwoyo, nîûndû nîwarûmagîrîra maûndû marîa aataaragwa nî Zekaria megiî kwathîkîra Ngai. Nake Ngai-Mûnene nîwatûmire athatûkwe maûndûrî make.

Thaburi 25:14

Ngai-Mûnene nî mûrata wa arîa mamwathîkagîra, na nîamaririkanagia kîrîkanîro.

Danieli 2:3

Nake Mûthamaki nîwamerire atîrî, “Nîragîre na kîroto na nîkînthînîtie, na rîu nîrenda kûmenya ûrîa kiugîte.”

Danieli 4:18

Gîkî nîkîo kîroto gîakwa, nie Mûthamaki Nebukadinezarû. Rîu, we Beliteshazaru, ndaûrîra kîroto gîkî, nîûndû arûme onthe arîa marî na ûûgî ûthamakirî wakwa nîmaaremirwe nî kûndaûrîra kîo, nwatî we nîûkûvota nîûndû roho wa ngai irîa ntheru arî vamwe nawe.

Danieli 4:9

Beliteshazaru, mûnene wa aringi ciama, nie nîmbicî atî wîthagîrwa ûrî na roho kuuma kûrî ngai irîa ntheru na gûtirî nthitho ûtaicî; rîu ta ndaûrîra kîoneki kîrîa nonire na njîra ya kîroto.

Danieli 5:12

Ke arî na ûvoti wa mwanya na wara mwîngî wa gûtaûra iroto, gûtaûra ndaî, na arî na ûvoti wa kûthiria mathîna. Rîîtwa rîa mûndû ûcio nî Danieli, nwatî mûthamaki aamwîtire Baliteshazaru. Mwîte na nîagûgûtaûrîra mandîko mama.”

Danieli 5:14

Nîmbîguîte atî roho wa ngai irîa ntheru arî ndaarî yaku, na atî ûrî na wara, ûmenyo na ûûgî.

Danieli 5:16

Nwatî nîmenyithîtue atî we nwa ûvote gûtaûra maûndû wana gûtaûra ndaî. Kwoguo, ethîrwa nîûkûvota kûthoma mandîko mama na ûmbîre ûrîa maugîte, nîûgekîrwa nguo cia ûthamaki cia rangi wa njambarawe, na wîkîrwe mûkathî wa thaavu ngingo na wîthîrwe ûrî wa kathatû ngathîrî ya ûthamaki.”