Kîam 4:14 - ÎVUKU RÎA ÛVORO MWARO

¹⁴ Nîwamîngata nyume gûkû nthî wana nyume kûrî we. Nie ndikaagîa na wîkaro. Nîndûûra nthiûrûrûkaga na mbûrûraga gûkû nthî. Mûndû wa wonthe ûkaamona nîakaambûraga.”

Kîam 4:14 ပူးပေါင်းရင်းမြစ်များ

Kîam 3:24

Ngai-Mûnene nîwengatire mûndû na akiga ciûmbe irî mwoyo cietagwa Akerubi mwena wa îrathîro wa mûgûnda wa Edeni, na rûviû rwarîrîmbûkaga mwaki na rwathiûrûrûkaga mîena yonthe. Eekire ûguo nîguo njîra îrîa îthiîte mûtîrî wa mwoyo ndîkathiîrîrwe.

Kîam 4:13

Kaini nîwerire Ngai-Mûnene atîrî, “Îvera rîu nî rînene mûno ndingîrîvota.

2Sam 14:7

Rîu mwathi wakwa, andû onthe a mûciî wetû nîarakaru nîûndû wakwa na marenda atî nîmanengere mûvîcîwa nîguo mamûûrage nîûndû wa kûûraga mûrwang'ina. Mangîka ûguo, nie nîngîtigwa ndarî na kavîcî. Mangîthiria kîîrîgîrîro gîakwa kîrîa gîtigarîte na magatiga mûthuuriwa atarî na kavîcî kangîgaatûma rîîtwa rîake rîririkanagwe.”

Thaburi 109:10

Ciana ciake nîciûrûrage ikîvoyaga; na mengatwe kuuma maganjorî kûrîa matûûraga!

Thaburi 109:12

Gûtikagîe na mûndû wa kûmwîguîra ntha, kana wa kûmenyerera ciana ciake cia ngoriai.

Thaburi 143:7

Njokeria narua, we Ngai-Mûnene! Nîrîmûkuû ngoro viû. Ndûkandiganîrie, nîûndû warega kûndethia nîngûthiî kwa arîa akuû.

Nthi 14:32

Andû arîa aganu macûkangagua nî ciîko ciao njûku, nwatî andû arîa athingu magitagîrwa nî wîvokeku wao.

Nthi 28:1

Mûndû mwaganu aûraga wana atarî mûvinyûrie nî mûndû, nwatî ûrîa mûthingu ethagîrwa aûmîrîrîtie ta mûnyambû.

Isaia 8:22

na marorie nthî, nwatî makeegua kîeva, mone thîna na nduma. Magaaikua ndumarî ndumanu.

Jeremia 52:3

Nake Ngai-Mûnene nîwarakarire mûno nîûndû wa andû a Jerusalemu na a Juda nginya akîmengata maume vakuvî nake. Nake Zedekia nîwareganire na Nebukadinezarû, mûthamaki wa Babuloni.

Hosea 13:3

Kwoguo nîmakaathira wa rîmwe ta nundu ya kîraûko, kana mathire wa rîmwe ta îme, kana ta mavûngo marîa magûrûkagua nî rûkûngi, kana ta ndogo îrîa yumaga nyomba.

Alawi 26:17

Nîngaamûtiganîria nîguo mûkaavootwa nî nthû cienyu, nao andû arîa mamûmenete nî makaamwatha. Mûkaamaka nginya mûrage wana gûtarî mûndû ûmûvinyûrithîtie.

Alawi 26:36

Nîngaatûma andû enyu arîa marî îthamîriorî mecûrwe nî guoya nginya mamakague nî mûgambo wa îthangû rîkinainua nî rûkûngi. Mûkaaûraga takwa mûvinyûrîtue mûkîûrîra mbaara, na mûkaagûcaga wana gûtarî nthû imûvinyûrîtie.

Ndari 35:19

Nake mûndû ûmwe wa arîa metanîtue na mûndû ûcio ûragîtwe nîakaamûrîvîrîria na njîra ya kûraga mûndû ûcio ûraganîte.

Ndari 35:21

kana amûringe na ngundi akue, mûndû ûrîa ûringîte ûcio wîngî nî mûragani na nwanginya akaaûragwa nî mûndû ûmwe wa arîa metanîtue na mûndû ûcio ûragîtwe.

Ndari 35:27

nake mûndû ûrîa metanîtue na mûndû ûrîa ûragîtwe oone ûcio ûraganîte arî vau nja ya mûvaka wa îtûûra rîu rîa kwîthitha na acoke amûrage, ke akeethîrwa atekîte wîvia wa kûragana.

Mathaayo 25:41

“Mûthamaki nîagaacoka ere arîa makeethîrwa marî mwena wake wa ûmotho atîrî, ‘Nthengutîrani ava, mue arîa arume nî Ngai! Thiîni mwakirî wa tene na tene ûrîa ûthondekeretwe Ngoma na araika ake.

Mathaayo 25:46

Nao andû acio nîmakaathiî kûrîa makaaverithua tene na tene. Nao andû arîa athingu nîmakaathiî mwoyorî wa tene na tene.”

Gûco 28:64

“Ngai-Mûnene nîakaamûnyagania mavûrûrirî monthe ma nthî. Nîmûgaatungatîra ngai ng'eni irûthîtwe na mîtî na mathiga, irîa mue wana methe menyu mataanagooca.

Gûco 28:65

Mûtikeganîra kana mûgîe na thayû mûrî mavûrûrirî mau, na gûtigaatuîka kwenyu. Ngai-Mûnene nîagaatûma mwîthîrwe mûrî na guoya, mûtarî na kîîrîgîrîro na mûthirîtwe nî mwîvoko.

2Ath 1:9

Nao nîmakaathînîka nîûndû Ngai nîakaamaverithia tene na tene. Nîmakaaigwa varaca na Mwathani na varaca na riiri wa ûnene wake.