Kîam 4:15 - ÎVUKU RÎA ÛVORO MWARO

¹⁵ Nwatî Ngai-Mûnene nîwerire Kaini atîrî, “Ûguo tîguo. Ûngîkaaûragwa nî mûndû, nîûkaarîvîrîrua maita mûgwanja.” Kwoguo Ngai-Mûnene nîwekîrire Kaini rûûri rwa gûkaania mûndû wa wonthe ûrîa ûgaatûngana nake ndakaamûrage.

Kîam 4:15 ပူးပေါင်းရင်းမြစ်များ

Kîam 4:24

Ethîrwa Kaini akaarîvîrîrua maita mûgwanja kûrî mûndû ûrîa ûkaamûraga, nie ngaarîvîrîrua maita mîrongo mûgwanja na mûgwanja.”

1Atha 16:7

Ndûmîrîri îo yatûmanirwe nî Ngai-Mûnene kûrî Baasha na andû a nyomba yake, yavecanirwe nî mûrathi Jehu mûvîcî wa Hanani nîûndû wa mevia marîa Baasha eekîte mbere ya Ngai-Mûnene. Baasha aarakaririe Ngai-Mûnene nîûndû wa maûndû macûku marîa eekire wata marîa mûthamaki Jeroboamu eekîte, wa vamwe na kûûraga andû onthe a nyomba ya Jeroboamu.

Thaburi 59:11

Ndûkamaûrage wa rîmwe, nîûndû andû akwa nwa mariganîrwe, manyaganie na vinya waku na ûmavoote, we Mwathani, we nîwe ûtûgitagîra.

Thaburi 79:12

We Mwathani, îîrîvîrîrie kûrî ndûrîrî icio maita mûgwanja ma marîa ikûnyararîte namo.

Nthi 6:31

Nwatî angînyitwa, nwanginya arîve indo icio aîîte maita mûgwanja, ke akaanenganîra indo cionthe irîa arî nacio.

Ezek 9:4

na akîmwîra atîrî, “Vîtûkanîria îtûûrarî rîonthe rîa Jerusalemu na wîkîre rûûri mothiûrî ma andû onthe arîa maracaya na mararîra nîûndû wa maûndû marîa macûku marekwa îtûûrarî.”

Ezek 9:6

Ûragani athuuri arîa akûrû na arîa anini, mûrage anake na erîtu, ciana na aka, nwatî mûtikavutie mûndû ûrî na rûûri ûthiû wake. Ambîrîriani hekarûrî yakwa.” Kwoguo nîmaambîrîrie kûraga athuuri arîa maarî mbere ya hekarû.

Hosea 1:4

Nake Ngai-Mûnene nîwerire Hosea atîrî, “Tuîra kaana rîîtwa ûgeete Jezireeli, nîûndû nînîvarîrîtie kûverithia nyomba ya mûthamaki Jehu, nîûndû wa andû arîa aûragîre Kîamndarî Kîam Jezireeli na nthirie ûthamaki wa Isiraeli.

Alawi 26:18

“Ethîrwa wana neka maûndû mau monthe mûtikaavingia Maathani makwa, nî ngaamûverithia makîria nîûndû wa mevia menyu.

Alawi 26:21

“Ethîrwa nî mûkaathiî na mbere kûregana nanie na mûrege kûmbathîkîra nî ngaamûverithia maita mûgwanja makîria ya mevia menyu.

Alawi 26:24

Nie mwene nî ngaaregana namue na nîmûverithie maita mûgwanja nîûndû wa mevia menyu.

Alawi 26:28

nîngaaregana namue nîrî na marakara, na nîmûverithie maita mûgwanja nîûndû wa mevia menyu.

Mathaayo 26:52

Nake Jesû nîwamwîrire atîrî, “Cokia rûviû rwaku njûrarî, nîûndû arîa onthe marûaga na rûviû makaûragwa na rûviû.

Kûguû 14:11

Nayo ndogo ya mwaki ûrîa ûkaamanyamaria yunûkagia na îgûrû tene na tene. Arîa magoocaga nyamû kana mûviano wayo na marî na rûûri rwa rîîtwa rîayo, magatûûra manyamaragua.”

Kûguû 14:9

Nake mûraika wa kathatû nîwarûmîrîre arîa a mbere aîrî akiugagîrîria atîrî, “Mûndû wa wonthe ûgoocaga nyamû na mûvuanano wayo, na agekîrwa rûûri ûthiû kana njara ya ûrîo,