Kîam 4:26 - ÎVUKU RÎA ÛVORO MWARO

²⁶ Sethi nîwagîre na kamwana na agîgeta Enoshi. Vîndî îo nîrîo andû maambîrîrie kûgwetaga rîîtwa Ngai-Mûnene makîgooca.

Kîam 4:26 ပူးပေါင်းရင်းမြစ်များ

Kîam 12:8

Vuva wa ûguo Aburamu nîwathiîre irîmarî irîa irî mwena wa îrathîro wa Betheli, na akîamba îgema rîake gatagatî ka Betheli na Ai. Betheli yarî mwena wa îthûîro, nayo Ai mwena wa îrathîro. Nake Aburamu nîwatumîre Ngai-Mûnene metha ya kîgongoona vau na akîgooca Ngai-Mûnene arî vo.

Kîam 26:25

Isaka nîwatumire metha ya kîgongoona vau, na akîgooca Ngai-Mûnene. Nîwacokire akîamba îgema rîake vau nacio ndungata ciake ikînja kîthima kîngî.

1Atha 18:24

Arathi a Baali nîmacoke mete rîîtwa rîa ngai wao, nanie nîngwîta rîîtwa rîa Ngai-Mûnene. Ngai ûrîa ûgûcokia na njîra ya kûrete mwaki, ûcio nîke Ngai wa ma.” Nao andû onthe nîmeetîkirie atî ûndû ûcio nî mwaro.

Thaburi 116:17

Nîngûkûrutîra îgongoona rîa gûcokia ngatho, na ngaîre rîîtwa rîaku.

Isaia 44:5

“Mûndû ûmwe nîakaauga atîrî, ‘Nie nîrî wa Ngai-Mûnene,’ na wîngî nîageîtania na rîîtwa rîa Jakovu, nake wîngî nîakaandîka njararî yake, ‘Wa Ngai-Mûnene,’ na eîtanagie na rîîtwa rîa Isiraeli.”

Isaia 48:1

Tathikîrîriani ûndû ûyû, mue nyomba ya Jakovu, mue mwîtanîtue na rîîtwa rîa Isiraeli, mue mûrî a mûvîrîga wa Juda, arîa mwîvîtaga mûkîgwetaga rîîtwa rîa Ngai-Mûnene, na mugaga atî mûgoocaga Ngai wa Isiraeli, nwatî tîna njîra ya ma kana wagîrîru.

Isaia 63:19

Twîkariî ta andû matanathwa nîwe wanarî vanini, ta andû matanetanua na rîîtwa rîaku.

Jeremia 33:16

Îvindarî rîu Juda nîîkavonokua na îtûûra rîa Jerusalemu rîgîe na thayû. Îtûûra rîu rîgetagwa, ‘Ngai-Mûnene nîke ûthingu wetû.’

Joeli 2:32

Nwatî andû onthe arîa makaavoya Ngai-Mûnene amatethie, nîmakaavonokua. Nîûndû kîrîma gîa Zayuni na Jerusalemu, nîgûkethîrwa na ‘andû makaavonoka, arîa magaatigara nî arîa nie nthurîte, ta ûrîa mbugîte nie Ngai-Mûnene.’ ”

Zefania 3:9

“Nîngaacoka ngarûre mwarîrie wa andû, nao makamvoyaga nienga tu na tî ngai ciîngî. Onthe nîmakaambathîkagîra na ngoro îmwe.

Luka 3:38

mûvîcî wa Enosi, mûvîcî wa Sethi, mûvîcî wa Adamu, mwana wa Ngai.

Ciîko 11:26

Rîrîa aamwonire, nîwamûvirire Antiokia, na kwa îvinda rîa mwaka mûgima Saûlo na Baranaba nîmaatûnganire na andû a kanitha na makîthomithia andû gîkundi kînene. Antiokia nîkuo etîkia meetirwe Akristiano rîrî riita rî mbere.

Ciîko 2:21

Na mûndû wa wonthe ûgeeta Mwathani akîenda ûtethio nîakaavonokua.’

Aroma 10:13

Nîûndû Mandîko Matheru maugîte atîrî, “Mûndû wa wonthe ûgaakaîra Ngai-Mûnene nî akaavonoka.”

1Akor 1:2

nîtwamwandîkîra maarûa mue kanitha wa Ngai ûrîa ûrî îtûûrarî rîa Korinitho na kûrî arîa onthe metîtwe matuîke andû a Ngai arîa matuîkîte ake marî na ûrûmwe na Jesû Kristû. Mue mwîtîtwe mûtuîke andû a Ngai mûrî vamwe na andû onthe arîa marî kûndû kuonthe na magoocaga Mwathani wetû Jesû Kristû ûrîa arîke Mwathani wao na wetû: