Kîam 40:8 - ÎVUKU RÎA ÛVORO MWARO

⁸ Nao nîmaamwîrire atîrî, “Tûrarotire na tûtirî na mûndû wa gûtûtaûrîra iroto icio cietû.” Josefu nîwamerire atîrî, “Ngai tîke ûvecanaga ûvoti wa gûtaûra iroto. Namûthaitha mûmbîre iroto cienyu.”

Kîam 40:8 ပူးပေါင်းရင်းမြစ်များ

Kîam 40:9

Kwoguo mûmenyereri wa ndivei ya mûthamaki nîwerire Josefu atîrî, “Kîrotorî gîakwa nîronire mûthavibu mbere yakwa.

Kîam 41:25

Josefu nîwerire mûthamaki atîrî, “Iroto icio cioîrî irauga ûndû ûmwe. Ngai nîakûguûrîrîtie ûrîa agerie gwîka.

Ayubu 33:23

Nwatî mûraika angîthîrwa vakuvî nake mûraika ûmwe gatagatîrî ka araika ake ngiri, wa kûmûririkanagia ûrîa agîrîrwe nî gwîka.

Thaburi 25:14

Ngai-Mûnene nî mûrata wa arîa mamwathîkagîra, na nîamaririkanagia kîrîkanîro.

Isaia 8:19

Andû nîmakaamwîra atîrî, “Thiîni mûkaûrie ûvoro kûrî ago na oni maûndû arîa maragia na tûmîgambo tûceke.” Nîmakaamwîra atîrî, “Nwanginya metagie ûtaaro kûrî arîa akuû vandûrî va arîa marî mwoyo?”

Danieli 2:11

Maûndû marîa we Mûthamaki wetû ûraûria nî maûmû mûno na gûtirî mûndû ûngîkwîra mo tiga ngai irîa itatûûranagia na andû.”

Danieli 2:27

Nake Danieli nîwacokerie mûthamaki atîrî, “Mûthamaki, gûtirî mûrogi, mûringi ciama, oni kana aûgî a njata mangîkwîra maûndû mau mûthamaki aûria.

Danieli 2:28

Nwatî îgûrû, kûrî Ngai ûrîa ûguûragia maûndû marîa marî nthithorî, na nîaguûrîrîtie Mûthamaki Nebukadinezarû ûrîa gûkethîrwa gwîkariî vuvarî. Kîroto na cioneki irîa warî nacio rîrîa wamamiî nî îno:

Danieli 2:3

Nake Mûthamaki nîwamerire atîrî, “Nîragîre na kîroto na nîkînthînîtie, na rîu nîrenda kûmenya ûrîa kiugîte.”

Danieli 2:47

Mûthamaki nîwaugire atîrî, “Nama Ngai waku nî Ngai wa ngai irîa ciîngî, na Mwathani wa athamaki onthe. Nîke ûguûragia maûndû marîa marî nthithorî, nîûndû we nîûvotete gûtaûra nthitho îno.”

Danieli 4:8

Nwatî vîndî wa îo Danieli nîwatonyire mbere yakwa, (ûrîa na rîîtwa rîngî etagwa Baliteshazaru, rîîtwa rîa ngai yakwa. Ke aarî na roho kuuma kûrî ngai irîa ntheru) na nînaamwîrire kîroto gîakwa atîrî,

Danieli 5:16

Nwatî nîmenyithîtue atî we nwa ûvote gûtaûra maûndû wana gûtaûra ndaî. Kwoguo, ethîrwa nîûkûvota kûthoma mandîko mama na ûmbîre ûrîa maugîte, nîûgekîrwa nguo cia ûthamaki cia rangi wa njambarawe, na wîkîrwe mûkathî wa thaavu ngingo na wîthîrwe ûrî wa kathatû ngathîrî ya ûthamaki.”

Amosi 3:7

Nama gûtirî ûndû Ngai-Mûnene Mwene Vinya wonthe ekaga, ataûguûrîrîtie arathi ndungata ciake.