Kîam 40:19 - ÎVUKU RÎA ÛVORO MWARO

¹⁹ Mîthenya îthatû îkîthira, mûthamaki nîagaakûruta njeera na akûrengithie kîongo! Agaacoka agûcurie mûtîrî, nacio iconi nîikaarîa nyama cia mwîrî waku.”

Kîam 40:19 ပူးပေါင်းရင်းမြစ်များ

Kîam 40:13

Mîthenya îthatû îkîthira, mûthamaki wa Misiri nîagûkûruta njeera, akwovere na agûcokie wîrarî waku. Nawe ûgacoka kûnengagîra mûthamaki gîkombe wata ûrîa watwîre wîkaga rîrîa warî mûmenyereri wa ndivei yake.

Kîam 40:17

Gîkavu kîrîa kîrarî îgûrû nîkîo kîrarî na mîgate ya mîthemba yonthe îrîa îrugagîrwa mûthamaki. Nacio iconi nîirarîcaga mîgate îo.”

Kîam 40:18

Josefu nîwamwîrire atîrî, “Kîroto kîu gîaku kîrauga û: Ikavu icio ithatû nî mîthenya îthatû.

Kîam 40:20

Mûthenya wa kathatû kuuma vîndî îo, warî wa gûkûngûîra gûciarwa kwa mûthamaki wa Misiri. Kwoguo nîwarûthîre ndungata ciake cionthe kîrugo. Nîwarutire mûnene wa amenyereri ndivei vamwe na mûnene wa arugi mîgate njeera, na akîmavira mbere ya ndungata ciake.

Kîam 40:22

na agîcuria mûnene wa arugi mîgate, wata ûrîa Josefu aamataûrîrîte iroto ciao.

Kîam 41:13

Na wa ûrîa aatûtaûrîre, nwa guo gwatuîkaga. Nînaacokirue wîrarî wakwa, nake mûrugi wa mîgate agîcurua.”

2Sam 21:10

Rizipa mwarî wa Aia, ûrîa warî mûndûmûka wa Saûlo wa kwigwa nîwacokire agîtuma kanyomba ka nguo cia macakaya îgûrû rîa îthiga varîa ciimba icio ciarî. Nîwekarire vo kuuma rîrîa maketha maambîrîîrie nginya rîrîa mbura ya mûratho yaringire. Rizipa ndeetîkagîria iconi cia rîerarî ivutie ciimba icio îvinda rîa mûthenya, wana kana ivutue nî nyamû cia kîthaka îvinda rîa ûtukû.

2Sam 21:6

Kwoguo tûnengere arîû mûgwanja ake nîguo tûmacurie mbere ya Ngai-Mûnene kûu Gibea, îtûûra rîa Saûlo. Saûlo nîke mûthamaki ûrîa wathuurîtwe nî Ngai-Mûnene.” Mûthamaki nîwamacokerie atîrî, “Nîngûmûnengera o.”

Nthi 30:17

Mûndû ûrîa ûnyararaga îthe, na akarega kwathîkîra ng'ina, akaarîwa nî ikûngûrû na ndiiû.

Ezek 39:4

We, athigari aku a mbaara, na andû a mavûrûri marîa manyitanagîra nawe nîngaamanenganîra matuîke irio cia kûrîwa nî iconi cia mîthemba yonthe na nyamû cia kîthaka.

Ciîko 20:27

nîûndû nie ndianamûthitha ûndû wana ûmwe wa marîa Ngai avangîte gwîka.

Agal 3:13

Nwatî Kristû nîwatuîkire kîrumi nîûndû wetû nîguo atûkûûre kuuma kûrî kîrumi kîrîa kîretagwa nî watho. Nîûndû Mandîko matheru maugîte atîrî “Mûndû wa wonthe mwambe mûtharavarî nî mûrume nî Ngai.”

Josh 10:26

Joshua nîwaûragire athamaki acio na nîwamacuririe mîtîrî îtano, wa mûthamaki mûtîrî wake. Nayo mîîrî yao nîyekarire mîtîrî îo nginya kîvwaî Kîam mûthenya ûcio.

Josh 8:29

Nîwacokire agîcuria mûthamaki wa Ai mûtî îgûrû na mûthamaki agîkara vo nginya kîvwaî. Na riûa rîkîthûa Joshua nîwathanire mwîrî wa mûthamaki ûcurûrue kuuma mûtî îgûrû. Naguo nîwaikirue kîvingorî gîa îtûûra. Nîmaacokire magîûkunîkîra na mathiga mengî mûno. Mathiga mau marî vo nginya ûmûnthî.

1Sam 17:44

Mûfilisiti ûcio nîwerire Daudi atîrî, “Nguvîvîria na nînengera iconi cia rîerarî na nyamû cia kîthaka kimba gîaku.”

1Sam 17:46

Ûmûnthî Ngai-Mûnene nîakûmva we, ngûvoote na ngûnuke kîongo na njoke mve iconi na nyamû cia kîthaka ciimba cia athigari a Afilisiti irîe, nîguo andû a nthî mamenye atî Isiraeli kwîthagîrwa kûrî na Ngai.